Iesu eliza

Iesu eliza
Eliza Oroimenaren lorategitik Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Donostia
Koordenatuak	43°18′29″N 1°58′16″W
Historia eta erabilera
Irekiera	2011
Izenaren jatorria	Jesus Nazaretekoa
Elizbarrutia	Donostiako elizbarrutia
Arkitektura
Arkitektoa	Rafael Moneo
Estiloa	Minimalismoa

Iesu eliza Donostian dagoen eliza katolikoa da, Oroitzapenaren lorategian, Loiolako Erriberako parrokia, Rafael Moneo arkitekto tuterarrak eraikia. Itxura minimalistakoa, Oroimenaren lorategiaren ondoan kokatua dago, Urumea ibaiaren ezkerraldean. 2011ko maiatzaren 14an sagaratu zen, José Ignacio Munilla apezpikuak egindako elizkizunean. Sagaratze ospakizunean hainbat apaizek hartu zuten parte, besteak beste, Donostiako gotzain emeritua, Juan Maria Uriarte, bi bikarioak, Joseba Gonzalez eta Juan Kruz Mendizabal, eta bertako parrokoa den Jesus Mari Zabaleta.

Ezaugarriak

Eraikinak bi bolumen ditu, eraikin nagusia (eliza bera) eta atxikitako eraikinak. Eraikin nagusia paralelepipedo handi eta zuri bat da, erpin batzuk hustu egin direnak, barnean greziar gurutze itxuraldatu bat osatzeko. Gurutze oker honek, Txillidaren hainbat lanen antza duena, "gaurko munduaren tira-birak islatu nahi ditu" Moneoren arabera. Adiskidetzearen kaperan 28 metroko garaiera dago eta nabe nagusia osatzen duen gurutzean 21 metro. Eliza ekialderantz begira dago. Espazio honek 900m² inguru eta 400 pertsonentzako edukiera.

Elizari atxikia eta patio baten inguruan, "L" itxurako eraikina dago, non katixima-ikasgelak, lantegiak eta topalekuak dauden.

Barnealdea

Elizaren espazio nagusia greziar gurutze oker baten itxura du. Hormak sabaiarekin elkartzen diren ertzak hutsik daude eta bertatik eguzki argia sartzen da, barnealdea argituz eta gurutze itxura areagotuz.

Beiratea. Argi ageri dira gurutzea, eguzkia, bi ilargialdi eta hilabeteen zenbaki erromatarrak.

Nabe nagusiaren ezkerraldean sakristia eta bataiategia daude eta eskuinaldean Adiskidetzearen kapera^{[erreferentzia behar]}. Kapera honetan tabernakulua eta beirate handi bat dago. Moneok berak marraztu du beiratea, eta Cintruénigoko harzuriz egina dago. Harzuriaz gain, beirateak beirazko lau elementu ere baditu: elizaren adierazgarria den gurutzea, eguzkia eta ilargialdi ezberdinetan dauden bi ilargi. Horrez gainera, azpialdean, urteko hamabi hilabeteak daude, erromatar zenbakitan.

Argiztapen artifiziala zintzilik dauden argiontziek egiten dute, kono itxurakoak eta garaiera txikian, eliztarren buruetatik hurbil. Argiztapen hau elizaren horma garaiekin kontraste handia sortzen du.

Altzari eta artelanak

Organoa, Johanes Klais alemaniarraren lana (Bonn).

Elizak hainbat altzari eta artelan ditu, bereziki eraikin honetarako sortuak. Horien artean honakoak daude:

• organo, Gipuzkoako Aldundiarekin kofinantzatua, Klais Orgelbau (Johanes Klais Bonn) konpainia alemaniarrak egina.
• erretaula nagusia, Javier Alkain margolariarena
• Ama Birjina Haurrarekin, sarrerako nitxo batean dagoen brontzezko eskultura, José Ramón Anda eskultorearena.

Ikus gainera

• Oroitzapenaren lorategia

Iruditegia

• 
  Oroimenaren lorategitik
• 
  Oroimenaren lorategitik
• 
  Sabaia
• 
  Nabe nagusia
• 
  Beiratea barnetik
• 
  Tabernakulua
• 
  Bataiarria
• 
  Erretaula (Javier Alkain)
• 
  Organoa
• 
  Ikuspegia korutik
• Ama Birjina Haurrarekin (José Ramón Anda)
  Ama Birjina Haurrarekin (José Ramón Anda)
• 
  Sarrera eta patioa

Kanpo estekak

Euskarazko Wikipedian bada atari bat, gai hau duena: Donostia

• Donostiako Moneo Eliza inauguratu dute. Bideoa "EITB.com" gunean (2011-05-15)
• Argiaren pausaleku. Artikulua Berrian (2011-05-15)
• Elizaren argazki bizidunak Youtuben

• Datuak: Q9006868
• Multimedia: Church of Iesu, San Sebastián / Q9006868