1996ko Espainiako Itzulia

Datu orokorrak

Lasterketa

51. Espainiako Vuelta

Datak

irailak 7 – 1996.eko irailak 29

Luzera

3.947 km

Herrialdea

Espainia

Irteera-lekua

Valentzia

Helduera-lekua

Madril

Taldeak

19

Parte-hartzaileak

180

Emaitzak

Txapelduna

Alex Zülle (ONCE)

Txapeldunordea

Laurent Dufaux (Festina-Lotus)

Hirugarrena

Tony Rominger (Mapei-GB)

Puntukako sailkapena

Laurent Jalabert (ONCE)

Eskalatzailerik onena

Tony Rominger (Mapei-GB)

Etapa hegalariak

Jürgen Werner (Deutsche Telekom)

Talderik onena

1996ko Espainiako Itzulia Itzuli Handi honen 51. edizioa izan zen. 1996ko irailak 7 eta 29 artean ospatu zen, 22 etapatan banatutako 3898 kilometroko ibilbidea eginez, garailea izan zen Alex Züllek batez beste, 39,986 kilometro orduko abiaduran bete zituenak. Valentzian hasi eta Madrilen amaitu zen.

Tony Rominger 1995eko Italiako Giroa irabazi ondoren handi egin zuen Itzulira itzuli zen. Aurrean, ONCE taldea zuen, aurreko edizioko garailea izan zen Laurent Jalabertekin eta Alex Züllerekin. Miguel Indurain, bost aldiz Frantziako Tourraren irabazlea izan zena, irabazteko falta zitzaion Itzuli Handi bakarra irabaztera joan zen, bere seigarren Tourra jarraian irabazteko saiakeran huts egin ondoren.

Itzuliko lehen egunak lasai igaro ziren faboritoentzat, esprint ugarirekin amaituz etapak. Maillot horia zenbait esprinterren artean pasatzen joan zen tarteko helmugetan eta helmugan lortutako bonifikazioen ondorioz.

Lehen erlojupekoa, 46 kilometrokoa, 10. etapan ospatu zen eta azken garaipenerako faboritoen arteko lehen lehia izan zen. Romingerrek irabazi zuen etapa, Zülle bigarren geratuz 2 segundura eta Indurain 3. 27ra. Gainontzeko txirrindulariak oso urruti geratu ziren. Alabaina, sailkapen nagusian egoera oso ezberdina zen, Rominger jada Zülle eta Indurainengandik nahiko aldendua baitzegoen. Jalabert eurengandik gertu zegoen, hirugarren postuan.

12. etapan, Narancon amaitu zena, Miguel Indurainen aurkako lehen kolpea gertatu zen, Züllerekiko minutu bat galdu zuelarik, eta sailkapen nagusian jada bi minutura zegoen, hirugarren postuan. Zülle eta Jalabert lasterketa nahiko lasai agintzera pasa ziren.

Hurrengo egunean, Covadongako aintziretako etapan, Indurain erretiratu egin zen, publikoa harrituta utziz, lasterketako liderraren atzetik atzeratua zihoanean. Vuelta ONCE taldearen esku geratu zen. Hirugarren sailkatua, Laurent Dufaux, Züllerengandik bost minutu baino gehiagora zegoen.

Pirinioetako etapa bakarra, Cerlergo estazioan amaitu zena, soilik ONCEk bere nagusitasuna frogatzeko balio izan zuen. Alabaina, 19. etapan Jalabertek minutu asko galdu zituen eta bidea libre utzi zion Zülleri honek bere lehen Espainiako Itzulia irabaz zezan.

21. etapan jokatu zen erlojupekoak Tony Romingerrek bere bigarren etapa garaipena eta sailkapen nagusian 3. postua lortzeko balio izan zuen.

Azkenik, podiuma erabat suitzar jatorrikoa izan zen, Alex Zülle garaile bezala, Laurent Dufaux bigarren postuan eta Tony Rominger hirugarrenean, azken honek mendiko sailkapena ere irabazi zuelarik.

