1996ko Frantziako Tourra

Wikipedia, Entziklopedia askea
1996ko Frantziako Tourra
Datu orokorrak
Lasterketa83. Frantziako Tourra
Etapak22
Datakekainak 29 – 1996.eko uztailak 21
Luzera3.765 km
HerrialdeaFRA Frantzia
NED Herbehereak
BEL Belgika
ITA Italia
ESP Espainia
Irteera-lekua's-Hertogenbosch
Helduera-lekuaParis
Parte-hartzaileak197
Amaitu dutenak129
Bataz besteko abiadura39,237 km/o
Emaitzak
TxapeldunaDEN Bjarne Riis (Deutsche Telekom)
TxapeldunordeaGER Jan Ullrich (Deutsche Telekom)
HirugarrenaFRA Richard Virenque (Festina-Lotus)
Puntukako sailkapenaGER Erik Zabel (Deutsche Telekom)
Eskalatzailerik onenaFRA Richard Virenque (Festina-Lotus)
Gazte onenaGER Jan Ullrich (Deutsche Telekom)
Talderik onenaFRA Festina-Lotus
◀19951997▶
Dokumentazioa

1996ko Frantziako Tourra Itzuli Handi honen 83. edizioa izan zen. 1996ko ekainak 29 eta uztailak 21 artean ospatu zen, 3.765 kilometroko ibilbidea eginez 22 etapatan banatua, garaileak batez beste 39,236 kilometro orduko abiaduran bete zituenak. Lasterketa Herbehereetako 's-Hertogenbosch herrian hasi eta Parisko Champs Elyséesetan amaitu zen.

Miguel Indurain, aurreko bost edizioen garailea izan zena, berriz ere faborito nagusia zen. Bere arerioen artean Tony Rominger, Evgeni Berzin, Bjarne Riis, Alex Zülle eta Laurent Jalabert zeuden.

Garailea Bjarne Riis daniarra izan zen, 2007an 1996ko Tourra irabazi ahal izateko EPOa hartu zuela aitortu zuena.

Etapak[aldatu | aldatu iturburu kodea]

EtapaDataEtapako hiriaktypeLuzera (km)Etapako garaileaSailkapen orokorreko liderra
Prologoa Ekak 29NED 's-HertogenboschNED 's-Hertogenbosch
aitzinetapa
aitzinetapa
9,4SUI Alex ZülleSUI Alex Zülle
1 Ekak 30NED 's-HertogenboschNED 's-Hertogenbosch
etapa laua
etapa laua
209FRA Frédéric MoncassinSUI Alex Zülle
2 Uztk 1NED 's-HertogenboschWasquehal
etapa laua
etapa laua
247,5ITA Mario CipolliniSUI Alex Zülle
3 Uztk 2WasquehalNogent-sur-Oise
etapa laua
etapa laua
195GER Erik ZabelFRA Frédéric Moncassin
4 Uztk 3Soissons – Lac de Madine
etapa laua
etapa laua
232FRA Cyril SaugrainFRA Stéphane Heulot
5 Uztk 4Lac de Madine – Besançon
etapa laua
etapa laua
242NED Jeroen BlijlevensFRA Stéphane Heulot
6 Uztk 5Arc-et-SenansAix-les-Bains
bitarteko etapa
bitarteko etapa
207NED Michael BoogerdFRA Stéphane Heulot
7 Uztk 6Chambéry – Les Arcs
mendiko etapa
mendiko etapa
200FRA Luc LeblancRUS Jevgeni Berzin
8 Uztk 7Bourg-Saint-MauriceVal-d'Isère
erlojupeko igoera
erlojupeko igoera
30,5RUS Jevgeni BerzinRUS Jevgeni Berzin
9 Uztk 8Le Monêtier-les-BainsITA Sestriere
mendiko etapa
mendiko etapa
46DEN Bjarne RiisDEN Bjarne Riis
10 Uztk 9ITA TurinGap
bitarteko etapa
bitarteko etapa
208,5GER Erik ZabelDEN Bjarne Riis
11 Uztk 11GapValence
bitarteko etapa
bitarteko etapa
202COL Chepe GonzálezDEN Bjarne Riis
12 Uztk 12ValenceLe Puy-en-Velay
bitarteko etapa
bitarteko etapa
143,5SUI Pascal RichardDEN Bjarne Riis
13 Uztk 13Le Puy-en-Velay – Super Besse
bitarteko etapa
bitarteko etapa
177DEN Rolf SørensenDEN Bjarne Riis
14 Uztk 14Besse-et-Saint-AnastaiseTulle
bitarteko etapa
bitarteko etapa
185UZB Djamolidine AbdoujaparovDEN Bjarne Riis
15 Uztk 15Brive-la-GaillardeVilleneuve-sur-Lot
etapa laua
etapa laua
176ITA Massimo PodenzanaDEN Bjarne Riis
16 Uztk 16AgenHautacam
mendiko etapa
mendiko etapa
199DEN Bjarne RiisDEN Bjarne Riis
17 Uztk 17Argelès-GazostEU Iruña
mendiko etapa
mendiko etapa
262SUI Laurent DufauxDEN Bjarne Riis
18 Uztk 18EU IruñaEU Hendaia
bitarteko etapa
bitarteko etapa
154,5NED Bart VoskampDEN Bjarne Riis
19 Uztk 19EU HendaiaBordele
etapa laua
etapa laua
226,5FRA Frédéric MoncassinDEN Bjarne Riis
20 Uztk 20BordeleSaint-Émilion
banakako erlojupekoa
banakako erlojupekoa
63,5GER Jan UllrichDEN Bjarne Riis
21 Uztk 21PalaiseauParis
etapa laua
etapa laua
147,5ITA Fabio BaldatoDEN Bjarne Riis

