Euskal Hirigune Elkargoa

Wikipedia(e)tik
Hona jauzi: nabigazioa, Bilatu
Euskal Hirigune Elkargoa
Communauté d'agglomération du Pays basque
Comunautat d'Aglomeracion deu País Basco
Hiriburua
eta hiri handiena
Baiona
Lurraldea
Aurrekontua
Euskal Herria Ipar Euskal Herria1
200.000.000€ (2017)
Agintariak
 -  Lehendakaria Jean Rene Etxegarai[1]
Azalera
 -  Guztira 2,967 km2
Biztanleria
 -  2017 errolda 309.723
 -  Dentsitatea 104 bizt./km2
Webgunea
www.communautepaysbasque.org
1 158 udalerri, Zuberoako Eskiula eta Jeztaze udalerriak ez beste, Biarnoko Lixoze udalerria barne

Euskal Hirigune Elkargoa (EHE) (frantsesez Communauté d'agglomération du Pays basque - CAPB[2] eta gaskoieraz Comunautat d'Aglomeracion deu País Basco - CAPB) Ipar Euskal Herri osoa hartzen duen hirigune elkargoa da, egituraketa administratibo bateratua lortzeko eratutako erakundea. Erakunde honek izaera administratiboa berria du, Elkargoaren barneko udalerriei eskumen gehiago emanez. Horretarako, jada Frantziako lurralde egituraketa eta zuzenbidean dauden hirigune elkargoa, hiri elkargoa edo herri elkargoa deritzoten entitateez baliatzea gogoeta egin zen[3].

2016ko maiatzaren 3an erakunde hau eratzeko bi baldintzak bete ondoren 2017ko urtarrilean sortu zen, Frantziako Gobernuaren prefetaren aginduz. Egoitza Baionan dago eta lehen urterako 100 milioi euroko aurrekontua izanen du[4].

2017ko urtarrilaren 23tik Herri Elkargoaren presidentea Jean Rene Etxegarai da.

Historia[aldatu | aldatu iturburu kodea]

Bozketa[aldatu | aldatu iturburu kodea]

Sakontzeko, irakurri: «2016ko Euskal Lurralde Elkargoaren bozketak»

2016ko udaberrian Euskal Lurralde Elkargoa eratzeari buruzko galdeketa edo bozketak Ipar Euskal Herria osatzen duten 158 udalerrietan (Eskiula salbu) banaka-banaka ospatu ziren[5].

Onarpen baldintzak[aldatu | aldatu iturburu kodea]

Elkargoaren proposamenak aitzina egiteko, biztanleriaren erdia (147.916 biztanle) ordezkatzen zuten herrien erdiek (79 herri) aldeko boza eman behar zuten[6].

Eskiula ez zegoen bozketara deitua.

Apirilaren 28an jada bi baldintzetako lehenbizikoa bete zen, hots, biztanleri osoaren erdiak baiezkoa ematearen langa gainditzea (64 udalerri eta 149.390 biztanle)[7][8].

Emaitzak[aldatu | aldatu iturburu kodea]

EMAITZAK
Udalerriak
111 / 158
47 / 158
Biztanleak
197.014 / 298.664
101.650 / 298.664

Lehen biltzarra[aldatu | aldatu iturburu kodea]

2017ko urtarrilaren 23an[9], arratsaldeko 18:30etan eta Baionako Fakultatean, Euskal Herri Elkargoaren lehenbiziko bilkura ospatu zen. Honetan, bertaratutako 231 hautetsi udal hautesien bozketa bidez Herri Elkargoaren lehenbiziko lehendakaria hautatu zuten. Hiru hautagai aurkeztu ziren: Jean Rene Etxegarai (Baionako auzapeza, Lapurdi): 157 bozka, Bernard Lougarot (Gotaine-Irabarneko auzapeza, Zuberoa): 51 bozka, eta (Jean-Jacques Doyhenart, Angeluko PCF alderdiko hautetsia): 5 bozka.

Bertaratutako 231 hautetsietatik 157k Etxegarairi bozkatuz, Jen Rene Etxegarai Euskal Herri Elkargoaren lehenbiziko lehendakaria hautatua izan zen. Hautatua izan ostean, hitzaldia egin zuen: "Lan handia dugu aurrean, baina ez gaitu beldurtzen", esan zuen. Lapurdi, Nafarroa Beherea eta Zuberoa biltzen dituen lehen erakundeko lehendakariak emandako misioa "duinki" beteko zuela ere hitz eman zuen.[9]

Donibane Lohizuneko auzapez Peyuco Duhartek, behin behineko presidenteak, hartu zuen hitza, frantsesez, euskaraz eta gaskoiez egin zuen agurra. Elkargoaren eskumeneko gaiak izan zituzten hizpide hautetsiek, hala nola, garapen ekonomikoa, lurralde antolaketa, ingurumena eta etxebizitza. Alta bada, hizkuntza kudeatzeko gai zaila dela ageri zen instituzioa osatzeko lehen batzarrean.

