Euskal Herria Bildu

Wikipedia(e)tik
EH Bildu» orritik birbideratua)
Hona jo: nabigazioa, Bilatu
Euskal Herria Bildu1
Sorrera 2012
Egoitza nagusia Gaztelu plaza, 49, 1.a
Iruñea, Nafarroa
Ideologia politikoa Subiranotasuna, independentismoa, sozialismoa, ezker abertzalea, antiinperialismoa, feminismoa, euskaltzaletasuna, aurrerakortasuna
Eusko Legebiltzarrean
21 / 75

Nafarroako Parlamentuan[oharra 1]
11 / 50

Espainiako Kongresuan[oharra 2]
7 / 350

Espainiako Senatuan[oharra 3]
4 / 208

Europako Legebiltzarrean
1 / 54
www.ehbildu.eus
1Eusko Alkartasuna, Aralar, Sortu eta Alternatiba plataformaren koalizioa.

Euskal Herria Bildu Euskal Herriko Ezker abertzaleko koalizio bat da, bere baitan Alternatiba, Aralar, Eusko Alkartasuna eta Sortu biltzen dituena. 2012an sortu zen, Bildu eta Amaiur koalizioen jarraipen moduan. Lehenbiziko aldiz 2012ko Eusko Legebiltzarrerako hauteskundeetara aurkeztu zen, Laura Mintegi lehendakaritzarako hautagaitzat haturik.

Hauteskunde emaitzak[aldatu | aldatu iturburu kodea]

Hauteskundeak eta data
Botoak
%
Ordezkariak
2012ko Eusko Legebiltzarrerako hauteskundeak 277.923  %25 21 legebiltzarkide
2014ko Europako Parlamenturako hauteskundeak1 326.464  %2,08 Legebiltzarkide 1

1 Herriek Erabaki koalizioaren barruan.

Ordezkaritza[aldatu | aldatu iturburu kodea]

Euskal Herria Bildu ofizialki Eusko Legebiltzarrean bakarrik agertzen bada ere, Bildu eta Aralarreko ordezkariek politika komuna egiten dute.

Eusko Legebiltzarrean[aldatu | aldatu iturburu kodea]

Gasteizko Legebiltzarrean bigarren indar politikoa da momentu honetan, 21 parlamentarirekin. Bere zerrendaburuak Laura Mintegi, Belen Arrondo eta Xabier Isasi izan ziren, baina jarduera parlamentarioan koalizioko ordezkari diren Oskar Matute, Pello Urizar, Rebeka Ubera edo Hasier Arraizek ere hainbat ekimen parlamentario eraman dituzte aurrera. Euskal gatazkarekin harremana duten gaietako asko Julen Arzuagak defendatzen ditu.

Nafarroako Parlamentuan[aldatu | aldatu iturburu kodea]

Nafarroako Parlamentuan ez da EHBilduren talderik, baina Nafarroa Bairen zati diren Aralarreko ordezkariek Bildukoekin batera parte hartzen dute, elkarrekin bigarren talde gisa funtzionatzen dutelarik. Osaketa hau garrantzitsua izan da Yolanda Barcinaren aurka egindako zentsura mozioan zein PSNk egiteko mehatxua egin zuenean.

Espainiako Kongresua eta Senatua[aldatu | aldatu iturburu kodea]

Espainiako Kongresuan eta Senatuan Amaiurrek ordezkariek Euskal Herria Bilduren ordezkaritza egiten dute. Kongresuan 7 parlamentario dituzte, tartean Sabino Cuadra edo Rafa Larreina. Senatuan Amaiurrek dituen 3 senatariez gain (Urko Aiartza, Amalur Mendizabal eta Alberto Unamunzaga) EHBilduren ordezkari gisa dagoen Iñaki Goioaga ere batu behar zaio, hau Gasteizko Legebiltzarreko ordezkari gisa.

Europako Legebiltzarrean[aldatu | aldatu iturburu kodea]

Europako Legebiltzarrerako hauteskundeetarako Euskal Herria Bilduk Bloque Nacionalista Galego (BNG), Puyalón, Andecha Astur, Alternativa Nacionalista Canaria (ANC) eta Unidad del Pueblo (UP) alderdiekin batera Herriek Erabaki koalizioa osatu zuen. Herriek Erabaki koalizioak eserleku bat lortu zuen Europako Legebiltzarrean, EH Bilduko hautagaia zen Josu Juaristik hiru urte t´erdiz eserlekua izango duelarik eta BNGko Ana Mirandak gainerako urte t´erdian.

Kronologia[aldatu | aldatu iturburu kodea]

2014ko irailaren 7an, EH Bildu barruan siglak gainditzeko apustua egin zuen Aralarrek. Patxi Zabaletak adierazi zuen beharrezkoa zela EH Bilduren egiturak "bateratzea", "subiranotasunaren aldeko ezkertiarren fronte irekia" eskaintzeko[1].

Abenduaren 29an jakin zenez, etorkizuna erabakitzeko prozesu eratzaileaz proposamen bat aurkeztuko zuen EH Bilduk 2015eko urtarrilaren 24. Helburua euskal estatua eraikitzea zen eta Irungo Ficoban (Gipuzkoa) aurkeztuko zuten. "Euskal Herriko indar askatzaile guztiei" egin zieten deialdia, "baimenik eskatu gabe" aritzeko[2].

Oharrak[aldatu | aldatu iturburu kodea]

  1. Bildu eta Aralar-NaBaiko ordezkariak batuta
  2. Amaiur gisa
  3. Amaiur gisa eta EHBildu gisa

Ikus gainera[aldatu | aldatu iturburu kodea]

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Euskal Herria Bildu Aldatu lotura Wikidatan