Milafranga

Milafranga
Lapurdi
Milafrangako eliza.
Izen ofiziala	Villefranque
Estatua Eskualdea Departamendua Barrutia Kantonamendua	Frantzia Akitania Pirinio Atlantikoak (64) Baiona Hiriburu
Alkatea	Robert Dufourcq (2008-2014)
Herritarra	milafrangar
Koordenatuak	43°26′N 1°27′W
Eremua	17,17 km2
Garaiera	0-31 m
Distantzia	8 km Baionara
Posta kodea	64990
INSEE kodea	64558
Biztanleria	2.129 bizt.
Dentsitatea	124 bizt./km²
http://www.villefranque.fr

Milafranga Lapurdiko udalerria da, 1742 biztanle zituen 1999. urtean eta Hiriburuko Kantonamenduan dago kokatua.

Toponimia

Milafranga hitza, gaskoierazko bièla francatik (herri frankoa) dator. Bere izen originala Bazter zen (1200. urtean Baster moduan adierazia).

Geografia

Errobi ibaiak udalerria gurutzatzen du

Udalerri mugakideak

• Baiona iparraldean
• Basusarri mendebaldean
• Uztaritze eta Jatsu hegoaldean
• Hiriburu eta Mugerre ekialdean

Etxeak eta Auzoak

• Oihana
• Mendigain
• Hirurzedarri
• Berrogain
• Hegiberri
• Eliza
• Hirigarai
• Alzuia
• Behereharta

Historia

Antzinean Saint-Martin de Basters izeneko parrokia, elizaren lurrak izan ziren XI. menderarte, Baionako apezpikuak elizbarrutiko lurralde franko egin zuen arte (hortik izena). Kondairaren arabera 1343ko abuztuaren 24an (herriko jaietan), Baionako alkateak, bost noble lapurtar atxilotzeko agindua eman zuen eta Errobi ibaiaren gaineko zubi batean (Miotz gazteluaren ondoan zegoena) lotzeko agindua eman ere, marearen igoerarekin batera ito egin zirelarik.

Hiribururekin batua izan zen Frantziako iraultzan eta udalerri berriak Tricolore izena hartu zuen 1794 eta 1795 urteen artean. Wellington jeneralaren eta Soult mariskalaren arteko bataila napoleonikoen eszenatoki ere izan zen (Errobiko eta Hiriburuko batailetan hain zuzen ere).

Behereharta auzunea izan zen herriko gune ekonomiko garrantzitsuenetarikoa, ibai-portu eta zapatagintza zonalde garrantzitsuekin.

Biztanleriaren bilakaera

Biztanleriaren bilakaera 1793 1800 1806 1821 1831 1836 1841 1846 1851 1.284 1.208 1.252 1.244 1.292 1.443 1.438 1.429 1.408 1856 1861 1866 1872 1876 1881 1886 1891 1896 1.404 1.477 1.505 1.373 1.336 1.335 1.395 1.392 1.378 1901 1906 1911 1921 1926 1931 1936 1946 1954 1.363 1.331 1.202 1.181 1.066 1.021 988 856 944 1962 1968 1975 1982 1990 1999 2004 - - 1.020 1.029 1.123 1.375 1.570 1.742 2.039 - -

2004ko biztanleria INSEEk eginiko behin-behineko zenbaketa da

Eraikin nagusiak

Eraikin zibilak

• 

  Frontoia

• 

  Ezker-hormadun frontoia

• 

  Herriko etxea

• 

  Eliza

Eraikin erlijiotsuak

San Bartolome eliza XVII. mendekoa da, eta ezaugarri garrantzitsu gisa erretaula edota 1632ko data duten galeriak aipa daitezke.

Elizaren ondoan dagoen kanposantuan honako hilarriak topa daitezke:

• 
• 
• 

Herritar ezagunak

• Jean Saint-Pierre (1884-1951), euskal idazlea (bere hilobia elizaren atariaren azpian dago)

Kanpo loturak

• Milafrangako herriko etxea edo udalaren webgunea