Robin Williams
Robin Williams | |
---|---|
![]() (2011) | |
Bizitza | |
Izen osoa | Robin McLaurin Williams |
Jaiotza | Chicago, 1951ko uztailaren 21a |
Herrialdea |
![]() |
Bizilekua |
Sea Cliff (en) ![]() Bloomfield Hills (Michigan) Chicago Paradise Cay San Frantzisko |
Heriotza | Tiburon, 2014ko abuztuaren 11 (63 urte) |
Heriotza modua | suizidioa: urkatzea |
Familia | |
Aita | Robert Williams |
Ama | Laura McLaurin |
Ezkontidea(k) |
Valerie Velardi (en) ![]() Marsha Garces (1989ko apirilaren 30a - 2010) Susan Schneider (2011ko urriaren 22a - 2014ko abuztuaren 11) |
Seme-alabak |
ikusi
|
Anai-arrebak |
ikusi
|
Hezkuntza | |
Heziketa |
College of Marin (en) ![]() Redwood High School (en) ![]() Detroit Country Day School (en) ![]() Claremont McKenna College (en) ![]() Juilliard School (en) ![]() (1973 - 1976) |
Hizkuntzak | ingelesa |
Jarduerak | |
Jarduerak | bakarrizketalaria, telebista-aktorea, zinema aktorea, aktorea, komediantea, zinema ekoizlea, hari-idazlea, audio-liburu kontalaria, antzerki aktorea, ahots-aktorea eta Mimoa |
Jasotako sariak |
ikusi
|
Nominazioak |
ikusi
|
Influentziak |
Peter Sellers, Stanley Kubrick, Charles Jones, Jack Paar, Mel Brooks, Jonathan Winters, Richard Pryor, Spike Milligan (en) ![]() |
Diskoetxea | Columbia Records |
Sinesmenak eta ideologia | |
Erlijioa | Estatu Batuetako Eliza Episkopalianoa |
IMDb | nm0000245 |
robinwilliams.com |
Robin McLaurin Williams (Chicago, Illinois, 1951ko uztailaren 21 - Tiburon, Kalifornia, 2014ko abuztuaren 11[1]) estatubatuar umorista eta aktorea izan zen. 1997an Taldeko aktore onenaren Oscar saria irabazi zuen. Horrezaz gainera, bi Emmy, sei Urrezko Globo, Aktoreen Sindikatuko (SAG) bi sari, eta bost Grammy jaso zituen bere ibilbidean.
Bizitza[aldatu | aldatu iturburu kodea]
Robin Williams McLaurin Chicagon jaio zen, AEBetako Illinois estatuan, 1951ko uztailaren 21ean. Ez haurtzaroan, ez rerabe-aroan, ez zuen antzezteko interesik adierazi; aitzitik, ikasketetan eta kiroletan gogobildurik jardun zen. 1967an Williamstarrak Kaliforniako Marin konderrira aldatu ziren. Bertako ikastetxean piztu zitzaion antzerkirako interesa. Horren ondorioz, ikasketak utzi egin zituen, aktore karrera hasteko. Halabeharrez, New Yorkeko Juilliard School eman zuen izena, oso prestigio handia zuen interpretazio akademian. Hiru urte geroago, Kaliforniara itzuli eta San Frantziskon kokatu zen, umorezko antzezlanak egin nahian. 1976an, proba bat egin zioten eta antzerki horretan hartu zuten; hortxe hasi zen aktore ibilbidean. 1978-1982 bitartean, Mork & Mindy telesailan lan egin zuen: arrakasta handia lortu eta zineman ere hasi zen.
1987-1991 bitartean, film batzuetan parte hartu zuen eta hiruri esker, Oscar Sarietako izendapena jaso zuen, gizonezko aktore onenaren sailean. Lehena Good Morning, Vietnam izan zen; film horretan, irrati esatari batena egin zuen, Vietnamgo Gerraren garaian. Dead Poets Society filmarekin jaso zuen bigarren izendapena: literatur irakasle baten papera zuen; hirugarrena The Fisher King izan zen: han, arlote baten rola antzeztu zuen. Ahotsa eta doinua aldatzeko zuen talentuari esker, paper barre eragingarriak egin zituen, adibidez, Mrs. Doubtfire. 1990eko hamarkadan, rol askotarikoak izan zituen, batzuetan komikoak, beste batzuetan dramatikoak... 1997an, Taldeko gizonezko aktore onenaren Oscar saria irabazi zuen Good Will Hunting filmarekin.
Bizitza pertsonalari dagokionez, 1978ko ekainaren 4an, Valerie Velardirekin ezkondu zen; seme bat izan zuten, Zachary Pym (Zak, laburtuta), 1983ko apirilaren 11n jaioa. Williams eta Verlardi 1988an dibortziatu ziren. 1989ko apirilaren 30an, bere seme umezain Marsha Garcesekin ezkondu zen. Bi haur izan zituzten: Zelda Rae (1989ko abuztuaren 30ean jaioa) eta Cody Alan (1991ko uztailaren 25ean jaioa). 2008ko martxoan dibortziatu ziren.
Filmak[aldatu | aldatu iturburu kodea]
Erreferentziak[aldatu | aldatu iturburu kodea]
![]() |
Wikimedia Commonsen badira fitxategi gehiago, gai hau dutenak: Robin Williams ![]() |