Eddy Merckx

Wikipedia(e)tik
Hona jo: nabigazioa, Bilatu
Eddy Merckx
Eddy Merckx
Informazio pertsonala
Izena Edouard Louis Joseph Merckx
Ezizena Kanibala
Jaiotza data 1945eko ekainaren 17a
Jaiotza herria Meensel-Kiezegem
Jaiotza herrialdea Belgika Belgika
Kirol informazioa
Egungo taldea Erretiratua
Modalitatea Errepidea
Trebetasuna Lasterketa mota guztiak
Profesional taldea(k)
1965
1966-1967
1968-1969
1970
1971-1976
1977
1978
Solo-Superia
Peugeot BP Michelin
Faema
Faemino
Molteni
Fiat
C&A
Garaipen nagusiak
Txapelketak

MaillotMundial.PNG Munduko Errepide Txapelketa: 1967, 1971, 1974
MaillotBélgica.svg Belgikako Errepide Txapelketa: 1970
Itzuli handiak
Frantziako Tourra
Jersey yellow.svgSailkapen nagusia: 1969, 1970, 1971, 1972, 1974
Jersey green.svgPuntukako sailkapena: 1969, 1971, 1972
Jersey polkadot.svgMendiko sailkapena: 1969, 1970
Jersey combined.svgSailkapen konbinatua: 1969, 1970, 1971, 1972, 1974
34 etapa
Giro d'Italia
Jersey pink.svgSailkapen nagusia: 1968, 1970, 1972, 1973, 1974
Jersey violet.svgPuntukako sailkapena: 1968, 1973
Jersey green.svgMendiko sailkapena: 1968, 1970
24 etapa
Espainiako Itzulia
Jersey gold.svgSailkapen nagusia: 1973
Jersey blue.svgPuntukako sailkapena: 1973
Jersey white.svgSailkapen konbinatua: 1973
6 etapa
Etapakako itzuliak
Paris-Niza: 1969, 1970, 1971
Suitzako Itzulia: 1974
Klasikak
Milan-San Remo: 1966, 1967, 1969, 1971, 1972, 1975, 1976
Flandriako Tourra: 1969, 1975
Paris-Roubaix: 1968, 1970, 1973
Lieja-Bastogne-Lieja: 1969, 1971, 1972, 1973, 1975
Lonbardiako Tourra: 1971, 1972
Flèche Wallonne: 1967, 1970, 1972
Gante-Wevelgem: 1967, 1970, 1973
Amstel Gold Race: 1973, 1975

Edouard Louis Joseph Merckx edo Eddy Merckx (Meensel-Kiezegem, Flandria, 1945eko ekainaren 17a) Belgikako txirrindulari ohia da. 1965 eta 1978 artean profesionala izan zen.

Aditu askoren ustez, historiako txirrindularirik onena dugu Eddy Merckx, bai eta historiako kirolari onenetako bat ere. Bost aldiz irabazi zituen bai Tourra (1969, 1970, 1971, 1972 eta 1974) eta bai Giroa (1968, 1970, 1972,1973 eta 1974). Munduko Txirrindularitza Txapelketa hirutan irabazi zuen, behin Espainiako Itzulia, eta klasiketan 31 garaipen lortu zituen.

Bere karrerako 13 denboraldietan 1.582 lasterketatan parte hartu zuen, eta horietatik 525 irabazi zituen (eta beste hainbat ohorezko postu ere lortu zituen). Beraz, parte hartutako lasterketen % 35,5 irabazi zituen. Horregatik, eta irabazi-nahi aseezina zuelako, Eddy Merckxi Kanibala edo Tervuerengo ogroa ezizenak jarri zizkioten[1].

1974a urte borobila izan zen beretzat txirrindularitzaren koroa hirukoitza lortu baitzuen, Italiako Giroa, Frantziako Tourra eta Mundu Txapelketa irabazi baitzituen urte berean.

1967ko abenduaren 5ean, Acou Claudinerekin ezkondu zen eta 2 seme.alaba dituzte, Sabrina (1970ean jaiotakoa) eta Axel (1972an jaiotakoa), azken hau txirrindulari profesionala, aita bezala, 1993 eta 2007 artean[2].

Biografia[aldatu | aldatu iturburu kodea]

Eddy Merckx Meensel-Kiezegemen, Flandrian, jaio zen 1945eko ekainaren 17an. 3 senideetan zaharrena izan zen; beste biak bikiak ziren: Micheline eta Michael. Txikia zenean, Bruselako Woluwe-Saint-Pierre auzora joan ziren bizitzera eta familiak frutategi bat zuen han.

