Laura Mintegi

Laura Mintegi
	; Irudi gehiago
; Diputatua Eusko Legebiltzarrean
; Diputatua Eusko Legebiltzarrean
; Euskal Herria Bilduren bozeramailea
Bizitza
Jaiotzako izen-deiturak	Laura Mintegi Lakarra
Jaiotza	Lizarra, 1955eko urriaren 26a (70 urte)
Herrialdea	Nafarroa Garaia, Euskal Herria
Hezkuntza
Heziketa	Euskal Herriko Unibertsitatea
Hezkuntza-maila	doktorea
Hizkuntzak	euskara; gaztelania
Jarduerak
Jarduerak	idazlea, unibertsitateko irakaslea eta politikaria
Enplegatzailea(k)	Euskal Herriko Unibertsitatea
Kidetza	Udako Euskal Unibertsitatea; Euskaltzaindia
Ideologia eta sinesmenak
Alderdi politikoa	Herri Batasuna; Euskal Herria Bildu

Laura Mintegi Lakarra (Lizarra, Nafarroa Garaia, 1955eko urriaren 26a) euskal idazlea, irakaslea EHUn, eta politikaria da. Horrez gain, 2004az geroztik, Euskal PEN Klubaren presidentea da. Euskaltzaindiak euskaltzain urgazle izendatu zuen 2006an.

Jaiotzez nafarra izanagatik, Venezuelan bi urte eman zituen umetan eta gero familia Bilbo aldera mugitu ziren. Ordutik aurrera Algortan bizi da. Euskara Bilbon ikasi zuen hamazazpi urte zituela.^[1]^[2]

Unibertsitateko irakaslea

Historia ikasi zuen Deustuko Unibertsitatean (1978), eta gero 1999an Subjektibitatea nobelagintzan. Stephen Crane-ren "The Red Badge of Courage" izenburuko tesia aurkeztu zuen EHUn, Nikolas Xamardo-ren zuzendaritzapean.^[3] 1981. urteaz geroztik Euskal Herriko Unibertsitateko Hizkuntzaren eta Literaturaren Didaktika Saileko irakaslea da. Saileko zuzendaria izan zen 1999tik 2006ra eta berriz ere 2010etik gaur egun arte.

1996an Euskal Herriko Unibertsitatearen euskara-plana diseinatu zuen batzordean parte hartu zuen. 1996/97 ikasturtean 9.186 ikasle bakarrik ari ziren euskaraz ikasten EHUn (EHUn ikasten ari ziren ikasleen %15). Euskal Herriko Unibertsitateak (EHU) euskara karrera guztietan sartzeko plana diseinatu zuen batzordeko partaideak Pilartxo Etxeberria, Iñaki Alegria eta Laura Mintegi bera izan ziren. Plan hark emaitza nabarmenak lortuko zituen gero hurrengo urteetan. ^[4]^[5]^[6]

Idazlea

Literatur sari batzuk bereganatu ditu, horien artean Azkue Nobela Saria, Donostia Hiria Saria eta Jon Mirande Saria eta 2022an Urrezko Luma, ibilbide literarioa saritzeko. Beste hainbat saritan epaimahaikidea izan da, hala nola Maria Maeztu narratiba sarian, Joseba Jaka bekan, Rikardo Arregi kazetaritza sarian, Anton Abadia sarian eta René Cassin Giza Eskubideen Sarian.

Ohiko kolaboratzailea da hedabideetan, hala ikus-entzunezkoetan (ETB, Hamaika Telebista, Bizkaia Irratia, Egin Irratia, Bilbo Hiria Irratia, Euskalerria irratia eta Euskadi Irratia), nola idatzizkoetan ere (Anaitasuna, Argia, Susa, Ttu-ttuá, Egin, Euskaldunon Egunkaria, Gara, Berria, Jakin, Hegats eta beste).

Politikaria (2012-2014)

2012ko urriaren 21ean egindako Eusko Legebiltzarrerako hauteskundeetan legebiltzarkide aukeratu zuten EH Bildu koalizioaren aldetik, koalizioko lehendakarigai moduan aurkeztuta. Legegintzaldi hartan, EH Bildu taldeko bozeramaile moduan jardun zuen, harik eta 2014ko uztailean, arrazoi pertsonalengatik, legebiltzarkide kargua uztea erabaki zuen arte.

Lanak

Euskal komunitate zientifikoaren Inguma datu-basean, 40 lan baino gehiago azaltzen dira,^[7] berak idatzitakoak.

Narrazioa

Ilusioaren ordaina (1983, Erein)

Nobela

Bai... baina ez (1986, Susa): Berrargitalpena Elkarlanean 1999
Legez kanpo (1991, Elkar)
Nerea eta biok (1994, Txalaparta)
Sisifo maite minez (2001, Txalaparta)
Ecce homo (2006, Txalaparta)^[8]
Akabo (2025, Txalaparta)^[9]^[8]

Saiakera

Sujektibitatea euskal nobelagintzan: Stephen Crane-ren "The Red Badge of Courage" (1999, EHU)

Biografia

Julene Azpeitia (1988, Eusko Jaurlaritza)

Bestelako liburuak

Korrespondentziak, Birgit Vanderbeke eta Laura Mintegi (2016, DSS2016.eus & Erein)