Garapen orokorra[aldatu | aldatu iturburu kodea]

Lehen etapak normaltasunez igaro ziren, esprintak eta euria eta hotza egiten zuen egunak nagusi zirelarik. Maillot horia Alex Züllegandik Frédéric Moncassinengana pasa zen, eta honengandik Stephane Heulotengana.

Alpeetako lehen etapan, Luc Leblanc izan zen garaile, eta Yevgeni Berzin jarri zen sailkapen nagusiko lider bezala. Abraham Olano bigarren jarri zen Berzinen denbora berarekin, eta Rominger hirugarren. Lehen etapa honetan oso sorpresa nabarmengarria gertatu zen, Indurainek garailearekiko lau minutu galduz, hala, sailkapen nagusiko lehen postuetatik aldenduz. Nafarraren ahuldadearen lehen adierazpena zen edizio honetan.

Berzinek bere lehen postua sendotu zuen hurrengo eguneko erlojupekoan, berau irabaziz. Indurainek nahiko erlojupeko kaxkarra egin zuen, errusiarragandik minutu batera amaituz. Hurrengo eguneko etapak, Sestrieren amaitu zena, bere ibilbidea aldatuko zuen arazo meteorologikoen ondorioz. Hala eta guztiz ere, Bjarne Riisek hain etapa laburra ondo baliatu zuen eta etapa garaipena eta maillot horia bereganatu zituen. Indurainek urruti zirauen sailkapen nagusian, baina oraindik bazuen proba irabazteko itxaropenik.

Alabaina, mendatean amaitzen zen Pirinioetako lehen etapan, Hautacamen amaitu zena, Riisek bere bigarren etapa garaipena lortu zuen, bere jazartzaileekiko abantaila handitu zuen aldi berean. Olano eta Rominger ia hiru minutura zeuden, eta Indurainek berriz huts egin zuen, jada zazpi minutura zegoen sailkapen nagusian. Baina hurrengo egunean hondoratuko zen erabat nafarra, hain zuzen ere Iruñean amaitu zen etapan, Atarrabian bere gurasoek zuten etxe ondotik igarotzen zena. 262 kilometroko etapa luze bat, non Indurainek zortzi minutu baino gehiago galduko zituen Olano eta Rominger bezalako beste faborito batzuekiko. Riisek erabakita utzi zuen Frantziako Tourra Jan Ullrich alemaniar gaztearekin batera.

Indurainek hurrengo etapan arantza kentzea nahi zuen, 63 kilometroko erlojupeko bat, baina Jan Ullrich gazte alemaniarrak garaitu zuen bere espezialitate kuttunean, Indurain etapako bigarren postuan geratuz. Ullrichek, gainera, arazotan jarri zuen bere taldekidea zen Bjarne Riis, azkenean, elkarren artean sailkapen nagusian zegoen denbora diferentzia guztia jaterik lortu ez zuen arren.

Hala, Bjarne Riis Tourra irabazi zuen lehen daniarra izan zen. Jan Ullrichek, bigarren izan zena, oso etorkizun ona iragartzen zuen, eta Richard Virenquek amaitu zuen hirugarren, mendiko sailkapena ere lortu zuelarik. Miguel Indurainek, bere azken tourra izan zen honetan, 11. amaitu zuen. Riisengandik hamabi minutu baino gehiagora.

Fernando Escartínek 8. amaitu zuen, eta Abraham Olano anoetarrak 9.