EH Baiko Iker Elizalde hautetsi hendaiarrak euskara eta frantsesa erabiltzea eskatu zuen. Bokaleko auzapez Francis Gonzalezek ezetz erran zion, “Frantzian gaude” argudiatuz. Angeluko hautetsi Guy Mondorgek gaskoiak eta euskarak leku parekidea izan behar dutela adierazi zuen. Jean Etxegaraik bi hizkuntzak erabiltzea lehenetsi zuen. Alabaina, aktak frantses hutsean jasoko direla berretsi zuen.

Euskararen gaiak zer esana eman zuen atzo Hirigune Elkargoaren funtzionamenduan, eta emanen du ere etorkizunean. Euskarari berezko trataera eman nahi dioten sektore euskaltzaleek gaiaren egoera ikusi ahal izan zuten euskal instituzioaren lehen batzarrean.

Euskararen aldeko giroa hala izanik ere, Les Républicains (LR) alderdiko eta Miarritzeko hautetsiak honela adierazi zuen: “Eztabaida politikoaren garaia joan da, lanean hasteko garaia heldu da”. Elkargo bakarraren kontrakoa eta alderdi bereko Claude Olive Angeluko auzapezak hauxe gehitu zuen: “Guztiz inplikatua naiz instituzio berri honetan”. Hala ere, berarentzat uraren eta etxebizitzaren gaia dute lehentasuna. Hendaiako auzapezak (PSko kidea), zaborren kudeaketari eman zion garrantzia gehien.

Hirigune Elkargoak badu presidentea: Jean-René Etxegarai. Instituzioa gobernatzeko moldea erabakitzeak lanak emanen ditu ordea. Gobernantza hitzarmena eta bozkatzeko modua ongi zehaztu beharko dituzte, Euskal Elkargoa behar bezalako sendotasunez abiatuko bada.

Etxegarai eta Urkulluren bilera[aldatu | aldatu iturburu kodea]

2017ko otsailaren 1ean, Euskal Hirigune Elkarteko Rene Etxegarai presidentea eta Eusko Jaurlaritzako Iñigo Urkullu lehendakaria Baionan lehenbizikoz bildu ziren, honela Ipar Euskal Herria eta Hego Euskal Herria edo Euskadiko bi gobernu erakunde ofizialen arteko historiako lehen bilera gauzatuz. [10]

Administrazioa[aldatu | aldatu iturburu kodea]

Gaur egun Ipar Euskal Herrian indarrean dauden hamar elkargoak Elkargo Bakarrean bilduko dira, honako hiru instantziek gobernatuta: 232 kideko elkargo kontseiluak, 53 kideko batzorde iraunkorrak eta 20 kideko bulegoak. Acadie kabineteak eta Pirinio Atlantikoetako prefetak zuzendua izan da orain arteko ekimena.[11] Instituzio berriak Hirigune Elkargoen izaera edukiko du eta honako eskumen hauek kudeatuko ditu: garapen ekonomikoa, eremu komunitarioaren kudeaketa, etxebizitzaren oreka soziala, hirigintza eta hondakinen kudeaketa.

Egoitza[aldatu | aldatu iturburu kodea]

Egoitza helbide honetan du:

  • Euskal Hirigune Elkargoa. Foch etorbidea, 15. 64100 BAIONA[12]

Lehendakaria[aldatu | aldatu iturburu kodea]

Lehendakaria
Izena Agintaldia Kargua Alderdia
1 Jean-René Etxegarai Jean-René Etchegaray 2017ko urtarrilaren 23 Gaur egun Baionako auzapeza UDI

Lehendakariordeak[aldatu | aldatu iturburu kodea]

2017ko otsailaren 4etik aurrera elkargoak 15 lehendakariorde ditu[13].

