Kalmukia

Wikipedia(e)tik
Hona jo: nabigazioa, Bilatu
Kalmukiako Errepublika
Республика Калмыкия
Хальмг Таңһч
Kalmukiako bandera

Bandera
Kalmukiako armarria

Armarria
Ereserkia: Kalmukiako Ereserki Nazionala
Kalmukiako kokapena
Hiriburua Elista
Sorrera 1957ko urtarrilaren 9
Antolaketa
Estatua
Subjetu mota
Barruti Federala
Eskualdea
 Errusia
Errepublika
Hegoaldea
Volga
Kodea
ISO 3166-2
08
RU-KL
Informazioa
Azalera 76.100 km2
Biztanleria
Dentsitatea
289.481 biztanle
3,8 bizt/km2
Hizkuntza ofiziala(k) Errusiera, kalmukera
Gobernua
Presidentea Alexei Orlov
Legebiltzarra Khurala
Webgune ofiziala

Kalmukia edo Kalmukiako Errepublika[1] (errusieraz: Респу́блика Калмы́кия, Respublika Kalmykiya; kalmukeraz: Хальмг Тангч, Haljmg Taŋč), batzuetan Kalmukia-Jalmg Tangch deitua, Errusiako subjektu federal bat da, errepublika bat zehazki, Hegoaldeko Barruti Federalean kokaturik dagoena. 76.100 km²ko eremua du, eta 2010ean 289.481 biztanle zituen[2]. Hiriburua Elista da.

Geografia[aldatu | aldatu iturburu kodea]

Errusiaren Europa aldeko hegoaldean dago, Kaspiar itsasoaren ertzean, Volga ibaiaren eta Kaukaso mendien arteko lautadan. Hiri nagusiak Elista, hiriburua, Gorodovikovsk eta Lagan dira[3].

Biztanleak[aldatu | aldatu iturburu kodea]

2010eko erroldaren arabera, Kalmukiak 289.481 biztanle zituen, eta talde etnikorik ugariena (%57,4) Kalmuka zen. Errusiarrak %30,2, darginak %2,7, txetxenak %1,2, kazakak %1,7, turkiarrak %1,3, avarak %0,8, ukrainarrak %0,5 eta germaniarrak %0,4 ziren[2] Kalmukak XVII. mendean Asiatik etorriak dira. Erlijio nagusia budismoa da.

Ekonomia[aldatu | aldatu iturburu kodea]

Lurraldearen erdia baino gehiago itsasoaren maila baino beherago dago, Kaspiar itsasoaren sakana handian. Nekazaritza ureztatze artifizialari esker egiten da. Abere-hazkuntzan behiak dira aipagarrienak.

Industriari dagokionez, arrantzarekin loturik daudenak eta eraikuntza-gaiak dira nagusiak.

Historia[aldatu | aldatu iturburu kodea]

1917ko Errusiako Iraultzaren ondoren, lurralde autonomo gisa antolatu zen. 1935ean, errepublika autonomo bihurtu zen. 1943an, kalmukak alemaniar nazien laguntzaile zirela salaturik, errepublika autonomoa kendu egin zen. 1957an, ordea, lurralde autonomo bilakatu, eta hurrengo urtean errepublika autonomo bihurtu zen berriro.

Irudi-galeria[aldatu | aldatu iturburu kodea]

Erreferentziak[aldatu | aldatu iturburu kodea]

Kanpo-loturak[aldatu | aldatu iturburu kodea]

Commonsen badira fitxategi gehiago, gai hau dutenak: Kalmukia Aldatu lotura Wikidatan