Artikulu hau "Kalitatezko 1.000 artikulu 12-16 urteko ikasleentzat" proiektuaren parte da

Bideoklip

Wikipedia, Entziklopedia askea
Jump to navigation Jump to search

The Beatles Help! filmean

Bideoklip kanta edo bestelako konposizio musikal baten inguruan bideoz eginiko film labur txikia da.[1] Hau bideo, telebista edota internet bidez zabaltzen da, kanta irudi bidez bisualki irudikatuz. Nahiz eta batzuetan zuzeneko ikuskizuna besterik ez grabatu, badaude animazioa, dokumentalak edo beste teknikak erabiltzen dituztenak; esaterako, bideo eran grabatzea eta editatzea, eta era zinematografikoan manipulatzea.[2]

Ez du definizio zehatzik. Hara ere, Euskaltzaindiaren hiztegiak honela denifitzen du: "Bideoz eginiko film laburra, kanta edo kideko musika-lan bat ezagutzera emateko, soinu horrekin eta lagungarri diren irudiekin egiten dena."[3]

Efektu bisual eta elektroniko askorekin egin ohi dira oso dinamikoak izateko eta, honela, ahalik eta ikus-entzule gehien erakartzeko. Horregatik, sormena eta esperimentazio gehien erabiltzen dituen ikus-entzuneko generoa da. Aldi berean, arrazoi berdinagatik, gai honetaz ezagutza asko dituzten pertsonak beharrezkoak dira; hala nola, planoetan, zailtasun ezberdinetako kamera mugimenduetan eta argiztapen tratamenduetan adituak direnak.

Ezaugarriak[aldatu | aldatu iturburu kodea]

A. Sedeño-ren arabera bideo-klipek hurrengo ezaugarriak izan behar dituzte:

  • Publizitate-asmoa: Kanta bate saltzeko edo sustatzeko eta abeslariaren edo taldearen irudia sortzeko edo sendotzeko helburua izan behar du. Nahiz eta hasiera batean publizitaterako sortuak izan, diru gai honen inguruan mugimenduan dabiltzan diru kantitate handiei esker, tresna hoberenak erostea ahalbidetzeaz gain, bideoklipen bidez jokabide erak, ideologiak, estereotipo sozialak eta kultura eta bizi erreferentziak sor daitezke.
  • Teknikoki musika, irudi (fotografikoak, fiktizioak, mugiezinak edo mugikorrak...) eta hitzen bidezko hizkuntzen multzoa da. Bideoklipen oinarria kanta bat da. Ondoren, irudiak txertatzen zaizkio kantari.
  • Hizkuntza eta estetika espezikoak sortzen dituzte soinu eta irudien erlazioaren bidez. Lortu nahi den publizitatearen arabera era bateko edo beste era batekoa.

Historia[aldatu | aldatu iturburu kodea]

The Buggles-en Video killed the radio star bideokliparen irudi bat.

Bideoklipak batez ere marketing teknika moduan erabiltzen dira abeslari eta musika talde baten grabazioa saltzeko.

1980ko hamarkadan zabaldu zen bideoklipen erabilpena. Aldi berean, MTV (Music Television) kanala hauen inguruan sortu zen. 1979an, John Lack-ek eta Michael Nesmith-ek, Estatu Batuetan, kable bidezko lehen musika kanala sortzen saiatu ziren, baina 1981ko abuztuaren 1a arte ez zen lortu. Egun hartan, MTV-k lehen transmisioak egin zituen, baina soilik kanta britaniarrak transmititzen zituzten. Zehazki, transmititzen lehenengoa izan zen bideoklipa The Buggles-en Video Killed the Radio Stars izan zen, The Who, Rod Stewart eta The Rolling Stones taldeak jarraituta.

MTV-ri esker, bideoklipak telebistaren inguruko sorkuntzen artean erradikalena eta diru gehien ekarri sortu duena izan da. Pop kultura, artearen historia eta marketinaren ekonomia sortu zenetik, bideo-musikalak postmodernismoaren irudi-bizia dira. Arte-bideoa eta animazioa formatu komertzial bideragarrian txertatuz, bideoklipak ezagutaraztea eta irudikatzearekin eta narratzearekin esperimentatzea sustatu du.

Bideoklipen balio etikoak eta ideologia[aldatu | aldatu iturburu kodea]

Autore ezberdinen arabera, bideoklipa balio etiko eta ideologia ezberdinen hedapen modu garrantzitsu bat da. Gaun egun arte, zehetasun gehien dituen eta Espainian egin den azterketa Jon E. Illescasen doktoretza tesia izan da. Tesia hau Alikanteko Unibertsitatearen eta Madrilgo Complutense Unibertsitatearen artean egin zen. Azterketa hau asko hedatu zen komunikabideen nagusien bidez. Beranduago, azterketa hau arrakasta handia izan zuen liburu batean ere argitaratu zuten. Honen bitarte, Illescasek frogatu zuen nola eragiten dien bideoklipek egungo gazteei haien ideologia eta balio etikoak markatzerakoan. Horretaz gain, politikariek bere kanpainen propaganda bideo musikal hauen bidez nola egiten duten ere frogatu du.