Lehendakariordeak
Izena Agintaldia Alderdia Kargua Batzordea
1. Peyuco Duhart 2017ko otsailaren 4a Gaur egun UMP Donibane Lohizuneko auzapeza,
Hego Lapurdiko Hiriguneko lehendakaria
Lehendakariordea
Finantzak
2. Paul Baudry - 2017ko otsailaren 4a Gaur egun Independientea Basusarriko auzapeza,
Errobi Herri Elkargoko lehendakaria
Habitata eta hiri politika
3. Roland Hirigoien - 2017ko otsailaren 4a Gaur egun DVD Mugerreko auzapeza,
Errobi-Aturri Herri Elkargoko lehendakaria
Lurzoruaren estrategiak eta jarduerak, interes komunitarioko operazioak
4. Pascal Jocou - 2017ko otsailaren 4a Gaur egun - Beskoitzeko 1. axuanta,
Hazparneko Lurraldeko lehendakaria
Iraunkortasuna, ondarea eta pasaia
5. Dominique Boscq - 2017ko otsailaren 4a Gaur egun - Lakarri-Arhane-Sarrikotagaineko auzapeza,
Zuberoako Herri Elkargoko lehendakaria
Hondakinen prebentzioa, bilketa eta baliaraztea
6. Bernard Arrabit - 2017ko otsailaren 4a Gaur egun EAJ Arrosako auzapeza,
Garazi-Baigorri Herri Elkargoko lehendakaria
Hizkuntza politika
7. Éric Narbaïs-Jauréguy - 2017ko otsailaren 4a Gaur egun - Arboti-Zohotako auzapeza,
Amikuzeko Herri Elkargoko lehendakaria
Edateko ura
8. Maider Behotegi 2017ko otsailaren 4a Gaur egun MoDem Bardozeko 1. axuanta,
Bidaxuneko Herri Elkargoko lehendakaria
Giza baliabideak
9. Bernard Cachenaut - 2017ko otsailaren 4a Gaur egun LR Iholdiko auzapeza,
Iholdi-Oztibarreko Herri Elkargoko lehendakaria
Gizarte ekintza eta haurtzaroa
10. Claude Olive - 2017ko otsailaren 4a Gaur egun LR Lapurdiko auzapeza, saileko kontseilaria (Baiona-1),
Euskal Kosta-Aturriko lehendakaria
Mugikortasuna
11. Michel Veunac 2017ko otsailaren 4a Gaur egun MoDem Biarrizko auzapeza, eskualdeko kontseilaria Erakartze turistikoa
12. Alain Iriart Alain Iriart 11-6-26.jpg 2017ko otsailaren 4a Gaur egun EH Bai Hiriburuko auzapeza, saileko kontseilaria (Errobi-Aturri) Saneamendua eta euri urak
13. Martine Bisauta - 2017ko otsailaren 4a Gaur egun - Baionako 3. axuanta Trantsizio ekologikoa eta energetikoa, hiri aglomerazioa
14. Sylvie Durruty - 2017ko otsailaren 4a Gaur egun LR Baionako 1. axuanta, eskualde kontseilaria Ekonomia eta berrikuntza
15. Mixel Etxebest - 2017ko otsailaren 4a Gaur egun DVD Maule-Lextarreko auzapeza Ekonomia eta lurralde garapena

Kontseilari ordezkariak[aldatu | aldatu iturburu kodea]

Batzorde iraunkorra osatzen duten kideen artean lehendakariak hautatutako honako 9 kontseilari ordezkariek gainontzeko batzorde exekutiboa osatzen dute[14]:

Izena Agintaldia Alderdia Kargua Batzordea
1. Jean-Baptiste Laborde-Lavignette - 2017ko otsailaren 14a Gaur egun - Sarako auzapeza Mendialdea
2. Kotte Ezenarro - 2017ko otsailaren 14a Gaur egun - Hendaiako auzapeza Mugaz gaindikoa, portuak eta arrantza
3. Marie-José Mialocq - 2017ko otsailaren 14a Gaur egun - Arbonako auzapeza Ingeniaritza eta aholkularitza, hirigintza arauak
4. Peio Claverie - 2017ko otsailaren 14a Gaur egun - Biarritzeko 5. axuanta Goi hezkuntza, ikerketa eta lanbide heziketa
5. Anthony Bleuze - 2017ko otsailaren 14a Gaur egun - Angeluko 2. axuanta Antolaketa digitala eta informazioa
6. Emmanuel Alzuri - 2017ko otsailaren 14a Gaur egun - Bidarteko auzapeza Kostaldea, itsasbazterraeta natur inguruneak
7. Francis Gonzalez - 2017ko otsailaren 14a Gaur egun - Bokaleko auzapeza Fiskalitatea
8. Bruno Carrère - 2017ko otsailaren 14a Gaur egun - Uztaritzeko auzapeza Kultur elkarteak, arte hezkuntza eta kultur ondarea
9. Daniel Oltzomendi - 2017ko otsailaren 14a Gaur egun - Izura-Azmeko auzapeza Turismoa, natura eta ondarea

Batzorde iraunkorra[aldatu | aldatu iturburu kodea]

Elkargo kontseilua[aldatu | aldatu iturburu kodea]

Euskal Hirigune Elkargoko kontseilua 233 kide edo eserlekuz osatua dago:

Baionak 22 eserleku, Angeluk 18, Biarritzek 11, Hendaiak 7, Donibane Lohizunek 6, Urruñak 4, Bokale, Ziburu eta Bidartek, 3; Ustaritz, Hazparne, Senpere, Mugerre eta Hiriburuk, 2. Gainontzeko 143 udalerriek eserleku bana dituzte.