Etapak[aldatu | aldatu iturburu kodea]

Etapa	Data	Ibilbidea	Kilometroak	Garailea	Liderra
1.a	irailak 7	Valentzia - Valentzia	162	Biagio Conte	Biagio Conte
2.a	irailak 8	Valentzia - Cuenca	210	Nicola Minali	Biagio Conte
3.a	irailak 9	Cuenca - Albacete	167	Laurent Jalabert	Laurent Jalabert
4.a	irailak 10	Albacete - Murtzia	166,5	Tom Steels	Laurent Jalabert
5.a	irailak 11	Murtzia - Almería	208	Jeroen Blijlevens	Laurent Jalabert
6.a	irailak 12	Almería - Málaga	196,5	Fabio Baldato	Fabio Baldato
7.a	irailak 13	Málaga - Marbella	171	Fabio Baldato	Fabio Baldato
8.a	irailak 14	Marbella - Jerez de la Frontera	220	Nicola Minali	Fabio Baldato
9.a	irailak 15	Jerez de la Frontera - Kordoba	203,5	Nicola Minali	Fabio Baldato
10.a	irailak 17	El Tiemblo - Ávila	46,5 (banakako erlojupekoa)	Tony Rominger	Alex Zülle
11.a	irailak 18	Ávila - Salamanca	188	Marco Antonio Di Renzo	Alex Zülle
12.a	irailak 19	Benavente - Naranco mendia	188	Daniele Nardello	Alex Zülle
13.a	irailak 20	Oviedo - Covadongako aintzirak	159	Laurent Jalabert	Alex Zülle
14.a	irailak 21	Cangues d'Onís - Cabárceno	202,5	Biagio Conte	Alex Zülle
15.a	irailak 22	Cabárceno - Alto Cruz de la Demanda (Ezkarai)	220	Alex Zülle	Alex Zülle
16.a	irailak 23	Logroño - Sabiñánigo	221	Nicola Minali	Alex Zülle
17.a	irailak 24	Sabiñánigo - Cerler/Ampriu	165,5	Oliverio Rincón	Alex Zülle
18.a	irailak 25	Benasque - Zaragoza	219,5	Dimitri Konyshev	Alex Zülle
19.a	irailak 26	Getafe - Ávila	217	Laurent Dufaux	Alex Zülle
20.a	irailak 27	Ávila - Palazuelos de Eresma (Dyc distileriak)	209,5	Gianni Bugno	Alex Zülle
21.a	irailak 28	Segovia - Palazuelos de Eresma (Dyc distileriak)	43 (banakako erlojupekoa)	Tony Rominger	Alex Zülle
22.a	irailak 29	Madril - Madril	157,5	Tom Steels	Alex Zülle

Taldeak[aldatu | aldatu iturburu kodea]

Taldea	Taldeko liderra
ONCE	Laurent Jalabert
AKI - Gipièmme	Dimitri Konyshev
Banesto	Miguel Indurain
Cantino Tollo	Stefano Dante
Euskadi	Igor González de Galdeano
Gewiss - Playbus	Vladislav Bobrik
Kelme Artiach	Fernando Escartín
Lotus Festina	Laurent Dufaux
Maia - Jumbo	Manuel Abreu Campos
Mapei	Tony Rominger

Taldea	Taldeko liderra
MG - Technogym	Gianni Bugno
Motorola	Bobby Julich
MX Onda - Eurosport	Marcel Wüst
Petit Casino	Armand de las Cuevas
Team Polti	Davide Rebellin
Saeco	Francesco Casagrande
Santa Clara	Romes Gainetdinov
Scrigno	Davide Casarotto
Telekom	Michael Andersson
TVM	Maarten den Bakker

Sailkapenak[aldatu | aldatu iturburu kodea]

Sailkapen nagusia

1.	Alex Zülle	ONC	97h 31' 46"
2.	Laurent Dufaux	FES	+ 6' 23"
3.	Tony Rominger	MAP	+ 8' 29"
4.	Roberto Pistore	MGT	+ 10' 13"
5.	Stefano Faustini	AKI	+ 11' 21"
6.	Georg Totschnig	POL	+ 11' 33"
7.	Davide Rebellin	POL	+ 13' 16"
8.	Andrea Perón	MOT	+ 14' 46"
9.	Bobby Julich	MOT	+ 15' 10"
10.	Fernando Escartín	KEL	+ 18' 36"