Madame Staël

Wikipedia, Entziklopedia askea
Hona jauzi: nabigazioa, Bilatu
Madame Staël
Friedrich Tieck - Madame de Staël - disegno.jpg
Bizitza
Izen osoa Anne-Louise Germaine Necker
Jaiotza Paris1766ko apirilaren 22a
Herrialdea  Frantzia
 Suitza
Lehen hizkuntza frantsesa
Heriotza Paris1817ko uztailaren 14a (51 urte)
Heriotza modua berezko heriotza (garuneko odoljarioa)
Familia
Aita Jacques Necker
Ama Suzanne Curchod
Ezkontidea(k) Erik Magnus Staël von Holstein  (1786ko urtarrilak 17 -  1800)
Albert Jean Michel de Rocca  (1811 -
Bikotea(k) Louis, comte de Narbonne-Lara
Benjamin Constant
Seme-alabak
Hezkuntza
Hizkuntzak frantsesa
Lanbidea
Lanbidea idazlea, salonnièrea, filosofoa, eguneroko-idazlea, literatura kritikaria, poeta, politikaria eta correspondenta
Lantokia(k) Weimar
Jasotako sariak
Madame Staël.

Madame Staël, jaiotza-izenez Anne-Louise Germaine Necker (Paris, Frantzia, 1766ko apirilaren 22a - 1817ko uztailaren 14a) frantses idazlea izan zen. Garrantzi handia izan zuen Frantziako erromantizismoaren eta literatura sentiberatasun berriaren garapenean.

Luis XVI.aren finantza ministro J. Neckerren alaba zen eta bere amak antolatzen zuen areto literarioan filosofiarako zaletasuna piztu zitzaion. Hala, lehen idazlana Rousseauren obraren goraipamena izan zen. Iraultzaren aldeko jarrera harturik, bere areto literario propioan Napoleonez kexu ziren guztiak onartzen zituen. 1803an erbesteratu behar izan zuen.

1814 artean, bere Coppeteko (Suitza) egoitzatik bidaia anitz egin zituen Europan zehar, eta, besteak beste, W. Schlegel, Goethe eta Schiller ezagutu zituen. De la littérature considérée dans ses rapports avec les institutions sociales (1800, "Literatura-erakunde sozialekiko harremanen ikuspuntutik") obran bihotzaren eta irudimenaren garrantziaz ziharduen eta literatura-modu berria eskatzen zuen garai berrietarako. Hurrengo obra, De l´Allemagne (1808-1810, "Alemaniaz"), manifestu erromantiko bat izan zen. Sentiberatasuna eta idealismoa, bizi izandako gertaerak eta gizarteak eragindako emakumeen egoera apala izan ziren arrakasta handiko eleberrien gaiak: Delphine (1802) eta Corinne ou l´Italie (1807, "Korina edo Italia"). Idazle oparoa izan zen, eta, hil ondoren, Dix anées d´exil (1821, "Hamar urte erbestean") oroitzapen-liburua argitaratu zen.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Madame Staël Aldatu lotura Wikidatan