Kontsulta erakundeak[aldatu | aldatu iturburu kodea]

  • Biltzarra (Ipar Euskal Herriko auzapezen kontseilua)
  • Garapen Kontseilua (gizarteko zibileko ordezkariak)

Eskumenak[aldatu | aldatu iturburu kodea]

Hego Euskal Herriarekin elkarlana[aldatu | aldatu iturburu kodea]

Udalerriek erabakiz gero, Elkargoak eskumen berriak eskuratu ditzake, hala nola, kultura, euskara ala Hego Euskal Herriarekin mugaz gaindiko lankidetza. Halaber, Frantziar Estatuak, Eskualdeak eta Departamenduak bereak dituzten zenbait eskumen Elkargoaren esku gera litezke.

Ekonomiaren garapena[aldatu | aldatu iturburu kodea]

Erakunde berriak bere finantzaketa bermatu beharko du, diru iturri nagusiak pertsonen gaineko eta enpresen gainekoen zergen bidez. Hauxe da puntu minberetako bat. Elkargo bakarraren aurkako hautetsiek eta enpresaburuek ez baitute ongi ikusten erakunde berriak tokiko zergak areagotu behar izatea.

Kultura eta hizkuntzak: euskara eta gaskoia[aldatu | aldatu iturburu kodea]

Sakontzeko, irakurri: «Euskara», «Gaskoi (hizkuntza)» eta «Frantsesa»

Azkenik, gai minbera eta garrantzizko bat: EEP (Euskararen Erakunde Publikoa) eta Elkargo Bakarra elkarrekin arituko dira hizkuntza politikaren eremuan. EEPk gaur egun egiten dituen lanetan segituko du, halaber, Elkargoak euskara eta gaskoia sustatu beharko ditu.

Honetaz gain, Elkargoa irakaskuntza artistikoaz, espektakuluez eta irakurketaz arduratzen da.

Barne oreka[aldatu | aldatu iturburu kodea]

Beste erronketako bat itsasaldearen eta barnealdearen arteko udalerrien oreka lortzea da. Elkargo berriak eraginkortasuna eta malgutasuna uztartu beharko ditu. Erabakiak adostea eta hauek garaiz eragiteko ahalmena berretsi beharko ditu. Erakunde berriaren aurkako hautetsiek Elkargoak gobernatzeko izan ditzakeen zailtasunetan begia ezarria baitaukate.

Bestelakoak[aldatu | aldatu iturburu kodea]

  • Lurralde antolaketa
  • Udal politika
  • Ingurumena
  • Bidaiarien kudeaketa

Egitura[aldatu | aldatu iturburu kodea]

Geografia[aldatu | aldatu iturburu kodea]

     Euskal Herri Elkargoak barne hartzen dituen lurraldea eta udalerriak.

Elkargoak Ipar Euskal Herriko ia udalerri guztiak barne hartzen ditu, Jeztaze eta Eskiula ez beste, gainera Biarnoko Lixoze udalerria ere barne hartzen du.[15].

158 udalerri eta 2.967 km² ditu, eta honako 10 elkargoek osatzen dute:

Lehengo hamar elkargoak, lurralde banaketa (frantsesez pôle territorial) izena hartzen dute.

Udalerriak[aldatu | aldatu iturburu kodea]

Flag of the Basque Country.svg Euskal Hirigune Elkargoa Flag of the Basque Country.svg
Udalerria
 
