Arberoa

Arberoa
Nafarroa Beherea, Euskal Herria
Arberoaren kokapena Nafarroa Beherean
Kokapena
Ezaugarriak
Azalera	195 km²
Biztanleria	6.110 (2015)
Dentsitatea	31 biztanle/km²
Udalerriak	Aiherra, Armendaritze, Bastida, Donamartiri, Donoztiri, Heleta, Iholdi, Irisarri, Izturitze, Mehaine
Herririk handiena	Aiherra (1.034 biztanle)

Arberoa Nafarroa Behereko mendebaldeko eskualdea da, Arberoa ibaiak sorturiko ibarra.

Geografia

Mugak

• Ipar-mendebaldean Lapurdi (Lapurdi Barnekaldea eta Aturri)
• Ipar-ekialdean Amikuze eskualdea
• Hegoaldean Garazi eskualdea
• Hego-mendebaldean Baigorri-Ortzaize eskualdea
• Hego-ekialdean Oztibarre eskualdea

Fisionomia

Arberoa errekak du Arberoaren ibarra sortu. Sakontasun txikiko ibar zabala da, altuera apaleko mendiz inguraturik. Horra mendi horietarik zenbait adibide : Abarratia (345 m), Eltzarruze (421 m), Garralda (470 m), Hoxahandia (577 m), Baigura (897 m).

Historia

Erdi Aroan, Aiherra, Donostiri, Donamartiri, Heleta, Izturitze eta Mehaine udalerriek osaturiko bizkonderria izan zen X. mendetik, XVI. menderarte.

Udalerriak

Hauek dira eskualdea osatzen duten udalerriak (iturriaren arabera aldatu egiten dira, hemengo zerrenda hau dagoen luzeena da, beste iturri batzuetan begiratuz gero, baliteke hemen azpian idatzitako zenbait udalerri ez agertzea) :

Aiherra Armendaritze Bastida Donamartiri Donoztiri

Heleta Iholdi Irisarri Izturitze Mehaine

Armendaritze, Bastida, Iholdi eta Irisarri ez dira beti integratuak izan Arberoari. Beste sei udalarriek dute Arberoa historikoa osatzen (ikus Historia), bainan beste lau herri horiek gaur egun Arberoarrak bezala kontsideratzen dira arrazoi geografikoengatik nagusiki.

Ikus, gainera

• Izturitze eta Otsozelaiako leizeak

Euskarazko Wikipedian bada atari bat, gai hau duena: Nafarroa