Informatikari euskaldunen bilkurak

Informatikari Euskaldunen bigarren Bilkurako posterra

Informatikari Euskaldunen Bilkurak (IEB) bi urterik behin Udako Euskal Unibertsitateko Informatika sailak antolatzen dituen biltzarrak dira.

Lehenengoa 1996. urtean antolatu zen, eta honela definitu zen bilkura hauen hasierako helburua:

«	Ordenadoreak, Internet, datu-baseak, editoreak... mundu berria agertzen zaigu aurrean. Makinen garaia datorkigula dirudi; kultura berria kultura bakarra? ingelesa nagusi? aurrerapenak ala atzerapausoak... Kultura ingelesa nagusi dugu mundu honetan: merkatuan topatzen ditugun produktuak, adibidez editoreak edo Interneten topatzen ditugun eztabaida-taldeak... Beste hizkuntza batzuek ere badute beren tokia, esate baterako gaztelaniak. Baina, gure hizkuntzak etorkizunik ba al du informatika munduan? Arazo asko sortzen dira euskarazko produktu informatikoak ekoiztu nahi ditugunean: bezero gutxi, hizkuntzaren normalizazio-egoera...	»
—Informatikari Euskaldunen I. Topaketen antolatzaileak, 1996-11-22

Orduko editoreak, kalkulu-orriak, datu-baseak ezin zitezkeen erabili euskaraz. Geroago hutsune horiek bete ziren, gaur egunean oso normaltzat ikusten da oinarrizko programa horiek euskaraz erabili ahal izatea, baina orduan erronka bat zen hori lortzea. Informatikari euskaldunen lehen bilkurak hutsune horren presentzia salatu zuen eta eragin zuen konponketa bat bilatze aldera.

Harrezkero bi urterik behin antolatu dira bilkura horiek, informatikaren munduan agertzen diren ekarpen eta fenomeno berriak komunitate euskaldunen ikuspuntutik aztertzeko, eta haien erabilera interesgarrietan eragiteko.

Antolatu diren ekitaldiak hauek izan dira:

IEB bilkurak

Kartela	Bilkura	Gai nagusia	Data	Lekua	Parte hartzaileak	Egitaraua
	Informatikari Euskaldunen I. Topaketak	Euskarazko softwarea gaur egun	1996 -azaroa- 22	Donostia	160
	Informatikari Euskaldunen II. Topaketak	Euskara eta Internet	1998 -azaroa- 20	Donostia	180
	III. IEB	Informatikaren irakaskuntza eta informatika irakaskuntzan	2001 -martxoa- 30	Donostia	180
	IV. IEB	Informatikaria gizarte elektronikoan	2003 -apirila- 4	Donostia
	V. IEB	Softwaregintzaren erronka berriak	2005 -apirila- 22	Donostia
	VI. IEB	Web 2.0 hemen	2007 -maiatza- 10	Donostia
	VII. IEB	Teknologia berriak, gaur eta bihar	2009 -maiatza- 7	Donostia	>200	Egitaraua
	VIII. IEB	Gizarte sareak	2011 -maiatza- 12	Donostia	>200	Bloga
	IX. IEB	Telefonoak eta informatika	2013 -maiatza- 8	Donostia	250	Eskuorria, Egitaraua
	X. IEB	Robotika. Amesten dute androideek ardi latx elektrikoekin?	2015 -azaroa- 12	Donostia	200	Eskuorria, Egitaraua

Kanpo loturak

• Play media

  Wikipediako hezkuntza programaren aurkezpena -IEB2018
  IEB2018 bloga Burujabetza teknologikoa
• IEB2015 bloga Robotika. Amesten dute androideek ardi latx elektrikoekin?
• IEB2013 Udako Euskal Unibertsitatea
• IEB2013 bloga Telefonoak eta informatika
• informatikari.euskaldunen.bilkura Facebook-en
• IEB2011 bloga Gizarte sareak
• IEB2009 bloga Teknologia berriak, gaur eta bihar
• IKTeroak 2007
• UEU Udako Euskal Unibertsitatea

Ikus, gainera

• Udako Euskal Unibertsitatea