Lurraldea
 
Insee
kodea
Herritarra
 
Azalera
km²
Biztanleria
 
Dentsitatea
(biz./km²)
Baiona (egoitza)  Lapurdi 64102 baionar/baiones 21,68 48.178 (2014) 2.222
Ahatsa-Altzieta-Bazkazane  Nafarroa Beherea 64008 ahatsar-altzietar-bazkazandar 14,64 279 (2014) 19
Ahetze  Lapurdi 64009 aheztar 10,56 1.982 (2014) 188
Ahurti  Lapurdi 64546 ahurtiar 18,99 2.200 (2014) 116
Aiherra  Nafarroa Beherea 64086 aihertar 27,65 1.020 (2014) 37
Ainharbe  Zuberoa 64012 ainharbear 14,07 140 (2015) 10
Ainhize-Monjolose  Nafarroa Beherea 64013 ainhiztar-monjolostar 10,30 166 (2014) 16
Ainhoa  Lapurdi 64014 ainhoar 16,19 664 (2014) 41
Aintzila  Nafarroa Beherea 64011 aintzildar 6,26 118 (2014) 19
Aiziritze-Gamue-Zohazti  Nafarroa Beherea 64010 aiziriztar-gamuar-zohaztiar 9,50 671 (2014) 71
Akamarre  Nafarroa Beherea 64161 akamartar 33,90 904 (2014) 27
Aldude  Nafarroa Beherea 64016 aldudar 23,27 313 (2014) 13
Aloze-Ziboze-Onizegaine  Zuberoa 64017 aloztar-ziboztar-oniztar 5,78 308 (2014) 53
Altzai-Altzabeheti-Zunharreta  Zuberoa 64015 altzaiar-altzabehetiar-zunharretar 34,40 227 (2014) 6,6
Altzürükü  Zuberoa 64081 altzürükütar 47,12 250 (2014) 5,3
Amendüze-Unaso  Nafarroa Beherea 64018 amendüztar-unastar 7,66 448 (2014) 58
Amorotze-Zokotze  Nafarroa Beherea 64019 amoroztar-zokoztar 15,20 240 (2014) 16
Angelu  Lapurdi 64024 angeluar 26,93 38.633 (2014) 1.435
Anhauze  Nafarroa Beherea 64026 anhauztar 12,33 385 (2014) 31
Arberatze-Zilhekoa  Nafarroa Beherea 64034 arberaztar-zilhekoar 5,29 281 (2014) 53
Arbona  Lapurdi 64035 arbonar 10,59 2.116 (2014) 200
Arboti-Zohota  Nafarroa Beherea 64036 arbotiar-zohotar 14,55 303 (2014) 21
Arhantsusi  Nafarroa Beherea 64045 arhantsusiar/arhantsusitar 5,35 70 (2014) 13
Armendaritze  Nafarroa Beherea 64046 armendariztar 17,27 403 (2014) 23
Arnegi  Nafarroa Beherea 64047 arnegitar 21,21 232 (2014) 11
Arrangoitze  Lapurdi 64038 arrangoiztar 17,47 3.143 (2014) 180
Arrokiaga  Zuberoa 64468 arrokiagatar 10,44 114 (2014) 11
Arrosa  Nafarroa Beherea 64490 arrosatar 18,43 531 (2014) 29
Arrueta-Sarrikota  Nafarroa Beherea 64051 arruetar-sarrikotar 22,81 378 (2014) 17
Arüe-Ithorrotze-Olhaibi  Zuberoa 64049 arüetar-ithorroztar-olhaibitar 17,85 248 (2014) 14
Atharratze-Sorholüze  Zuberoa 64533 atharraztar-sorholüztar 14,99 573 (2014) 38
Azkaine  Lapurdi 64065 azkaindar 19,27 4.250 (2014) 221
Azkarate  Nafarroa Beherea 64066 azkaratear 5,82 317 (2014) 54
Baigorri  Nafarroa Beherea 64477 baigorriar 69,44 1.576 (2014) 23
Banka  Nafarroa Beherea 64092 bankar 49,60 331 (2014) 6,7
Bardoze  Lapurdi 64094 bardoztar 42,53 1.774 (2014) 42
Barkoxe  Zuberoa 64093 barkoxtar 46,93 665 (2014) 14
Bastida  Nafarroa Beherea 64289 bastidar 23,39 1.016 (2014) 43
Basusarri  Lapurdi 64100 basusartar 6,51 2.627 (2014) 404
Behaskane-Laphizketa  Nafarroa Beherea 64106 behaskandar-laphizketar 5,64 472 (2014) 84
Behauze  Nafarroa Beherea 64105 behauztar 11,26 246 (2014) 22
Behorlegi  Nafarroa Beherea 64107 behorlegitar 20,58 77 (2014) 3,7
Berrogaine-Larüntze  Zuberoa 64115 berrogaintar-larünztar 2,68 168 (2014) 63
Beskoitze  Lapurdi 64147 beskoiztar 31,29 2.655 (2014) 85
Biarritz  Lapurdi 64122 biarriztar/miarriztar 11,66 24.713 (2014) 2.119
Bidarrai  Nafarroa Beherea 64124 bidarraitar 38,20 696 (2014) 18
Bidarte  Lapurdi 64125 bidartar 12,15 6.575 (2014) 541
Bidaxune  Nafarroa Beherea 64123 bidaxundar 30,43 1.335 44
Bildoze-Onizepea  Zuberoa 64559 bildoztar-oniztar 12,71 737 (2014) 58
Biriatu  Lapurdi 64130 biriatuar 11,04 1.193 (2014) 108