« Haurtzaro ederra izan nuen. Guraso maitagarri eta sentiberak. Ez ginen aberatsak, baina... nire senideak eta nik ez genuen inoiz beste ezer nahi izan. Aita tenple handiko gizona zen eta ama, berriz, gozoa oso. Biak izan ziren eredu niretzat eta biren nahasketa naiz ni. Aitarengandik jaso nuen lanerako grina. Nekatu gabe egin zuen lan negozioa altxatzeko, zorrotza zen diziplinan, baina, era berean, filosofo samarra ere bai. Nire amarena dut alde xamurrena: zaila egiten zait inori ezezkoa ematea...[3]  »

Izan zuen lehen bizikleta bigarren eskukoa zuen. 8 urte zituen eta, garai hartan, Stan Ockers txirrindulari belgiarra zen bere heroi. 1956an hilko zen hura Anberesen izandako istripu batean.

Merckx ez zen ikasle ona izan, baina kiroletan beti nabarmendu zen. Horrela dio:

« Gorroto nion eskolari. Gustuko nituen kirolak, baina gorroto nion eskola barnean egoteari eta ahal izan nuen bezain pronto utzi nuen. Arazoak izan nituen etxean horregatik, aitarekin batez ere...  »

Txirrindularitza[aldatu | aldatu iturburu kodea]

Eddy Merckx 1966an
Eddy Merckx Kanadan 1974an

Eddy Merkx txirrindularitzan 1961eko uztailaren 16an hasi zen Lekenen. 1964an lortuko zuen bere lehen titulu garrantzitsua: Mundu Amateurreko Txapelketa.

1965eko maiatzaren 1ean txirrindularitza profesionalera egin zuen salto eta palmarés dizdiratsua lortu zuen, txirrindularitzan izandako handiena. 525 garaipen eskuratu zituen, txirrindularitzan bere izena betirako nabarmendu zelarik. Garaipenaren egarri, parte hartzen zuen lehiaketa oro Kanibalaren helburu izaten zen eta ez zuen erraz amore emango[4].

1970ean, munduko kirolari hoberena egin zuten.

1972ko urriaren 25ean, orduaren mundu marka gainditu zuen eta 49,431 km baino gehiago egin zituen Mexiko Hiriako belodromoan. 1984ra arte eutsi zion errekorrari eta Francesco Moserrek batituko zuten. 1964an Tokioko Joko Olinpikoetan hartu zuen parte.

Azken urteak[aldatu | aldatu iturburu kodea]

Eddy Merckx
Eddy Merckxen enpresa

Azken urteetan osasun arazo larriak jasan ditu. Urdaila gutxitu eta 2004an zertxobait galtzea lortu badu ere, obesitateak hartu du eta arazo larria izaten ari zaio.

RTBF-n aholkulari izateaz gain, Eddy Merckx Cycles enpresa sortu zuen eta 30 bat langile baditu bertan. 2004 arte Grand Prix Eddy Merckx erlojuaren kontrako karrera antolatu zuen Brusela inguruan.

2007an Action Damien proiektua bisitatu zuen Kinshasan eta legenar eta tuberkulosiaren aurka borrokatzen duen Belgikako erakunde honen aitapuntakoa izan zen 2008 eta 2009an.

Palmaresa[aldatu | aldatu iturburu kodea]

1965

1966

1967

1968

1969

1970

1971

1972

1973

1974

1975

1976

1977

Itzuli handi eta Mundu Txapelketetan izandako emaitzak[aldatu | aldatu iturburu kodea]

Karrera 1966 1967 1968 1969 1970 1971 1972 1973 1974 1975 1976 1977
Italiako Giroa - 9.a 1.a Exp 1.a - 1.a 1.a 1.a - 8.a -
Frantziako Tourra - - - 1.a 1.a 1.a 1.a - 1.a 2.a - 6.a
Espainiako Vuelta - - - - - - - 1.a - - - -
Txirrindularitzako Munduko Txapelketak 12º 1.a 8.a Ab. 29º 1.a 4.a 4.a 1.a 8.a 5.a 33º

Exp.: Doping-agatik expultsatua

Frantziako Tourra[aldatu | aldatu iturburu kodea]

Bost alditan irabazi zuen Eddyk Frantziako Tourra, 34 etapa garaipen lortu zituelarik. Edizio berean, 3 norbanako klasifikapenetan (orokorra, erregularitatea eta mendia) irabazten duen txirrindulari bakarra da eta behin baino gehiagotan egin zuen hori. Egun gehienetan maillot horia soinean izan zuena ere bada: 96 egun.