Kronologia[aldatu | aldatu iturburu kodea]

  • 1920: Momentuko asmatzaileek, haien artean Oskar Fischinger, musika-bisualaren oinarria finkatu zuten kanta zehatzei txertatuko zizkieten irudiak sortuz.
  • 1930: Carlos Gardelek hamar kanta grabatu zituen soinuaz gain irudiak ere jasoz.
  • 1940: Walt Disneyk Fantasia izeneko pelikula sortu zuen animazioa eta musika nahastuz.
  • 1941: Estatu Batuetako tabernetara Paroram Soundie izeneko rockola iritsi zen, pelikula musikalak musikarekin erreproduzitzen zituen asmakizun berria.
  • 1956: Hollywood-ek musikan oinarrituriko pelikula genero berri bat ezagutu zuen. Honela, rock and rollean oinarritutako pelikula berria asko sortu ziren; hala nola, Elvis Presleyren pelikulak, Rock Around the Clock, Don't Knock the Rock, Shake, Rattle and Rock, Rock Pretty Baby, The Girl Can't Help It, eta abar. Hauetako batzuk istorio baten irudikapen musikalak ziren; besteak, aldiz, aldizkarien showak.
  • 1957: Ameriketako Estatu Batuetan, bideoklip gisa onartu zen lehen bideo musikala sortu zen. Bertan, Elvis Presley agertzen zen Jailhouse Rock abestuz. Nahiz eta originala koloretan egon, bideo musikala zuri-beltzean zabaldu zuten.
  • 1960: Frantzian, Scopitone izen zuen Soundieren bertsio berriago bat asmatu zuten. Honek kanta ezberdinen artean aurkeratu ahal izateko aukera zuen. Frantzian arrakasta handia izan zuen.
  • 1962: Telebista britainiarrak programa musikalen formato berria sortu zituen programa berriak sortuz; esaterako, Top Of The Pops, Ready! Steady! Go! eta Oh, Boy. Hauek artista askori ezagutzera ematea ahalbidetu zien.
  • 1964: Estatu Bauetan, britainiarrek sortutako formatoa egokitu eta programa berriak sortu zituzten hauek ere; adibidez, Hullabaloo, Shindig! (NBC) eta American Bandstand. Gainera, Bremenen (Alemania) Beat-Club izeneko programan momentuko artisten zuzeneko bideoak igortzen zituten.
  • 1965: Santiago Álvarez Román kubatarrak Now izeneko fillm labur irualtzaile ospetsua egin zuen. Autore desberdinek film labur hau gaur egungo bideoklipen jatorria dela uste dute.
  • 1966: Lehenengo bideo kontzeptualak transmitituak izan ziren; adibidez, The Beatles-en Paperback Writer eta Rain.
  • 1967: Asmo handiagoko bideo gehiago plazaratu ziren; esate baterako, The Beatles-en Penny Lane eta Strawberry Fields Forever.
  • 1968: Ekainean, Elvis Presley-k bideo musikal berriak grabatu zituen If I Can Dream eta Trouble/Guitar Man kantekin.
  • 1974: ABBAk bere lehenengo bideo kontzeptualak grabatu zituen: Ring Ring eta Waterloo.
  • 1975: Queen taldeak Bohemian Rhapsody kanta zuen bideoklipa plazaratu zuen. Bideo musikal hau efektu bereziak zituen lehen bideoklipa zen. Momentu honetan lehengo bideoklipen eta momentukoan artean banaketa bat sortzen da, garai hartatik aurrera sortutako bideo musikalek momentuko teknologia modernoena aprobetxatuz. Honen arrakasta ikusita, diskografikek bideoklipak egitea ohikoa bilakatu zen.
  • 1981: MTV-ren sortu zen, lehen telebista kanala non eguneko 24 orduetan zehar soilik bideo musikalak emititzen ziren. Hasieran, kable bidezko operadore gutxik zuten; baina, denboraren poderioz, arrakasta handia lortu zuen eta kultura-ikono bat bihurtu zen.
  • 1982: Mecanok lehen bideoklip espainiarra grabatu zuen Hoy no me puedo levantar kantarekin.
  • 1983: Michael Jacksonen Thriller biodeoklipa egin zen. Bideo musikal honek bideoklipak sortzeko eran aurreko bideoklipen eta beranduagokoen artean banaketa bat sortu zuen.
  • 1995: MTV-ri esker bideo musikalen zuzendariak ospetsu bihurtzen hasi ziren.
  • 2005: YouTube web-orrialdea sortu zen, bideoklipetara iristeko bide errezagoa izateko asmoarekin.
  • 2009: YouTube barnean Vevo kanala sortu zen. Kanal honen jabeak munduko bi diskografika handienak dira: Universal Records eta Sony Music.

Erreferentziak[aldatu | aldatu iturburu kodea]

  1. Bideoklip Harluxet Hiztegi Entziklopedikoa.
  2. Cutietta, Robert (1985) «Using Rock Music Videos to Your Advantage» Music Educators Journal 71 (6): 47–49.
  3. «Euskaltzaindiaren Hiztegia» www.euskaltzaindia.eus . Noiz kontsultatua: 2019-02-27.