Kabardino-Balkaria
 |
 |
|---|---|
| Ereserkia: Kabardino-Blakariako Ereserkia | |
.svg) |
|
| Hiriburua | Naltxik |
| Sorrera | 1936ko urtarrilaren 5 |
| Antolaketa | |
| Subjetu mota Barruti Federala Eskualdea |
Errepublika Hegoaldea Ipar Kaukaso |
| Kodea ISO 3166-2 |
07 RU-KB |
| Informazioa | |
| Azalera | 12.500 km2 |
| Biztanleria -Dentsitatea |
901.494 biztanle 72,1 bizt/km2 |
| Hizkuntzak ofiziala(k) | Errusiera, kabardera, balkarera |
| Gobernua | |
| Presidentea | Arsen Kanokov |
| Legebiltzarra | Parlamentua |
| Webgune ofiziala | |
Kabardino-Balkaria Errusiako federazioaren barnean dagoen Errepublika bat da, Kaukaso mendien iparraldean. Hiriburua Naltxik da. Biztanleriaren % 45 kabardinoak dira, eta % 37,3 errusiarrak.
Oso lurralde menditsua da; Kaukaso mendietako gailur gorenak han daude (Elbrus, Diykh-Tau, Koshtan-Tau, Dzhangi-Tau, Shkora). Glaziar handiak dira, orobat. Iparraldean eta ipar-ekialdean Kabardinoko ordokia dago, nekazaritzarako mendialdekoak baino lur hobeak dituena. Ordoki horretan biltzen da nekazaritza gehiena.
Biztanleriaren % 60 hirietan bizi da. Erlijio nagusia islama da. Aberastasun-iturri nagusia, nekazaritzaz eta abere-hazkuntzaz gainera, energia elektrikoaren esportazioa (Kaukaso mendietako zentral hidroelektrikoak), meatzeak (urrea, kromoa, nikela) eta industria txikien produktuak (oihalgintza, zapatagintza, etab.) dira.
[aldatu] Historia
1557an kabardinoak errusiarrekin aliatu ziren, Kabarda eskualdea Terek kosako eskualdearen parte zela (gaur egun han bizi diren errusiar gehienak kosakoen ondorengoak dira). Mendietako balkar etniakoek luzaro eutsi zieten errusiarren erasoei. 1921ean Kabardino eskualde autonomoa eratu zen, eta 1922an, Balkariarekin baturik, Kabardino-Balkaria lurralde autonomoa; 1936an errepublika autonomoa eratu zen. 1943an, balkar etniakoak, alemaniar nazien laguntzaile zirela salaturik, beren lurraldetik kanpora egotzi zituzten. Haien lurraldea, Balksango haran menditsua, Georgiari eman zitzaion. 1956an balkariarrak berriro itzuli ziren beren lurraldera, eta hurrengo urtean Kabardino-Balkaria errepublika eratu zen berriro.
[aldatu] Kanpo-loturak
 |
Artikulu hau Errusiako geografiari buruzko zirriborroa da. Wikipedia lagun dezakezu edukia osatuz. |
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