  • 1969an, orokorra, erregularitatea, mendia, konbinatua eta ekipotakoa (FAEMA) ere irabazi zituen. Gainera, 6 etapa garaipen lortu zituen.
  • 1970ean, orokorra, mendia, eta konbinatua irabazi zituen. Gainera, 8 etapa garaipen lortu zituen.
  • 1971n, orokorra, erregularitatea eta konbinatua irabazi zituen. Gainera, 4 etapa garaipen lortu zituen.
  • 1972an, orokorra, erregularitatea eta konbinatua irabazi zituen. Gainera, 6 etapa garaipen lortu zituen.
  • 1973an, ez zuen parte hartu.
  • 1974an, orokorra, konbinatua eta lehiakortasuna irabazi zituen. Gainera, 8 etapa garaipen lortu zituen.
  • 1975ean, bigarren geratu zen orokorrean, baina lehiakortasuna jaso zuen eta 2 etapa garaipen ere lortu zituen.
  • 1977an, 6. geratu zen orokorrean.


Aurrekoa
Jan Janssen
Frantziako Tourraren irabazlea
1969, 1970, 1971 eta 1972
Ondorengoa
Luis Ocaña


Aurrekoa
Luis Ocaña
Frantziako Tourraren irabazlea
1974
Ondorengoa
Bernard Thévenet

Italiako Giroa[aldatu | aldatu iturburu kodea]

Italiako Giroan 5 alditan izan zen garaile eta 24 etapa garaipen lortu zituen.

  • 1967an, 9. izan zen orokorrean eta 2 etapa garaipen lortu zituen.
  • 1968an, orokorra, erregularitatea, mendia eta ekipotakoa (FAEMA) lortu zituen. 3 etapa garaipen ere bai.
  • 1969an, gero ezezkoa esan bazuten ere, doping kontrolean positibo eman zuen eta deskalifikatua izan zen. Positibo faltsu honen aurretik 4 garaipen etapa lortuak zituen jada.
  • 1970ean, orokorra eta ekipotakoa (FAEMINO) lortu zituen. 3 etapa garaipen ere bai.
  • 1972an, orokorra eta ekipotakoa (Molteni) lortu zituen. 4 etapa garaipen ere bai.
  • 1973an, orokorra, erregularitatea, konbinatua eta ekipotakoa (Molteni) lortu zituen. 6 etapa garaipen ere bai.
  • 1974an, orokorra eta konbinatua lortu zituen. 2 etapa garaipen ere bai.
  • Bere azken Giroan, 1976an, 8. geratu zen orokorrean.

Espainiako Vuelta[aldatu | aldatu iturburu kodea]

Behin bakarrik hartu du parte, 1973an, eta Eddy Merckx garaile izan zen orokorrean, erregularitatean, meta volanteetan eta konbinatuan. Gaiera 6 etapa garaipen lortu zituen.

Txirrindularitzako Munduko Txapelketak[aldatu | aldatu iturburu kodea]

Txirrindularitzako Munduko Txapelketetan 3 garaipen lortu zituen profesiona bezala eta bat amateur bezala. Azken hau 1964an lortu zuen Sallanchesen (Frantzia) eginiko txapelketan.

Profesional mailan lortutako garaipenak hurrengoak izan ziren:

Klasikak[aldatu | aldatu iturburu kodea]

Hauek izan ziren ezagunenak

Año Milan-
San Remo
Flandriako Tourra Gante-Wevelgem Paris-Roubaix Liège-
Bastogne-Liège
Flecha Valona Amstel Gold Race Züricheko txapelketa Paris-Tours Lonbardiako Giroa
1966 Garaile Utzi 9.a 15.a 8.a Utzi 20.a 2.a
1967 Garaile 3.a Garaile 8.a 2.a Garaile 16.a 6.a
1968 31.a 9.a 9.a Gariale 8.a 3.a
1969 Garaile Garaile 2.a Garaile 5.a 3.a 4.a
1970 8.a 3.a Garaile Garaile 3.a Garaile 8.a 4.a
1971 Garaile 74.a 14.a 5.a Garaile Garaile
1972 Garaile 7.a 3.a Garaile Garaile 116º Garaile
1973 3.a Garaile Garaile Garaile 2.a Garaile 6.a
1974 3.a 2.a 4.a Utzi 2.a
1975 Garaile Garaile 6.a 2.a Garaile 3.a Garaile 2.a 9.a 6.a
1976 Garaile 17.a 10.a 6.a 6.a 4.a 7.a
1977 96.a 11.a 6.a 9.a 4.a

Ekipoak[aldatu | aldatu iturburu kodea]

Kanpo loturak[aldatu | aldatu iturburu kodea]

Erreferentziak[aldatu | aldatu iturburu kodea]


Commonsen badira fitxategi gehiago, gai hau dutenak: Eddy Merckx Aldatu lotura Wikidatan