Nebraska
|
Nebraska |
|||
|---|---|---|---|
 Ameriketako Estatu Batuetako estatua |
|||
|
|||
| Ezizena: Cornhusker State (Cornhusker Estatua) | |||
| Goiburua: Equality before the law | |||
| Hiriburua | Lincoln | ||
| Hiri handiena | Omaha | ||
| Eremua | 200.520 km² | ||
| Biztanleria | 1.783.432 (2008) | ||
| Dentsitatea | 8,91 bizt / km² | ||
 |
|||
| Gobernadorea | Dave Heineman (R) | ||
| Senatariak | Ben Nelson (D) Mike Johanns (R) |
||
| Laburdura ISO 3166-2 |
Nebr. US-NE |
||
| www.nebraska.gov | |||
Nebraska Ameriketako Estatu Batuetako estatu bat da, Estatu Batuetako erdian kokaturik dago. Bere hiriburua Lincoln da eta hiri garrantzitsuena Omaha. 2 milioi biztanle inguru ditu.
Eduki-taula |
Geografia [aldatu]
Biztanleriaren bi herenak hiri ingurunean bizi dira. Gorabehera handirik gabeko ordokia da. Klima kontinental lehorra du; estepako landaredia da nagusi, oihan lurraldea (pinua eta haritza) mendebalera hedatzen delarik. Ibai sarea Missouri ibaiaren arroari dagokio eta ibai nagusia Platte da; ibai horren arroak lurraldearen hegoaldeko erdia hartzen du.
Mugak [aldatu]
Iparraldean Hegoaldeko Dakota; ekialdean Iowa eta Missouri; hegoaldean Kansas; hego-mendebalean Colorado eta mendebalean Wyoming.
Historia [aldatu]
K. a. 8000. urteko biztanleen aztarnak aurkitu dira Nebraskan. Europarrak agertu ziren garaian zenbait tribu estatuko sortaldean eta erdialdean modu erdi egonkorrean kokaturik zeuden han: ponka, omaha, ute eta pawnee. Nebraskako sartaldea beste leinu batzuen ehiza eremua zen: siux (oglala, brule); arapahoe, komantxe eta txeiene. XVI-XVIII. mendeetan espainiarrek eta frantsesek esploratu zuten. Estatu Batuek 1803an frantsesei erosi zieten Louisianarekin batera. 1867an Nebraska estatu federatu bilakatu zen. 1880 inguruan indiarren azken erresistentziagunea hautsi zuten.
Ekonomia [aldatu]
Nekazaritza ekonomia jarduera garrantzitsua da (biztanleriaren %26). Abeltzaintzak (behi azienda gehienbat) nekazaritza sarreren ia hiru laurden ematen ditu. Laborantza lurren eremua handitu da ureztatze sistemari esker. Nekazaritzako gai nagusiak: artoa, garia, zekalea, oloa, basartoa, etab.
- Industria: elikadura, makineria, kimika ekoizpenak, plastikoak, zur industria, etab.
- Mea baliabide nagusiak: petrolioa eta gas naturala.
Biografiak [aldatu]
- Harold Lloyd (1893-1971), aktorea.
- Gerald R. Ford (1913-), AEBetako presidentea (1974-1977).
- Marlon Brando (1924-2004), aktorea.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
Kanpo loturak [aldatu]
|
||||||||||||||||
 |
Artikulu hau Ameriketako Estatu Batuetako geografiari buruzko zirriborroa da. Wikipedia lagun dezakezu edukia osatuz. |
