1969ko Eurovision Kantu Jaialdia

1969ko Eurovision Kantu Jaialdia, Eurovision kantu jaialdiaren 14. edizioa izan zena, Madrilgo Teatro Real antzokian ospatu zen. Aurkezlea Laura Valenzuela izan zen, jaialdiaren amaieran lau herrialderen arteko puntu berdinketa ikustean non sartu ez zekiela. Berdinduta geratu ziren lau ordezkariak Espainiako Salomé Vivo cantando kantuarekin, Erresuma Batuko Lulu Boom bang-a-bang kantuarekin, Herbehereetako Lenny Kuhr De Troubadour kantuarekin eta Frantziako Frida Boccara Un jour, un enfant kantuarekin izan ziren.

Lehen aldiz gertatu zen berdinketa bat lehen postuan, eta ez zegoen inongo arautegirik berdinketa hausteko, arauek "botu gehien jasotako telebistak edo telebistek" irabazten zutela adierazten baitzuten. Horregatik, berdinduta geratu ziren lau herrialdeak garailetzat jo ziren, sariak emateko orduan zailtasunak eragin zituena. Zuzenean, lau abeslariei prestatu zeuden lau sariak eman zitzaizkien (konposatzailea, letra egile, orkestra zuzendari eta interpreteari zegozkienak), eta jaialdiaren ondoren lau ordezkaritzen gainontzekoei eman zitzaizkien.

Austriak ez zuen parte hartu Espainiara kantari bat bidaltzeko bere ezezkoa zela eta, herrialde hau, garai horretan, diktadura bat jasaten ari baitzen, aurreko urteetan herrialde horiekin (Espainia edo Portugal) parte hartzeko edo hauengandik botoak jasotzeko inongo arazorik izan ez zuen arren. Bestalde, Liechtensteingo printzerriak parte hartzeko interesa izan zuen (Un beau Matin izeneko kantua ere aukeratu zuelarik), baina irrati-telebista publiko propiorik ez zuenez, parte-hartzea ukatu egin zitzaion. Ordezkaritzaren batzuk preso politiko batzuen askapena eskatu zioten espainiar gobernuari kantatzera etortzeko, eta Salomék TVEn 2004an esan zuenez, hala egin zen.

Kontutan hartu beharreko beste datu bat, Dalik jaialdi honekin lotutako publizitate guztia diseinatu izana eta jaialdiaren ekoizpen eta antolaketa izan ziren, erronka bat garai hartako TVErentzat, jaialdia koloretan zenbait herrialderentzat eman zuelarik.

Parte-hartzaileak

Herrialde parte-hartzaileetako abeslariak, herrialdearen arabera, barne aukeraketa bidez edo otsailaren bigarren erdia eta martxoko hasieran ospatu ziren final nazionalen bidez aukeratu ziren.

Aurreko urteetan jada parte hartu zuten bost abeslari aukeratu ziren. Romualdek, Luxenburgoren ordezkaria zena, 1964an jada parte hartu zuen, kasu honetan Monako ordezkatuz. Edizio honetan Mendebaldeko Alemania ordezkatu zuen Siw Malmkvistek 1960an Suedia ordezkatu zuen. Simone de Oliveirak bigarren aldiz ordezkatu zuen Portugal 1965ean beste horrenbeste egin ondoren, eta Louis Neefsek ere bigarren aldiz ordezkatu zuen Belgika, lehen aldiz 1967an parte hartu ondoren. Bi urte horietan jada ordezkatu zuen Norvegia Kirsti Sparboek, hau bere hirugarren parte-hartzea zelarik.

Jean Jacques, Monakoko ordezkaria, jaialdiko abeslaririk gazteenetako bat izan zen, hamabi urte baino ez baitzituen. Irlandak lehen aldiz aukeratu zuen Ipar Irlandako ordezkari bat, Muriel Day.

Herrialdea eta Telebista	Abestiaren jatorrizko izenburua	Artista	Aukeraketa prozesu eta data
	Euskarara itzulpena	Interpretazio hizkuntza
DEU ARD	Primaballerina	Siw Malmkvist	Final nazionala, 1969ko otsailak 22
	-	alemana
BEL BRT	Jennifer Jennings	Louis Neefs	Final nazionala, 1969ko otsailak 22
	-	nederlandera
ESP TVE	Vivo cantando	Salomé	Final nazionala, 1969ko otsailak 22
	-	gaztelania
YLE	Kuin silloin ennen	Jarkko & Laura	Final nazionala, 1969ko otsailak 22
	Garai haietan bezala	finlandiera
FRA ORTF	Un jour, un enfant	Frida Boccara	Barne aukeraketa
	Egun bat, haur bat	frantsesa
IRL RTÉ	The wages of love	Muriel Day	Final nazionala, 1969ko otsailak 16
	Maitasunaren soldatak	ingelesa
ITA RAI	Due grosse lacrime bianche	Iva Zanicchi	Barne aukeraketa
	Bi malko zuri handi	italiera
LUX CLT	Catherine	Romuald	Barne aukeraketa
	-	frantsesa
MCO TMC	Maman, maman	Jean-Jacques Bertolai	Barne aukeraketa
	Ama, ama	frantsesa
NOR NRK	Oj, oj, oj, så glad jeg skal bli	Kirsti Sparboe	1969ko Melodi Grand Prix, 1969ko martxoak 1
	Ai, ai, ze zoriontsu izango naizen	norvegiera
NLD NTS	De troubadour	Lenny Kuhr	Final nazionala, 1969ko otsailak 26
	Trobadorea	nederlandera
POR RTP	Desfolhada portuguesa	Simone de Oliveira	1969ko RTP Kantu Jaialdia, 1969ko otsailak 24
	Portugaldar hostosoildua	portugesa
GBR BBC	Boom bang-a-bang	Lulu	Final nazionala, 1969ko otsailak 22
	-	Ingelesa
SWE SR	Judy, min vän	Tommy Körberg	1969ko Melodifestivalen, 1969ko martxoak 3
	Judy, nire laguna	suediera
SUI SSR SRG	Bonjour, bonjour	Paola del Medico	Barne aukeraketa
	Kaixo, kaixo	Italiera
YUG JRT	Pozdrav svijetu	Ivan & M's	Final nazionala, 1969ko otsailak 2
	Eskerrak munduari	Kroaziera