Reggio di Calabria

Wikipedia(e)tik
Reggio Calabria» orritik birbideratua)
Hona jo: nabigazioa, Bilatu

Reggio di Calabria

Reggio di Calabria
bandera

armarria

Izen ofiziala Città di Reggio di Calabria
Estatua ItaliaItalia
Probintzia Reggio di Calabriako probintzia
Eskualdea Calabria
Alkatea Deuseztatua
Koordenatuak

38°06′N 15°39′E / 38.100°N 15.650°E / 38.100; 15.650Koordenatuak: 38°06′N 15°39′E / 38.100°N 15.650°E / 38.100; 15.650

Reggio di Calabria non dagoen adierazten duen Italia-ko/-go/-eko mapa
Reggio di Calabria
Eremua 236 km²
Posta kodea 89100
Biztanleria 186.547 bizt. (2009)
Dentsitatea 790,45 bizt./km²
Sorrera K. a. 720
Telefono aurrizkia 0965
http://www.reggiocal.it

Reggio di Calabria[1] Italia hegoaldeko hiria eta portua da, izen bereko probintziako hiriburua, Calabriako eskualdean, Messinako itsasartearen ertzean, Messina hiriaren (Sizilia) parean.

Historia[aldatu | aldatu iturburu kodea]

Eubeako kalkistarren kolonia izan zen K.a. VIII. mendean. Anaxilaoren garaian (K.a. V. m.) diktadurapean bizi ondoren Atenasekin aliatutako demokrazian bizi izan zen K.a. 433tik aurrera. Sirakusaren mendean egon zen K.a. 387an baina independentzia berreskuratu zuen K.a. 351n. Erromako aliatua izan zen eta udalerri bihurtu zen K.a. 89an.

Bizantziarren mende egon zen VI. mendean, lonbardiarren esku X. mendean, arabiarra X-XI. mendeetan eta normandiarren mendean geratu zen 1060. urteaz geroztik. Siziliarekin zituen merkataritza harreman nagusiak eta Gonzalo de Córdobak konkistatu zuen gero Fernando Katolikoaren koroarentzat. Turkiarrek eta berberiarrek suntsitu zuten hiria XVI. mendean; 1873ko lurrikarak hiriaren erabateko gainbehera ekarri zuen.

Klima[aldatu | aldatu iturburu kodea]

Datu klimatikoak (Reggio di Calabria)
Hila Urt Ots Mar Api Mai Eka Uzt Abu Ira Urr Aza Abe Urtekoa
Batez besteko tenperatura maximoa (°C) 14 14 16 18 22 26 30 30 27 23 18 15 21
Batez besteko tenperatura minimoa (°C) 8 8 9 11 15 19 23 23 20 17 12 9 15
Iturria: Weatherbase[2]

Politika[aldatu | aldatu iturburu kodea]

2012ko urriaren 9an, Mario Montiren gobernupean, Italiako Barne ministro zen Anna Maria Cancellierik hiriko udal gobernua deuseztatu zuen, udal gobernuak Ndrangheta izeneko erakunde mafiosoarekin zeukan harremanengatik. Garaiko alkatea Demetrio Arena zen, Il Popolo della Libertà (PdL) alderdikoa. Hala, Italian gobernu bat deuseztatzearen erabakia hartu zen lehen aldia izan zen.[3][4]

Ekonomia[aldatu | aldatu iturburu kodea]

Metropoliko ehun industriala garapen askorik gabe mantentzen da 1908ko lurrikararen ondorioz. Aurretik industria, zeta eta bergamota ziren gai ekonomiko nagusiak.

Azken hamarkadetan hainbat industria ekimen garatzen hasi ziren, Colombo pakete izeneko programa publikoaren bitartez batik bat, baina ez zuten arrakastarik lortu, hala nola Saline Joniche guneko polo kimikoa, inoiz martxan jarri ez zena, edo San Gregorio ehungintza gunea, krisialdian dagoena. Gune metropolitarreko beste azpiegitura batzuk erabilera aldaketak jasan dituzte, hala nola Gioia Tauroko portua.

Azken urteotan ekonomia jarduera moldatzen saiatu dira, turismora bideratuz, bai kokapenaz zein antzinaroko arrasto eta natur inguruez baliatuta. Bestalde, nekazaritza arloan produktu nagusia bergamota da, mundu osoko perfumeen ekoizpenean oso erabilia.

Garraiobideak[aldatu | aldatu iturburu kodea]

Hiriak burdinbide gune handia du, bertan Italiako bi trenbide nagusi lotzen direlarik: Tirrenica Meridionale burdinbideak hiria Salerno, Napoli eta Erromarekin lotzen du, eta Jonica burdinbideak, aldiz, Taranto eta Barirekin.

Hirian Aeroporto dello Stretto izeneko aireportua dago, Tito Minniti izenez ezaguna.

Italiar penintsula eta Sizilia lotuz Metromare dello Stretto itsasontzi zerbitzua ibiltzen da.

Hiriarteko eta hiri barruko autobusak ere badaude.

Ondarea[aldatu | aldatu iturburu kodea]

Aipagarriak dira molde erromaniko-bizantziarrean berritutako katedrala, hondakin erromaniko eta grekoak eta Museo Nazionale della Magna Grecia museoa, arkeologia aztarnen bilduma garrantzitsua gordetzen duena.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Reggio di Calabria Aldatu lotura Wikidatan


Geografia
Italia
Artikulu hau Italiako geografiari buruzko zirriborroa da. Wikipedia lagun dezakezu edukia osatuz.