Bithiriña  Nafarroa Beherea 64120 bithirindar 24,80 516 (2014) 21
Bokale  Lapurdi 64140 bokales 5,82 7.893 (2014) 1.356
Bunuze  Nafarroa Beherea 64150 bunuztar 6,60 144 (2014) 22
Burgue-Erreiti  Nafarroa Beherea 64113 burguetar-erreitiar 11,37 122 (2014) 11
Buztintze-Hiriberri  Nafarroa Beherea 64155 buztintzear-hiriberritar 5,67 82 (2014) 14
Domintxaine-Berroeta  Zuberoa 64202 domintxaintar-berroetar 21,56 504 (2014) 23
Donaixti-Ibarre  Nafarroa Beherea 64487 donaixtiar-ibartar 30,03 231 (2014) 7,7
Donamartiri  Nafarroa Beherea 64489 donamartiritar 14,69 320 (2014) 22
Donapaleu  Nafarroa Beherea 64493 donapaleutar 7,54 1.858 (2014) 246
Donazaharre  Nafarroa Beherea 64484 donazahartar 11,64 858 (2014) 74
Donibane Garazi  Nafarroa Beherea 64485 donibandar/donibanegaraztar 2,73 1.553 (2014) 569
Donibane Lohizune  Lapurdi 64483 donibandar 19,05 13.431 (2014) 705
Donoztiri  Nafarroa Beherea 64476 donoztiritar 13,71 455 (2014) 33
Duzunaritze-Sarasketa  Nafarroa Beherea 64154 duzunariztar-sarasketar 12,04 181 (2014) 15
Eiheralarre  Nafarroa Beherea 64492 eiheralartar 30,30 282 (2014) 9,3
Erango  Nafarroa Beherea 64031 erangoar 5,30 145 (2014) 27
Etxarri  Zuberoa 64221 etxarriar 7,43 120 (2014) 16
Etxebarre  Zuberoa 64222 etxebartar 8,23 72 (2014) 8,7
Ezpeize-Ündüreine  Zuberoa 64214 ezpeiztar-ündüreintar 9,78 527 (2014) 54
Ezpeleta  Lapurdi 64213 ezpeletar 26,85 2.101 (2014) 78
Ezterenzubi  Nafarroa Beherea 64218 ezterenzubitar 45,87 354 (2014) 7,7
Gabadi  Nafarroa Beherea 64228 gabadiar 8,31 230 (2014) 28
Gamarte  Nafarroa Beherea 64229 gamartear 9,91 114 (2014) 12
Gamere-Zihiga  Zuberoa 64162 gamerear-zihigar 10,08 95 (2014) 9,4
Garindaine  Zuberoa 64231 garindaintar 6,87 506 (2014) 74
Garrüze  Nafarroa Beherea 64235 garrüztar 3,13 301 (2014) 96
Getaria  Lapurdi 64249 getariar 1,40 1.274 (2014) 910
Gixune  Lapurdi 64250 gixundar 24,85 942 (2014) 38
Gotaine-Irabarne  Zuberoa 64247 gotaintar-irabarnetar 11,75 466 (2014) 40
Haltsu  Lapurdi 64255 haltsuar 5,08 564 (2014) 111
Hauze  Zuberoa 64258 hauztar 17,01 85 (2014) 4,9
Hazparne  Lapurdi 64256 hazpandar 77,01 6.367 (2014) 83
Heleta  Nafarroa Beherea 64259 heletar 23,45 727 (2014) 31
Hendaia  Lapurdi 64260 hendaiar 7,95 16.783 (2014) 2.111
Hiriburu  Lapurdi 64496 hiriburutar 7,68 4.716 (2014) 614
Hozta  Nafarroa Beherea 64265 hoztar 17,08 80 (2014) 4,7
Ibarrola  Nafarroa Beherea 64267 ibarrolar 8,87 90 (2014) 10
Idauze-Mendi  Zuberoa 64268 idauztar-mendiar 9,67 256 (2014) 26
Iholdi  Nafarroa Beherea 64271 iholdiar 21,63 568 (2014) 26
Ilharre  Nafarroa Beherea 64272 ilhartar 10,55 148 (2014) 14
Irisarri  Nafarroa Beherea 64273 irisartar 26,39 861 (2014) 33
Irulegi  Nafarroa Beherea 64274 irulegitar 9,38 374 (2014) 40
Iruri  Zuberoa 64537 iruritar 6,39 143 22
Itsasu  Lapurdi 64279 itsasuar 39,37 2.059 (2014) 52
Izpura  Nafarroa Beherea 64275 izpurar 7,85 683 (2014) 87
Izturitze  Nafarroa Beherea 64277 izturiztar 13,60 484 (2014) 36
Izura-Azme  Nafarroa Beherea 64437 izuratar-azmetar 15,26 199 (2014) 13
Jatsu  Lapurdi 64282 jatsuar 13,95 1.126 (2014) 81
Jatsu  Nafarroa Beherea 64283 jatsuar 10,65 187 (2014) 18
Jutsi  Nafarroa Beherea 64285 jutsiar 15,17 206 (2014) 14
Kanbo  Lapurdi 64160 kanboar 22,49 6.785 (2014) 302
Labetze-Bizkai  Nafarroa Beherea 64294 labeztar-bizkaitar 8,79 152 (2014) 17
Lakarra  Nafarroa Beherea 64297 lakartar 4,40 171 (2014) 39
Lakarri-Arhane-Sarrikotagaine  Zuberoa 64298 lakarrar-arhantar-sarrikota 23,32 126 (2014) 5,4
