Almandoz
| Almandoz | |
|---|---|
 Euskal Herria | |
 Herriaren ikuspegi orokorra. | |
 | |
| Kokapena | |
| Herrialdea |  Nafarroa |
| Udalerria | Baztan |
| Administrazioa | |
| Posta kodea | 31796 |
| Herritarra | almandoztar |
| Geografia | |
| Koordenatuak | 43°05′28″N 1°36′19″W / 43.09108°N 1.60533°W43°05′28″N 1°36′19″W / 43.09108°N 1.60533°W |
| Demografia | |
| Biztanleria | 184 (2020:  4) |
Almandoz Baztango lekua da. 2020ko urtarrilaren 1ean 184 biztanle zituen[1].
Geografia[aldatu | aldatu iturburu kodea]
Baztan udalerriko herririk hegoaldekoena da.
Iruñetik N-121-A errepidean barna etorrita eta behin Belateko tunela eta Almandozko tunela igaro ondoren eta errepidea maldan behera doala, Almandoz lehenbiziko baztandar herria da, eta errepidearen ezkerraldean dago.
Herrigunea Loibeltz edo Santa Barbarako mendiaren magalean, itsasoko mailatik 450 metroko garaieran dago, haranako herririk altuena izanik.
Ondare nabarmena[aldatu | aldatu iturburu kodea]
- Ederrena pilotalekua: Herriko pilotalekua da. 1927an inauguratu zen, eta 2009an zaharberritu.
- Galtzaga jauregia edo Beola jauregia: XVIII. mendean eraikia, gaur egun hotela eta jatetxea da.
- Etxatoa etxea: Aurrealdea Fernando Agerrek egurrean landutako irudiez apaindua du, Beola jauregiaren alboan dago.
- Jauregia etxea: Almandozko pilotalekuaren alboan dagoen jauretxe bat da.
- San Pedro eliza: 1956ko azaroaren 11an inauguratua, antzinako izen bereko eliza ordezkatu zuen.
Argazkiak[aldatu | aldatu iturburu kodea]
Almandozko sarrera tradizionala. Ezkerrean eliza; eskuinean herriko izena daraman etxea.
Demografia eta biztanleria[aldatu | aldatu iturburu kodea]
| 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 |
|---|---|---|---|---|---|---|---|---|---|---|---|---|---|---|---|---|---|---|---|---|
| 214 | 219 | 228 | 223 | 218 | 220 | 218 | 207 | 212 | 210 | 211 | 205 | 201 | 208 | 198 | 194 | 185 | 182 | 181 | 180 | 184 |
Azpiegitura eta garraioak[aldatu | aldatu iturburu kodea]
La Burundesa autobus konpainiaren Donostia eta Iruñea bitarteko lineak geltokia dauka herrian. Maiztasunak aldakorrak dira, baina gutxinez bi zerbitzu izaten dira norabide bakoitzean egunero. Lineak honako ibilbidea egiten du:
- Donostia - Irun - Lesaka - Etxalar - Igantzi - Sunbilla - Doneztebe - Narbarte - Belate - Almandoz - Olague - Ostitz - Sorauren eta Iruñea
- Etxatoa etxeko egur tailatu batzuk (Fernando Agerre)
Emakumea
Txakurra
Gizona
Bestak eta ospakizunak[aldatu | aldatu iturburu kodea]
Almandozko bestak ekainaren 1ean ospatzen dira, Bestaberri egunean.
Almandoztar ezagunak[aldatu | aldatu iturburu kodea]
- Jose Bergara (1908-1936), fraidea, 2017an dohatsu aitortua.
- Elias Pierola Etxabarri edo Pierola II.a (1944-), esku pilotaria.
- Lola Sarratea (1944), artista eta idazlea.
- Miguel Atxa Mindegia (1957-), txirrindularia.
- Begoña Sanzberro Iturriria (1962-), UPNko politikaria.
Erreferentziak[aldatu | aldatu iturburu kodea]
Kanpo estekak[aldatu | aldatu iturburu kodea]
 |
Euskarazko Wikipedian bada atari bat, gai hau duena: Nafarroa |
- (Gaztelaniaz) Udal webgunean Almandoz
- Almandoz 2022. Nekane Aramendia. Leihoak, loreak, balkoiak, etxeak, kaleak eta mendiak. Herriko eta Berroetara doan bideko 160 argazki CC-BY-SA lizentziarekin. (2022 -07-31)
| Autoritate kontrola |
|
|---|
| |||||||
