United Rugby Championship

Artikulu hau errugbi lehiaketari buruzkoa da; beste esanahietarako, ikus «Celtic League».

United Rugby Championship
Sorrera	2001 (Pro 12 Liga) 2017 (Pro 14 Liga) 2021 (United Rugby Championship)
Eremua	Irlanda (4 talde) Eskozia (2 talde) Gales (4 talde) Italia (2 talde) Hegoafrika (4 talde)
Taldeak	16
Maila	1
Garaipen gehien	Leinster (8)
Txapelduna	Munster (2022-23)
Webgunea	www.pro14rugby.com

2010ko finala, Ospreys eta Leinsterren artean.

Connacht eta Munsterren arteko partida.

Glasgow Warriors eta Ulster Rugbyren arteko partida.

Llanelli Scarlets eta Benetton Trevisoren arteko partida.

Edinburgh eta Cardiff Bluesen arteko partida.

United Rugby Championship Irlanda, Eskozia, Gales, Italia eta 2017-18 denboralditik aurrera Hegoafrikako errugbi taldeek urtero jokatzen duten liga da. Frantziako Top 14, Ingalaterrako Premiership eta Super Rugby ligekin batera munduko lau liga indartsuenak osatzen dituzte.

Izenak

2001ean sortu zen eta gaur egun 16 taldek osatzen dute. Bere jatorrizko izena Liga Zeltiarra da (ingelesez Celtic League, galeseraz Y Gynghrair Geltaidd eta irlanderaz An tSraith Cheilteach). Halere, gerora Magners sagardoetxe irlandarraren babespean izendapena aldatu zuen, ondoren RaboDirect eta beranduago Guinness Pro14, babeslea garagardo etxe ezaguna izateagatik eat 14 taldek parte hartzen zutelako. 2021-22 denboraldian Super Rugby ligako talde hegoafrikarrak sartu ziren eta dagoeneko 16 talde daude liga honetan.

Ezaugarriak

Denboraldia irailetik maiatzera ospatu ohi da. United Rugby Championshipeko partidek ohikoak diren azaroko nazioarteko partidak (Test-Matches) eta Sei Nazioen Txapelketan zehar jokatutako partidak saihesten dituzte. Galestar, irlandar, eskoziar eta italiar federazioek (edo batasunek) United Rugby Championship europar lehiaketerako (Heineken Cup eta European Challege Cup) sailkapena zehazten duen lehiaketa bakar gisa erabiltzen dute.

Lehiaketa sistema (2001-2017)

Ligak bi fase izaten zituen, lehenik eta behin 12 talderen arteko liga erregularra jokatzen zen eta ondoren lau onenek txapeldun izateko play-offak jokatzen zituzten.

Lehiaketa sistema (2017-2021)

2017-18 denboraldirako Hegoafrikako bi talde sartu ziren ligan eta honek sistemaren aldaketa ekarri zuen. Zazpi taldetako bi multzo (konferentzia) osatu ziren, bakoitzean bina irlandar eta galestar eta eskoziar bat, italiar bat eta hegoafrikar bat sartu ziren.

Konferentzia bakoitzean bi itzuli jokatu ondoren multzo bakoitzeko txapelduna bigarren faseko finalerdietara sailkatzen zen zuzenean. Multzo bakoitzeko bigarrena eta hirugarrena bigarren faseko final laurdenetara pasatzen ziren.

Lehiaketa sistema (2021-etik aurrera)

Lau taldetako multzoak eratu ziren eskualdearen arabera, Irlandako liga, Eskozia-Italiako liga, Galesko liga eta Hegoafrikako liga. Seina partida jokatu ondoren beste 12 jokatzen dituzte gainerako ligetako taldeen aurka. Liga taulako zortzi aurrenekoek titulurako play-offak jokatuko dituzte.

Laburpena

Urteak	Izena	Talde kopurua	Herrialdeak
2001- 2010	Zeltiar Liga	aldakorra	Eskozia, Gales, Irlanda
2010- 2017	Pro 12 Liga	12	Eskozia, Gales, Irlanda, Italia
2017- 2021	Pro 14 Liga	14	Eskozia, Gales, Hegoafrika, Irlanda, Italia
2021-	United Rugby Championship	16	Eskozia, Gales, Hegoafrika, Irlanda, Italia

Komunikabideen jarraipena

Magners Leagueko partidak BBC Two Wales, Setanta Sports 2, Setanta Ireland eta Galesko S4C kateetan zuzenean emititzen dira. Normalki BBC Two Wales kateak emititutako partidak gainontzeko Erresuma Batuan zehar BBC Red Button bidez ere ikus daitezke. Noizbehinkako jarraipena beste herrialde batzuetan ere topatzen da - gehienetan Canal Plus Frantzia, edota mundu osoko beste herrialde batzuetan Setanta Sports katearen bidez: Australia, Kanada eta Estatu Batuak.

Eskoziako gaeleraz emititzen duen BBC Alba kateak ere noizbehinka Spòrs izeneko bere kirol saioan jokaldirik onenak aireratzen ditu.

