2011ko azaroko uholdeak Euskal Herrian

2011ko azaroko uholdeak Euskal Herrian 2011 urteko azaroaren 4tik 7ra bitartean izandako uholdeak izan ziren.

Egoeraren azalpena[aldatu | aldatu iturburu kodea]

Asteburuan goi-geruzetan zegoen aire hotzezko poltsa bat eta gainazalean, berari loturiko pertubazioa Mediterraneorantz mugitu ziren, Pirinio hegoaldetik, igandean Balear uharteetan kokatu arte. Egoera horrek ipar-osagaiko fluxua ibilarazi zuen Euskal Herrian. Depresio hotzari batutako fronteek bete-betean harrapatu zuten Euskal Herria, lehendabizi, fronte okluditu ia-geldikor bat eta beranduago, fronte bero bat.

Mediterraneoan jatorria zuen aire-masa, gerora, Kantauri Itsasotik igaro zena eta fronteak oso astiro mugitu zirela prezipitazio-eraginkortasun handia izatea sorrarazi zuten, Kantauri isurialdean pilatutako prezipitazioa ohiz kanpokoa izan zen. Mediterraneoan kokaturiko depresioa sakonduz joan zen igande goizaldean, hilaren 6an, eta euriteei haize indartsua eta zakarra gehitu behar izan zitzaizkion^[1].

Gertakarien azalpena[aldatu | aldatu iturburu kodea]

Prezipitazioa oso ugaria, iraunkorra eta zenbait puntutan handia izan zen. Gipuzkoan pilatu zen euri kantitate handiena, non probintziaren zati handi batean 200 l/m² baino gehiago jaso ziren: Tolosaldea, Urola-Kostaldea, Goierri eta Donostialdea izan ziren eragin handiena jaso zuten zonaldeak, bertako hainbat estaziotan 300 l/m² baino gehiago metatu ziren (Belauntza 339,8 l/m²; Bidania 316,9 l/m²; Añarbe 310 l/m²; Berastegi 301 l/m²).

Bizkaian, oro har, 150-200 l/m² pilatu baziren ere, zenbait estazio 200 l/m²tik gora geratu ziren (Mungia 225,7 l/m²; Iurreta 208,9 l/m²; Amorebieta 202,5 l/m² eta Derio 201,3 l/m²). Araba ipar partean, 100 eta 150 l/m² artean jaso ziren (Altube 144,5 l/m² eta Beluntza 137,8 l/m²) baina hego-mendebalderantz joanez prezipitazioak gutxiago izan ziren, 30-60 l/m²ko prezipitazioarekin (Abetxukun 60,1 l/m² eta Subijanan 40,2 l/m²).

Haizeari zegokionez, larunbatean, hilak 5, zakartuz joan zen eta igande goizaldean, hilaren 6an indartsu ibili zen. Gerora, indarra galdu zuen. Haize-boladak oso indartsuak izan ziren eta Bidanian 108 km/h abiada hartu zuen. Zarautzen, berriz, 103 km/h abiada hartu zuen. Larunbatean, hilaren 5ean, ipar-mendebaldeko haizea zakartu egin zen eta ondorioz, olatuen altura adierazgarria handituz joan zen. Igandean, egunaren bigarren zatira arte ez zen baretu. Pasaiako portuan neurtu zen olatuaren altura adierazgarri maximoa: 5,24 metro.

Tximistei zegokienez, aktibitatea ez zen oso handia izan. Deskarga elektriko gehienak azaroaren 4ko azken orduetan gertatu ziren.

Datuak[aldatu | aldatu iturburu kodea]

Prezipitazioa[aldatu | aldatu iturburu kodea]

Gipuzkoa[aldatu | aldatu iturburu kodea]

Prezipitazioa, azaroaren 4tik 7ra (11:00)
Euria mmtan	Estazioa

339,8 mm	Belauntza
316,9 mm	Bidania
310,3 mm	Añarbe
301,0 mm	Berastegi
278,0 mm	Ibai Eder
254,3 mm	Altzu
250,7 mm	Andoain
227,3 mm	Altzola
226,9 mm	Aizarnazabal
226,8 mm	Alegia
223,7 mm	Aixola

Bizkaia[aldatu | aldatu iturburu kodea]

Prezipitazioa, azaroaren 4tik 7ra (11:00)
Euria, mm-tan	Estazioa

225,7 mm	Mungia
208,9 mm	Iurreta
202,5 mm	Zornotza
201,3 mm	Derio
197,3 mm	Berriatua
196,6 mm	Abusu
192,4 mm	Zuhaztieta
187,5 mm	Sodupe-Herrerias
187,3 mm	Elorrio
178,1 mm	Galea lurmuturra (Getxo)
176,7 mm	Deustu (Bilbo)

Araba[aldatu | aldatu iturburu kodea]

Prezipitazioa, azaroaren 4tik 7ra (11:00)
Euria mmtan	Estazioa

144,5 mm	Altube
144,1 mm	Laudio
137,8 mm	Beluntza
134,2 mm	Gardea
116,1 mm	Ozeta
100,1 mm	Agurain
80,3 mm	Saratxo
76,5 mm	Erroitegi
70,1 mm	Herrera
65,1 mm	Kapildui
63,7 mm	Navarrete

Haize-bolada nabarmenenak[aldatu | aldatu iturburu kodea]

Haizea, azaroaren 4tik 7ra (11:00)
km/h	Estazioa

108 km/h	Bidania
103,7 km/h	Zarautz
99,5 km/h	Páganos
96,3 km/h	Herrera
90,3 km/h	Kapildui

Olatuen altuera adierazgarria[aldatu | aldatu iturburu kodea]

Olatuen altuera adierazgarria, azaroaren 4tik 7ra (11:00)
m	Estazioa

5,03 m	Pasaia

Ondorioak[aldatu | aldatu iturburu kodea]

Uholdeen ondorioz, bi pertsona hil ziren: 76 urteko gizonezko bat Irunen eta 66 urteko emakume Derion, biak urak eramanda.

Bestalde, hainbat lekutan ibaia lekutik atera zen^[2]. Martutenen eta Txominenean hainbat etxetan ura sartu zen. Donostian 2.400 kaltedun izan ziren. Oria ibaiak Lasarte-Oria eta Andoain arteko N-1 itxi zuen. Hernani Celulosa enpresan uholdeek 5 milioi euroko kalteak utzi zituzten.

Tolosaldean hainbat lur-jausi egon ziren eta zenbait herri txiki inkomunikatuta geratu ziren. Tolosan 50 enpresetan kalteak egon ziren. Elizondon, Baztan ibaia etxeen lehen pisuraino iritsi zen.