Juan Antxeta

Wikipedia, Entziklopedia askea
Hona jauzi: nabigazioa, Bilatu
Juan Antxeta
Zaragoza - La Seo 16 - Capilla de los Santos Miguel, Gabriel y Rafael.JPG
Bizitza
Jaiotza Azpeitia1540
Herrialdea  Gipuzkoa, Euskal Herria
Heriotza Iruñea1588ko azaroaren 30a (47/48 urte)
Hezkuntza
Hizkuntzak gaztelania
euskara
Jarduerak
Jarduerak eskultorea
Zaragozako katedralaren erretaula, Antxetaren lanak dituena.

Joanes Antxeta[1] (Azpeitia, 1540 inguru – Iruñea, 1588ko azaroaren 30a) euskal eskultorea izan zen, manierista hain zuzen ere. Zur eta alabastrozko bere lanak Euskal Herrian ez ezik, Burgos, Errioxa eta Aragoin ere egin zituen.

Biografia[aldatu | aldatu iturburu kodea]

Bere lanetan, Italiako eskultoreen lanen eragina zela eta, litekeena da bertan ikastea; hala ere ez daude bisita horri buruzko agiririk.

1547 eta 1550 artean Iruñeko "Nuestra Señora de la Misericordia" izeneko antzinako ospitalearen kaperan (egun Nafarroako museoa dena) gotiko-pizkundetar estilozko erretaula egin zuen.

1565 inguru Valladoliden izan arren, laster joan zen Briviescara, ziur asko Gaspar Becerrak Santa Klara elizaren komentuan egindako erretaulan laguntzeko. Becerraren manierismoz gain, Erromako klasizismoak eragin handia zuen bere lanean.

Becerrarekin batera 1558 inguru Astorgako katedralean lan egin ondoren, Gaztelan lan egiten jarraitu zuen. Nahiz eta Juan de Junik hiltzean bere testamenduan Medina de Riosecon egiten ari zen erretaula bukatzeko gai zen eskultore bakar izendatu, erretaula Esteban Jordánek bukatu zuen. 1571an Zaragozako katedralaren erretaula bukatu zuen[2]

1575 eta 1578 artean Jakako katedralaren Trinitarien kaperan lan egin zuen: bertan egin zuen Aitaren eskulturan nabarmentzekoa da Michelangeloren eragina.

Erreferentziak[aldatu | aldatu iturburu kodea]

  1. Euskal Wikipedian, arau orokortzat, EIMAren Onomastika lanean zehaztutako irizpideak aplikatzen ditugu. Ikus euskal Wikipediako politika, antroponimiaz.
  2. Fatás, Guillermo (zuzend.), "Guía Histórico-Artística de Zaragoza", Zaragoza, «Fernando el Católico» Erakundea-Zaragozako Udala, 2008, 4. ed., 147-148. orr. ISBN 978-84-7820-948-4.

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Juan Antxeta Aldatu lotura Wikidatan