Itzulitako lana

La topera in...Antologia de la Narrativa Vasca Actual (1986, Edicions del Mall) (gaztelaniaz)
Mole Hole in... Contemporary Basque Fiction (1990, University of Nevada/Reno) (ingelesez)
Sisifo enamorado (2003, Txalaparta) (gaztelaniaz)
Nerea and I (2005, Peter Lang, New York) (ingelesez)
Ecce homo (2007, ONCE) (euskaraz brailleraz)
Ecce homo (2009, Txalaparta) (gaztelaniaz)
Sisyphus verliefd (2011, Zirimiri Press, Amsterdam) (nederlanderaz)
Ecce homo (2012, Pahl-Rugenstein, Bonn) (alemaneraz)

Argazkigintza

1980ko hamarkadaren hasieran Udako Euskal Unibertsitateko ikastaroetan argazkilari lanak egin zituen prentsa-bulegoan batez ere erretratoak egin zituen.
Cecilia Sarasola
Jon Lopategi
UEU 1984
Klaudio Harluxet
Baleren Bakaikoa eta Martin Orbe
Arantza Urkaregi

Erreferentziak

↑ Urkiza, Ana. (2006). Zortzi unibertso zortzi idazle: elkarrizketak. Alberdania ISBN 84-96643-37-9..
↑ Mintegi, Laura. (2025). Akabo. Txalaparta, 1 or..
↑ Mintegi Lakarra, Laura. «Subjektibitatea nobelagintzan. Stephen Crane-ren "The Red Badge of Courage"» (PDF) Tesiker, Euskarazko doktorego-tesiak (kontsulta data: 2019-12-12).
↑ «Azkarate: «Hezkuntza Sailarekin kontsentsuatu behar da Plana - Wikiteka» eu.wikisource.org (kontsulta data: 2019-12-30).
↑ Fernandez, Luis. (1998-02-15). «IKASKETA PLAN BERRIAK ONARTU ZIRENEAN EHU-N EUSKARA EZ ZEN IA KONTUAN HARTU. Azkarate:«Hezkuntza Sailarekin kontsentsuatu behar da Plana»» Euskaldunon Egunkariaren hemeroteka. 1990-2003. (berria.eus) (kontsulta data: 2019-12-30).
↑ Eusko Jaurlaritza. (PDF) [http://www1.euskadi.net/euskara_lingua/PDF/Euskadi/EU_EU_PO.pdf 'Ahoz aho, belaunez belaun'. Hizkuntzaren geroratzeari buruzko kanpaina ibiltaria. ] (kontsulta data: 2018-03-07).
↑ Laura Mintegiren produkzioa Inguma datu-basearen arabera (>40 produktu)
↑ ^a ^b Astiz, Iñigo. (2025-09-29). «Udazkeneko literatur loraldia: argitaletxe berri bat, Atxagaren nobelarako itzulera eta beste 93 istorio» Berria (kontsulta data: 2025-09-30).
↑ SL, TAI GABE DIGITALA. (2025-09-10). «‘Akabo’ eleberria plazaratu du Laura Mintegik, komunikazio eza eta traizioan aztarka» naiz: (kontsulta data: 2025-09-11).

Kanpo estekak

Wikimedia Commonsen badira fitxategi gehiago, gai hau dutenak: Laura Mintegi

Laura Mintegi literaturaren zubitegian
Subjektibitatea nobelagintzan. Stephen Crane-ren "The Red Badge of Courage"
Laura Mintegi Basque Literature-n
UEU-historikoak. Argazki bilduma.
Elkarrizketa: Nobela bakoitza amaitutakoan beste pertsona bat naiz Berria, 2025.11.09

Datuak: Q2741624
Multimedia: Laura Mintegi / Q2741624

[1] Urkiza, Ana. (2006). Zortzi unibertso zortzi idazle: elkarrizketak. Alberdania ISBN 84-96643-37-9..

[2] Mintegi, Laura. (2025). Akabo. Txalaparta, 1 or..

[3] Mintegi Lakarra, Laura. «Subjektibitatea nobelagintzan. Stephen Crane-ren "The Red Badge of Courage"» (PDF) Tesiker, Euskarazko doktorego-tesiak (kontsulta data: 2019-12-12).

[4] «Azkarate: «Hezkuntza Sailarekin kontsentsuatu behar da Plana - Wikiteka» eu.wikisource.org (kontsulta data: 2019-12-30).

[5] Fernandez, Luis. (1998-02-15). «IKASKETA PLAN BERRIAK ONARTU ZIRENEAN EHU-N EUSKARA EZ ZEN IA KONTUAN HARTU. Azkarate:«Hezkuntza Sailarekin kontsentsuatu behar da Plana»» Euskaldunon Egunkariaren hemeroteka. 1990-2003. (berria.eus) (kontsulta data: 2019-12-30).

[6] Eusko Jaurlaritza. (PDF) [http://www1.euskadi.net/euskara_lingua/PDF/Euskadi/EU_EU_PO.pdf 'Ahoz aho, belaunez belaun'. Hizkuntzaren geroratzeari buruzko kanpaina ibiltaria. ] (kontsulta data: 2018-03-07).

[7] Laura Mintegiren produkzioa Inguma datu-basearen arabera (>40 produktu)

[:0-8] Astiz, Iñigo. (2025-09-29). «Udazkeneko literatur loraldia: argitaletxe berri bat, Atxagaren nobelarako itzulera eta beste 93 istorio» Berria (kontsulta data: 2025-09-30).

[9] SL, TAI GABE DIGITALA. (2025-09-10). «‘Akabo’ eleberria plazaratu du Laura Mintegik, komunikazio eza eta traizioan aztarka» naiz: (kontsulta data: 2025-09-11).

[1]

[2]

[3]

[4]

[5]

[6]

[7]

[8]

[9]