Lehuntze
|
Lehuntze |
||
|---|---|---|
 Lapurdi |
||
 |
||
|
||
| Izen ofiziala | Lahonce | |
| Estatua Eskualdea Departamendua Barrutia Kantonamendua |
Frantzia Akitania Pirinio Atlantikoak (64) Baiona Hiriburu |
|
| Alkatea | Pettan Gillemotonia (2008-2014)[1] | |
| Herritarra | Lehunztar | |
| Koordenatuak | 43°29′00″N 1°23′24″W / 43.483333°N 1.39°WKoordenatuak: 43°29′00″N 1°23′24″W / 43.483333°N 1.39°W | |
|
|
||
| Eremua | 9,47 km2 | |
| Garaiera | 0 - 96 m | |
| Distantzia | 10 km Baionara | |
| Posta kodea | 64990 |
|
| INSEE kodea | 64304 |
|
| Biztanleria | 2.029 bizt | |
| Dentsitatea | 214,26 bizt/km² | |
| http://www.ville-lahonce.fr/ | ||
Lehuntze Lapurdiko udalerria da eta Lapurdi Beherean dago kokaturik.
Eduki-taula |
[aldatu] Geografia
[aldatu] Ingurune naturala
Aturri ibaiak udalerria iparraldetik mugatzen du. Aturrik berak uharte bat sortzen du udalerri honetan, gaur egun Lehuntzeko uhartea deitzen dena; uhartea sortzen duen Aturriren adarrak l'Aiguèta[2] du izen. Kondistegi errekak, Ardanabia ibaiaren ibaiadar batek, udalerriaren hegoaldea zeharkatzen du[3].
Udalerrian altuerak oso apalak dira: Aturriren ibarra itsasoaren mailan dago eta punturik altuena 97 metroko muinotxo bat da, Mugerrerekiko mugatik hurbil. Herri-barnea 70 bat metrotan dago.
[aldatu] Errepideak
Udalerria departamendu mailako errepide hauek zeharkatzen dute:
- D 312: Aturriren ertzetik Lehuntzeko mendebaldeko bazterretara lehen eta hegoaldeko muga, Kondistegi errekaren parean gero pasatzen ditu Beskoitzerako bidean.
- D 261: Aturriren bidea segitzen du. Mugerreko Portua auzotik Ahurtirako bidean, beraz, iparraldeko auzoak zeharkatzen ditu.
- D 257: Hiru Elizateak (Milafranga, Mugerre, Hiriburu) mugarritik iparralderantz jota, D 312 gurutzatu, herri-barnera heldu eta hor ekialderantz abiatzen da, Urketarantz.
- D 161: herri-barnetik iparralderantz D 261ekin lotura egiteko, elizatik pasatuta.
[aldatu] Garraiobideak
Gaur egun desagertu diren bi garraio-motak azpimarra daitezke:
- Aturrin ontzi mota desberdin batzuen (batez ere galuparen) bidezkoa. Orain Port de l'Aiguèta izeneko portutxo bat geratzen da, aisialdiarekin eta eskala txikiko arrantzarekin lotuta.
- Tolosa-Baiona trenbideak eman zion kolpe handia ibaiaren bidezko garraioari. Herriak geltokia izan zuen baina hori ere desagertu zen, autoen erabileraren garapenarekin.
- Gaur egun, beraz, garraiobide publiko bakarra autobusa da.
[aldatu] Udalerri mugakideak
Aturriren hegoaldeko auzokide lapurtarrak:
Aturriz bestaldera, mendebaldetik ekialdera:
- Baiona.
- Tarnose eta Sent Martin de Senhans udalerri okzitaniarrak; Senhans eskualdekoak, administratiboki Landetan daude.
[aldatu] Etxetalde eta auzoak
- Eliza
- Tarre Behere
- Tarre Garai
[aldatu] Historia
Udalerri honetan Nabasia izeneko aztarnategia (musteriar eta aurignaciar garaikoa) dago.
Lehuntzeren historiaren leku nagusia 1227an sortutako Prémontrés kongregazio katolikoaren abadetxea da, gaur egun parrokia-eliza dena[4][5].
[aldatu] Demografia
|
|||||||||||||||||||||||||||||||||||||||||||||||||||||||||||||||||||||||||||||||||
2005eko biztanleria INSEEk emandako behin-behineko datua da
XX. mendean biztanleria emendatuz joan da, Baionaren inguruko udalerri guztietan bezala eta bilakaera horrek aurrera segitzen du.
[aldatu] Alkateak
| Alkatea | Agintaldia | Alderdia |
|---|---|---|
| Jean-Baptiste Landart | 1995-2001 | |
| François Bioy | 2001-2008 | |
| Pettan Gillemotonia | 2008-2014 |
2008an alkatetza eskuratu zuen Gillemotonia Réussir Lahonce-Lehuntze hobetu izaneko zerrendaren burua izan zen; ordura arteko François Bioy auzapezarenari irabazi zion[6].
[aldatu] Herri-elkargoak
Lehuntze zenbait herri-elkargoren kidea da, haien artean:
[aldatu] Ondasun nabarmenak
-
Eliza eta herrigunea
-
Eliza eta pilotalekua
-
Herriko Etxea
[aldatu] Hezkuntza
Herrian Ama Eskola eta Lehen Hezkuntzako eskola publikoa dago; 2009-2010 ikasturtean 195 ikasle zituen eta adar elebiduna ere badu[7].
[aldatu] Elkarteak
Lehuntzen elkarte ugari dago[8]; denak Entente lahonçais delakoan biltzen dira. Haietako batzuk:
- Eskulari (esku pilota) eta Lehunztarrak (pala).
- "Atxik eta segi"[9] eta ACPG-CATCM zaharren elkarteak.
- Football Club Lahonce-Urcuit-Briscous futbol taldea. Zelaia Lehuntzen dago.
- Hik hasi: euskara eskolak eta kantua.
- Lehuntze kantari.
- Ttirrittak: dantzak (mutxikoak...).
Igandero antolatzen den merkatua ere azpimarratzekoa da[10].
[aldatu] Lehunztar ezagunak
- Jean Pierre Darrigol (1790 - 1829) idazlea.
[aldatu] Kartografia
- IGNko 1344 OT (Bayonne Anglet Biarritz) 1:25.000 eskalako mapa.
[aldatu] Erreferentziak
- ↑ Frantsesez Pierre Guillemotonia. Euskarazko izena hemen irakurgai.
- ↑ Okzitanierazko toponimoa da, "ur txikia" esan nahi duena. Frantsesez ofizialki l'Aiguette.
- ↑ Lehuntze Sandreren webgunean.
- ↑ Paul Raymond, Dictionnaire topographique Béarn-Pays Basque.
- ↑ Abadetxea Kultura Ministerioaren webgunean.
- ↑ Albistea Euskal Herriko Kazetan.
- ↑ Hezkuntza Herriko Etxearen webgunean.
- ↑ Elkarteak Herriko Etxearen webgunean.
- ↑ Frantsestutako grafian Atchik.
- ↑ Iganderoko merkatua Herriko Etxeko webgunean.
[aldatu] Ikus, gainera
[aldatu] Kanpo loturak
- (Frantsesez) Lehuntzeko Herriko Etxe edo udalaren webgunea.
- (Frantsesez) Lehuntzera bisitaldia Fred Fort idazlearen eskutik Euskal Herriko Kazetan.
|
|||||||
