Washington (estatua)
|
Washington |
|||
|---|---|---|---|
 Ameriketako Estatu Batuetako estatua |
|||
|
|||
| Ezizena: The Evergreen State (Beti Berde Estatua) | |||
| Goiburua: Alki | |||
| Hiriburua | Olympia | ||
| Hiri handiena | Seattle | ||
| Eremua | 184.827 km² | ||
| Biztanleria | 6.549.224 (2008) | ||
| Dentsitatea | 34,2 bizt / km² | ||
 |
|||
| Gobernadorea | Christine Gregoire (D) | ||
| Senatariak | Patty Murray (D) Maria Cantwell (D) |
||
| Laburdura ISO 3166-2 |
Wash. US-WA |
||
| www.access.wa.gov | |||
Washington Ameriketako Estatu Batuetako estatu bat da, Estatu Batuetako iparmendebaldean dago, Kanadarekin mugan. Estatuko hiriburua Olympia da eta hiririk handiena Seattle. Guztira, 6 milioi biztanle inguru ditu.
Eduki-taula |
Orografia [aldatu]
Washingtongo orografia bi partetan bereizten du Cascade Range mendikateak, ekialdea eta mendebala. Mendebalean Olympic mendiak, Kostaldeko mendikatea eta Puget Sound ordokia daude. Cascade Range mendialdearen ekialdean ordoki eskualdea zabaltzen da: Columbiako ordokia (munduko labazko zelairik handienetakoa), arroila sakonak eratzen dituzten bi ibaik zeharkatua. Gailur garaienak, sumendi itzaliak, Cascade Range mendikatean daude: Rainier, 4.391 m; Adams, 3.751 m. Orografia aldetik oso lurralde ikusgarria da eta parke nazional ugari ditu: Olympic, Rainier mendia, Grand Couleeko inguruak. Columbiako ibarra lehorra da oso, baina estatuaren ekialdeko klima epelagoa eta hezea da.
Ekonomia [aldatu]
Nekazaritza oso oparoa da: garia, garagarra, fruitu arbolak, patata eta azukre kanabera dira gehien lantzen diren gaiak eta abere hazkuntzak (behi azienda) ere garrantzi handia du. Basogintza (lur ekoizpenari dagokionez 3. estatua da), meategia (ikatz, magnesio, beruna, zinka eta uranio hobi handiak) eta industria (hegazkingintza, zurgintza, papergintza, janari industria, kimika industria, metalurgia, nekazaritzarako makineria, tresneria elektrikoa eta mekanikoa) halaber, lehen mailako ekonomia jarduerak dira. Ibaietan indar-etxe asko ditu.
Historia [aldatu]
1774-1775 urteetan iritsi zen lehen europarra, Juan Pérez espainiarra. Oregongo parte zen 1853. urtean lurralde autonomo egin zen arte. 1889. urtean Estatu Batuetako 42. estatu bihurtu zen.
|
||||||||||||||||
 |
Artikulu hau Ameriketako Estatu Batuetako geografiari buruzko zirriborroa da. Wikipedia lagun dezakezu edukia osatuz. |
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