Landibarre  Nafarroa Beherea 64313 landibartar 28,86 297 (2014) 10
Larraine  Zuberoa 64316 larraintar 126,80 195 (2014) 1,5
Larresoro  Lapurdi 64317 larresoroar 10,76 1.871 (2014) 174
Larribarre-Sorhapürü  Nafarroa Beherea 64319 larribartar-sorhapürtar 10,65 194 (2014) 18
Larzabale-Arroze-Zibitze  Nafarroa Beherea 64314 larzabaldar-arroztar-zibiztar 18,08 405 (2014) 22
Lasa  Nafarroa Beherea 64322 lasar 14,79 322 (2014) 22
Lehuntze  Lapurdi 64304 lehunztar 9,47 2.236 (2014) 236
Lekorne  Lapurdi 64377 lekondar 21,47 835 (2014) 39
Lekuine  Lapurdi 64134 lekuindar 1,02 369 (2014) 362
Lekunberri  Nafarroa Beherea 64327 lekunberritar 58,09 172 (2014) 3
Lexantzü-Zunharre  Zuberoa 64340 lexanztar-zunharrar 3,43 74 (2014) 22
Ligi-Atherei  Zuberoa 64342 ligiar-athereiar 17,87 226 (2014) 13
Liginaga-Astüe  Zuberoa 64303 liginagar-astüar 6,00 181 (2014) 30
Lixoze  Bearno 64341 lixozear 3,38 138 (2014) 41
Lohitzüne-Oihergi  Zuberoa 64345 lohitzüntar-oihergiar 17,52 195 (2014) 11
Luhuso  Lapurdi 64350 luhusoar 7,38 919 (2014) 125
Lüküze-Altzümarta  Nafarroa Beherea 64362 lüküztar-altzümartar 8,31 386 (2014) 46
Makea  Lapurdi 64364 makear 19,75 554 (2014) 28
Martxueta  Nafarroa Beherea 64368 martxuetar 8,16 228 (2014) 28
Maule-Lextarre  Zuberoa 64371 mauletar-lextarrar 12,80 2.994 (2014) 234
Mehaine  Nafarroa Beherea 64375 mehaindar 12,73 267 (2014) 21
Mendibe  Nafarroa Beherea 64379 mendibetar 41,77 170 (2014) 4,1
Mendikota  Zuberoa 64378 mendikotar 6,33 191 (2014) 30
Milafranga  Lapurdi 64558 milafrangar 17,17 2.597 (2014) 151
Mitikile-Larrori-Mendibile  Zuberoa 64391 mitikiltar-larroritar-mendibiltar 16,27 331 (2014) 20
Montori  Zuberoa 64404 montoriar/beroriztar 20,45 298 (2014) 15
Mugerre  Lapurdi 64407 mugertar 22,57 4.909 (2014) 218
Muskildi  Zuberoa 64411 muskildiar 24,06 239 (2014) 9,9
Oragarre  Nafarroa Beherea 64425 oragartar 36,43 481 (2014) 13
Ortzaize  Nafarroa Beherea 64436 ortzaiztar 42,38 875 (2014) 21
Ospitalepea  Zuberoa 64264 ospitaletar 2,11 74 (2014) 35
Ostankoa  Nafarroa Beherea 64429 ostankoar 9,35 103 (2014) 11
Ozaze-Zühara  Zuberoa 64432 ozaztar-züharrar 7,17 98 (2014) 14
Ozaraine-Erribareita  Zuberoa 64435 ozaraintar-erribareitar 6,56 209 (2014) 32
Pagola  Zuberoa 64441 pagolar 15,90 286 (2014) 18
Samatze  Nafarroa Beherea 64502 samaztar 13,26 692 (2014) 52
Sara  Lapurdi 64504 saratar 51,34 2.596 (2014) 51
Sarrikotapea  Zuberoa 64187 sarrikotar 7,40 260 (2014) 35
Senpere  Lapurdi 64495 senpertar 65,08 6.252 (2014) 96
Sohüta  Zuberoa 64188 sohütar 35,26 1.096 (2014) 31
Suhuskune  Nafarroa Beherea 64528 suhuskundar 11,83 174 (2014) 15
Uharte Garazi  Nafarroa Beherea 64538 uhartear, uhartegaraztar 11,66 789 (2014) 68
Uhartehiri  Nafarroa Beherea 64539 uhartear, uhartehiria 11,74 215 (2014) 18
Urdatx-Santa Grazi  Zuberoa 64475 urdaxtar/santagraztar 72,69 205 (2014) 2,8
Urdiñarbe  Zuberoa 64424 urdiñarbetar 29,71 532 (2014) 18
Urepele  Nafarroa Beherea 64543 urepeldar 26,44 306 (2014) 12
Urketa  Lapurdi 64540 urketar 13,69 2.359 (2014) 172
Urruña  Lapurdi 64545 urruñar 50,57 9.304 (2014) 184
Ürrüstoi-Larrabile  Zuberoa 64050 ürrüstoitar-larrabiltar 7,56 96 (2014) 13
Uztaritze  Lapurdi 64547 uztariztar 32,75 6.608 (2014) 202
Zalgize-Doneztebe  Zuberoa 64509 zalgiztar-doneztebear 8,81 156 (2014) 18
Zaro  Nafarroa Beherea 64166 zaroar 4,01 190 (2014) 47
Ziburu  Lapurdi 64189 ziburutar 7,44 6.630 (2014) 891
Zuraide  Lapurdi 64527 zuraidar 16,86 1.388 (2014) 82


