Hur

Wikipedia(e)tik
Hona jo: nabigazioa, Bilatu
Hurritzaren fruitua da hurra

Hurra hurritzaren fruitua da. Itxura esferiko-obala du, 10-15 milimetro inguruko diametroa eta 15-25 mm inguruko luzera. Oskol leun batez estalia dago, barneko hazia inguratuz. Oskolaren kanpotik, berriz, zuntzez osatutako beste azal bigunago bat du, hurra ontzen den bitartean idortu egiten dena.

Hurra azaletik askatu eta zuhaitzetik erortzen da polinizazioa izan eta zortzi hilabetera. Haziaren muina jangarria da eta gordinik edo eginda (erreta, egosita, ore bihurtuta) jaten da. Haziak mintz mehe iluna du, hurra prestatu baino lehen batzuetan kendu egiten dena.

Erabilera[aldatu | aldatu iturburu kodea]

Hurraren hazia fruitu lehor gisa jan daiteke, gordinik edo erreta, bai eta prestatuta ere (osorik edo ore bilakatua)). Hazia estaltzen duen mintz ilunak zapore mikatza du, horregatik maiz kendu egin ohi da. Bestalde, hurrekin zapore sendoa duen olioa ekoizten da.

Hurrak gozogintzan ere erabiltzen dira, azukregorrituta edota txokolatearekin nahastuta. Nutella orearen eta Frangelico likorearen osagaia nabarmena da.

Nutrizio balioa[aldatu | aldatu iturburu kodea]

Hurrek nutrizio balio handia dute: proteinetan % 16a dute eta koipe ez saturatuetan % 62a. Gainera, tiamina, niazina, nahiz kaltzio, fosforo eta potasio kopuru nabarmenak dituzte.

Ekoizpena[aldatu | aldatu iturburu kodea]

Hurren ekoizle nagusia Turkia da, munduko ekoizpenaren % 75 inguru ekoizten baitu.[1] Beste ekoizle nagusi batzuk Italia, Azerbaijan eta Katalunia dira Europan, eta Oregon eta Washington estatuak AEBetan.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Hur Aldatu lotura Wikidatan
Wikiztegian orri bat dago honi buruz: hur .