Taldeak

Eskualdekako taldeak eratu dira. Lau talde irlandar, lau galestar, bi eskoziar, bi italiar eta bi hegoafrikar dira parte hartzaileak:

Taldea	Errugbi zelaia (edukiera)	Hiria
Benetton Rugby Treviso	Stadio Comunale di Monigo (6.700)	Treviso
Bulls	Loftus Versfeld Stadium (51.762)	Pretoria
Cardiff Blues	Cardiff City Stadium (26.828) eta Millennium Stadium (74.500)	Cardiff
Connacht Rugby	Galway Sportsgrounds (7.000)	Galway
Edinburgh Rugby	Murrayfield Stadium (67.800)	Edinburgh
Glasgow Warriors	Scotstoun (10.887)	Glasgow
Leinster Rugby	RDS Arena (18.500) eta Donnybrook (12.500)	Dublin
Lions	Ellis Park Stadium (62.567)	Johannesburgo
Scarlets	Parc y Scarlets (14.870) eta Racecourse Ground (15.500)	Llanelli
Munster Rugby	Thomond Park (26.000) eta Musgrave Park (8.300)	Limerick eta Cork
Newport Gwent Dragons	Rodney Parade (12.000)	Newport
Ospreys Rugby	Liberty Stadium (20.500)	Swansea
Sharks	Kings Park Stadium (52.000)	Durban
Stormers	Lurmutur Hiria estadioa (55.000)	Lurmutur Hiria
Ulster Rugby	Ravenhill Stadium (12.800)	Belfast
Zebre Rugby	Stadio Sergio Lanfranchi (5.000)	Parma

Podiuma

Leinster 8 Liga	Ospreys 4 Liga	Munster 4 Liga

Palmaresa

Denboraldia	Taldeak	Txapelduna	Emaitza	Txapeldunordea	Jokalari onena
2001-02	15	Leinster	24-20	Munster
2002-03	16	Munster	37-17	Neath
2003–04	12	Llanelli Scarlets	liga	Ulster
2004–05	11	Ospreys	liga	Munster
2005–06	11	Ulster	liga	Leinster
2006–07	11	Ospreys	liga	Cardiff Blues
2007–08	10	Leinster	liga	Cardiff Blues
2008–09	10	Munster	liga	Edinburgh
2009-10	10	Ospreys	17-12	Leinster	Tommy Bowe (Ospreys)
2010-11	12	Munster	19-9	Leinster	Ruan Pienaar (Ulster)
2011-12	12	Ospreys	31-30	Leinster	Tim Visser (Edinburgh)
2012-13	12	Leinster	24-18	Ulster	Nick Williams (Ulster)
2013-14	12	Leinster	34-12	Glasgow Warriors	Dan Biggar (Ospreys)
2014-15	12	Glasgow Warriors	31-13	Munster	Rhys Webb (Ospreys)
2015-16	12	Connacht	20-10	Leinster	Bundee Aki (Connacht)
2016-17	12	Llanelli Scarlets	46-22	Munster	Charles Piutau (Ulster)
2017-18	14	Leinster	40-32	Llanelli Scarlets
2018-19	14	Leinster	18-15	Glasgow Warriors
2019-20¹	14	Leinster	27-5	Ulster
2020-21²	12	Leinster	16-6	Munster
2021-22	16	Stormers	18-13	Bulls
2022-23	16	Munster	19-14	Stormers

• ¹ COVID-19 pandemiaren eraginez 2019-20 denboraldia 2021eko martxoan amaitu zen.
• ² COVID-19 pandemiaren eraginez 2020-21 denboraldian talde hegoafrikarrek ezin izan zuten parte hartu.

Garaipenak

Taldeka

Taldea	Txapelduna	Finalista	Garaipen urteak
Leinster	8	5	2002, 2008, 2013, 2014, 2018, 2019, 2020, 2021
Munster	4	5	2003, 2009, 2011, 2023
Ospreys	4	0	2005, 2007, 2010, 2012
Llanelli Scarlets	2	1	2004, 2017
Ulster	1	3	2006
Glasgow Warriors	1	2	2015
Stormers	1	1	2022
Connacht	1	0	2016
Cardiff Blues	0	2
Neath	0	1
Edinburgh	0	1
Bulls	0	1

Herrialdeka

Herrialdea	Garaipenak	Finalistak	Talde txapeldunak (kopurua)
Irlanda	14	14	Leinster (8), Munster (4), Connacht (1), Ulster (1)
Gales	6	4	Ospreys (4), Scarlets (2)
Eskozia	1	3	Glasgow Warriors (1)
Hegoafrika	1	1	Stormers (1)
Italia	0	0

Zeltiar Kopa

Bi urtetan Zeltiar Kopa ere jokatu zen.

Denboraldia	Taldeak	Txapelduna	Txapeldunordea
2003–04	12	Ulster	Edinburgh
2004–05	8	Munster	Llanelli Scarlets

Ikus, gainera

• Top 14
• English Premiership Rugby
• European Rugby Champions Cup
• European Challege Cup

Kanpo estekak

• (Ingelesez) Webgune ofiziala

• Datuak: Q6002
• Multimedia: United Rugby Championship / Q6002