Ikus gainera[aldatu | aldatu iturburu kodea]

Erreferentziak[aldatu | aldatu iturburu kodea]

  1.   Berria.eus, «Jean-Rene Etxegarai hautatu dute Euskal Elkargoko lehendakari», Berria, http://www.berria.eus/albisteak/130881/jean_rene_etxegarai_hautatu_dute_euskal_elkargoko_lehendakari.htm. Noiz kontsultatua: 2017-01-23 .
  2. Euskal Herri Elkargoa / Communauté Pays Basque. Communatepaysbasque.org (Euskaraz) (Frantsesez)
  3. Instituzioaren behar gorria. 2015eko urriaren 11a. Argia.com (Euskaraz)
  4. Instituzioaren behar gorria. 2015eko urriaren 11a. Argia.com (Euskaraz)
  5. Elkargoaren udaberria, abian. 2016ko martxoaren 20a. Berria.info
  6. Udaberrion ebatzi beharreko gaia. Lurralde instituzio politikoa eginbidean. Ipar Euskal Herrirako instituzioa, 2016ko apirilaren 06a, Argia.com (Euskaraz)
  7. Biztanleen erdiak lortu ditu elkargo bakarrak. Aiziritzeren baietzarekin 149.390 biztanle ordezkatzen dituzte orain arte alde bozkatu duten herriko etxeek. Hirigune elkargo bakarra sortu ahal izateko herrien erdiek ere eman behar dute baiezkoa. 2016ko apirilaren 28a. Berria.info
  8. L'intercommunalité unique Pays basque, c'est fait. 2016ko maiatzaren 4a. Sudouest.fr (Frantsesez)
  9. a b   Berria.eus, «Jean-Rene Etxegarai hautatu dute Euskal Elkargoko lehendakari», Berria, http://www.berria.eus/albisteak/130881/jean_rene_etxegarai_hautatu_dute_euskal_elkargoko_lehendakari.htm. Noiz kontsultatua: 2017-01-23 .
  10. Urkullu lehendakaria Jean Rene Etchegarayrekin bildu da. 2017ko otsailaren 2a. Eitb.com (Euskaraz)
  11. Iparraldeak Elkargo Bakarra izanen du 2017an, bi baldintzak bete ostean. 2016ko maiatzaren 4a. Argia.com (Euskaraz)
  12. Arrêté préfectoral du 13 juillet 2016 portant création de la communauté d'agglomération du Pays basque (Frantsesez)
  13. Organigrama osatu du Euskal Elkargoak, eskumenak eta arduradunak zehaztuta. 2017ko otsailaren 15a. Berria.eus (Euskaraz)
  14. Organigrama osatu du Euskal Elkargoak, eskumenak eta arduradunak zehaztuta. 2017ko otsailaren 15a. Berria.eus (Euskaraz)
  15. Le Pays basque se constitue en communauté d’agglomération. Michel Garicoïx. 2016ko abenduaren 29a. lemonde.fr (Frantsesez)

Kanpo loturak[aldatu | aldatu iturburu kodea]