Sailkapenak[aldatu | aldatu iturburu kodea]

Sailkapen nagusia[aldatu | aldatu iturburu kodea]

Sailkapen orokorra
TxirrindulariaHerrialdeaTaldeaDenbora
1. Bjarne Riis elastiko horia, sailkapen orokorreanDEN DanimarkaDeutsche Telekom95 o 57 min 16 s
2. Jan Ullrich Maillot zuriaGER AlemaniaDeutsche Telekom+ 1 min 41 s
3. Richard Virenque red polka dot jersey, mountains classificationFRA FrantziaFestina-Lotus+ 4 min 37 s
4. Laurent Dufaux SUI SuitzaFestina-Lotus+ 5 min 53 s
5. Peter Luttenberger AUT AustriaCarrera Jeans+ 7 min 07 s
6. Luc Leblanc FRA FrantziaPolti+ 10 min 03 s
7. Piotr Ugrumov LAT LetoniaRoslotto-ZG Mobili+ 10 min 04 s
8. Fernando Escartín ESP EspainiaKelme-Artiach+ 10 min 26 s
9. Abraham Olano EU Euskal HerriaMapei-GB+ 11 min 00 s
10. Tony Rominger SUI SuitzaMapei-GB+ 11 min 53 s
11. Miguel Indurain EU Euskal HerriaBanesto+ 14 min 14 s
12. Patrick Jonker AUS AustraliaONCE+ 18 min 58 s
13. Bo Hamburger DEN DanimarkaTVM-Farm Frites+ 22 min 19 s
14. Udo Bölts GER AlemaniaDeutsche Telekom+ 25 min 56 s
15. Alberto Elli ITA ItaliaMG Boys Maglificio-Technogym+ 26 min 18 s
16. Manuel Fernández Ginés ESP EspainiaMapei-GB+ 26 min 28 s
17. Leonardo Piepoli ITA ItaliaRefin-Mobilvetta+ 27 min 36 s
18. Laurent Brochard FRA FrantziaFestina-Lotus+ 32 min 11 s
19. Michele Bartoli ITA ItaliaMG Boys Maglificio-Technogym+ 37 min 18 s
20. Jevgeni Berzin RUS ErrusiaGewiss-Playbus+ 38 min 00 s
21. Viatcheslav Ekimov RUS ErrusiaRabobank+ 43 min 58 s
22. Stefano Cattai ITA ItaliaRoslotto-ZG Mobili+ 48 min 03 s
23. Laurent Madouas FRA FrantziaMotorola+ 53 min 15 s
24. Arsenio González ESP EspainiaMapei-GB+ 55 min 28 s
25. Massimiliano Lelli ITA ItaliaSaeco-Estro-AS Juvenes San Marino+ 55 min 35 s
Iturria : ProCyclingStats


Puntukako sailkapena
1. Erik Zabel  Alemania TEL 335 puntu
2. Frédéric Moncassin  Frantzia GAN 284 puntu
3. Fabio Baldato  Italia MGT 255 puntu
Mendiko sailkapena
1. Richard Virenque  Frantzia FES 383 puntu
2. Laurent Dufaux  Suitza FES 176 puntos
Gazteen sailkapena
1. Jan Ullrich  Alemania TEL 95h 58' 57"
2. Peter Luttenberger  Austria CAR + 5' 26"
3. Manuel Fernández Ginés  Espainia MAP + 24' 47"
Taldekako sailkapena
1. Festina  Frantzia FES 287h 46' 20s
2. Deutsche Telekom  Alemania TEL + 15' 14"
3. Mapei-GB  Italia MAP + 51' 36"

Bjarne Riisen dopaje aitortza[aldatu | aldatu iturburu kodea]

2007an, CSC taldearen zuzendari zenean, 1996ko Tourraren garailea izan zen Bjarne Riisek Tourra irabazteko EPOa hartu zuela aitortu zuen. Bere adierazpenen arabera, berak propio erosi eta hartu zuen EPOa, Telekom taldeko medikuetako bakar batek ere ezer ez zekielarik. Riisek txapeldun bihurtzeko moduagatik batere harro ez zegoela aitortu zuen.

« Nire kamiseta horia nire etxeko garajean dago, eta nahi duzuenean izan dezakezue. Ez du inongo baliorik, niretzat balioa dutenak oroitzapenak dira. »


2007ko ekainak 7an, Frantziako Tourraren antolakuntzak daniar txirrindularia ezabatu zuen palmaresetik UCIren partetik ezabatze formalaren zain, Tourraren historian ordurarte sekula gertatu ez zena.

Alabaina, azkenean, Frantziako Tourraren antolakuntzak Riisen garaipena palmaresean utzi zuen, eta eraginik gabe utzi zituen iragarritako sailkapenaren aldaketak.

Parte-hartzaileak[aldatu | aldatu iturburu kodea]


Aurrekoa
1995eko Frantziako Tourra
Frantziako Tourra
1996ko ekainak 29 eta uztailak 21 artean ospatua
Ondorengoa
1997ko Frantziako Tourra

Artikulu hau gaztelaniazko eta frantsesezko wikipedietatik itzulia dago.

Kanpo estekak[aldatu | aldatu iturburu kodea]