Zorrotza

Zorrotza
	Euskal Herria
	Zorrotzako auzoa Barakaldotik ikusia.
Kokapena
Herrialdea	Bizkaia
Udalerria	Bilbo
Administrazioa
Posta kodea
Geografia
Koordenatuak	43°16′30″N 2°58′23″W / 43.275°N 2.973°W
Azalera	12,85 km²
Garaiera	150
Demografia
Dentsitatea	Adierazpen errorea: puntuazio karaktere ezezaguna "," bizt/km²

Zorrotza Bilboko auzoa da. Bilboko zortzigarren barrutian kokatuta dago, Basurtu-Zorrotzako distrituan alegia. Auzoak distrituari izena ematen dio eta Bilboko ipar mendebaldean kokatua dago. Bilboko auzorik iparrekoena da. Iparraldean Barakaldorekin egiten du muga, mendebaldean Alonsotegirekin, eta ekialdean Ibaizabal errekarekin.

Auzoak 12.309 biztanle dauzka eta 128,54 hektareako azalera. Guztira 96 biztanle bizi dira hektareako. Auzoa Ibaizabal ibaitik hego-ekialdeko norabidean hedatzen da Zazpilandako gunerarte, itsas mailatik 150 metrora, malda handiarekin. Bilboko udalerriko gune industrial nagusia da, eta Zorrotzaurreko proiektua aurrera egiterakoan, hirugunean geratuko den bakarra.

Garraiobide eta azpiegiturak[aldatu | aldatu iturburu kodea]

A-8 autobideak bitan banatzen du Zorrotzako auzoa, batetik Zazpilandako gune malkartsua, eta bestetik Zorrotzako gune laua. Azken urteetan autobidearen lurperatzearen aldeko ahotsak agertu dira, baina lurperatze lanek izango zuketen kostu altua dela eta, ez da oraindik horretarako proiekturik aurkeztu.

Zorrotzako auzoak bi garraiobide mota dauzka, trena eta autobusa. Renfe Aldiriakek geltoki bat dauka auzoaren ekialdean, eta FEVEk beste geltoki bat dauka auzoaren mendebaldean. FEVEren trenbideak arazo ugari sortzen ditu, trenbidea lur azaletik joateagatik hainbat trafiko arazo sortzen direlako. Bilbobuseko 18. eta 85. lineen bitartez auzoa Bilbo erdigunearekin, eta Deustuko San Pedroko auzoarekin elkarturik dago. Berez 18. linea Zorrotzara bakarrik heltzen zen arren, 2005. urtean Zazpilandaraino luzatu zen.

Bilbobus lineak[aldatu | aldatu iturburu kodea]

Linea	Ibilbidea	Maiztasuna (min)
18	San Ignazio - Zorrotza	15´
85	Zazpi Landa - Atxuri	20´
88	Kastrexana - Indautxu	60´

Bizkaibus lineak[aldatu | aldatu iturburu kodea]

Linea	Ibilbidea	Maiztasuna (min)
3115	Bilbo - Santurtzi	15´
3122	Bilbo - Sestao - Errepelega	30´
3136	Bilbo - Gurutzeta - Barakaldo Erretuertotik	30´
3137	Bilbao - Barakaldo Lutxanatik	30´
3144	Bilbao - Gurutzeta - Barakaldo Ugartetik	30´

Kale garrantzitsuenak[aldatu | aldatu iturburu kodea]

Fray Juan Etorbidea
Ontziola kalea
Zazpilanda kalea

Elkarteak[aldatu | aldatu iturburu kodea]

Ondasun nabarmenak[aldatu | aldatu iturburu kodea]

Molinos Vascos izeneko industria-eraikina, 2009an Eusko Jaurlaritzak Kultura Ondasun saikatua izendatua. Irina-fabrika bat zen, eta 1923-24 urte bitartean eraiki zuten Federico Ugalde arkitektoaren proiektuaren arabera. Hormigoizko egituraz Bilbon eraikitako bigarren eraikina izan zen, La Ceres irin-lantegiaren ondoren^[1].
Zorrotzako eliza