Tuva

Tuvako Errepublika
Республика Тыва
Тыва Республика

Bandera	Armarria
Ereserkia: Tooruktug Dolgay Tangdym
Hiriburua	Kizil
Sorrera	1944ko urriaren 13
Antolaketa
Subjetu mota Barruti Federala Eskualdea	Errepublika Siberia Ekialdeko Siberia
Kodea ISO 3166-2	17 RU-TY
Informazioa
Azalera	170.500 km2
Biztanleria -Dentsitatea	305.510 biztanle 1,8 bizt/km2
Hizkuntzak ofiziala(k)	Errusiera, tuvera
Gobernua
Presidentea	Sholban Kara-ool
Legebiltzarra	Khural Handia
Webgune ofiziala

Tuva edo Tyva Errusiako federazioko erdi-hegoaldeko errepublika da, Jenisei ibaiaren goi-arroa hartzen duena, mendebaldeko Saian mendien eta Tannu-Ola mendien artean, Mongoliarekin muga egiten duela. Hiriburua Kizil da. 170.500 km² ditu, eta 2002an 305.510 biztanle zituen (tuvatar etniakoak hiru bosten, eta errusiar etniakoak gainerakoak). Tuvera deritzon turkiar hizkuntzan mintzo dira tuvatarrak. Nekazaritza-eremuetan bizi dira biztanleen erdiak baino gehiago.

Tuvako Errepublikaren mapa.

Historia

1757-1911 urteetan, Txinaren mende egon zen. 1911. urtean Errusiako tsarrak Tuvako burujabetasunaren aldeko erakundea bultzatu zuen, eta hiru urte geroago Errusiaren babespean zegoen Tuva. 1921. urtean, Tuvaren burujabetasuna aldarrikatu zuten, baina 1944an Errusiak bere egin zuen, eta 1961ean errepublika autonomo bihurtu zen.

Ekonomia

Laborantza (garia, garagarra), abere-hazkuntza (behi-azienda) eta lurpeko aberastasunen ustiatzea (ikatz- eta kobalto-hobi oparoak) dira ekonomia-jarduera nagusiak. Industria ez da aurreratua, eta hiri garrantzitsuenetan baizik ez dago (janari-industria, zurgintza, eraikuntzarako gaiak).

Artikulu hau Errusiako geografiari buruzko zirriborroa da. Wikipedia lagun dezakezu edukia osatuz.