Landuko diren konpetentziak[aldatu iturburu kodea]

Oinarrizko zehar-konpetentziak eta hainbat diziplinatako oinarrizko konpetentzia asko lan daitezke ariketa honekin, bereziki arterako konpetentziari lotutakoak. Ikasleen ikasketa kooperatiboa sustatuz gero, ondorengo oinarrizko zehar-konpetentziak lantzeko aukera:

hitzez, hitzik gabe eta modu digitalean komunikatzeko konpetentzia,
ikasten eta pentsatzen ikasteko konpetentzia,
elkarbizitzarako konpetentzia,
ekimenerako eta ekiteko espiriturako konpetentzia,
izaten ikasteko konpetentzia.

Baita diziplina baitako konpetentzia batzuk ere, hauek batez ere:

gizarterako eta herritartasunerako konpetentzia, (batez ere ikasleak talde txikietan antolatuta lan eginez gero),

arterako konpetentzia,
teknologiarako konpetentzia,

Eta irudiekin hornitzeko hautatzen diren artikuluetan erabiltzen diren hainbat jakintza arlori loturiko edozein diziplina baitako konpetentzia.

Lanean hasi baino lehen[aldatu iturburu kodea]

Lantzeko laguntza eskatu
Lehen hezkuntza
	Gure herriari buruzko artikulua irakurri; Herriko zerbitzuak ezagutu; Toponimia landu; Txikipedian idatzi; Ingelesa ikasi artelan bat deskribatuz; Ingelesa ikasi argazki bat deskribatuz; Argazki ibilbidea; Wikimedia Commons ezagutu; Herbario digitala; BioBlitz bat antolatu; UrmaelBlitz; Gure inguruaren mapa osatu, galdera bidez; +
Bigarren hezkuntza
	Idatzi artikulu bat.; Idatzi abesti bati buruzko artikulua.; Ikuspegi kritikoa: eztabaidatu artikulu bat.; Moldatu testu bat Txikipediarako.; Grabatu audio bat Txikipediarako.; Grabatu bideo bat Txikipediarako.; Txikipedia tailerra. Esperientzia praktiko bat Zumaian.; Emakumeak Wikipediara.; Itzulpengintza.; Ondarea ezagutu eta katalogatu.; Ahozkotasuna landu.; Trivial - Gehitu galdera bat!; OpenStreetMap, mapeatu herria.; Euskaratu diagrama bat.; Testu iruzkinak.; Lorategi botanikoa.; BioBlitz bat antolatu.; UrmaelBlitz.; Klima aldaketari buruz idatzi.; Benetako datu-base batean lanean.; Gehitu irudiak > Giza Eskubideen Aldarrikapen Unibertsala.; Tamainak axola du.; QRpedia.; Euskal Herriko ingurumen-gida.; Gaixotasun arraroak Wikipedia bidez ikasgelan landuz; Zientzia esperimentuak Txikipedian; Herriko ekosistemak Txikipedian; Genero oreka lantzen zientzia alorrean; Bertsolaritza Txikipedian: proposamen didaktikoa; Atari:Hezkuntza/Bigarren Hezkuntza/Gure ekosistemetako flora. Txikipediarako sarreren sorrera edo hobekuntza; +
Unibertsitatea
	Erreferentziak gehitu; Infografiak egin; Gako dikotomiko bat egin; Wikidata ikertzen; +
Tresna interesgarriak
	Sarean elkarlanean aritzeko tresna libreak; Zer falta da nire eremuan?; Arte bilatzaileak; Histropedia: denbora lerroak erraz; +

Zer dakizu Giza Eskubideen Aldarrikapen Unibertsala dokumentuari buruz?
Zergatik ospatzen da urtero abenduaren 10ean Giza Eskubide Unibertsalen eguna?
Badago zer ospatu? Nola proposatuko zenuke ospatzea?

Irakurri Txikipedian [[1]] artikulua.
Irakurri euskarazko Wikipedian Giza Eskubideen Aldarrikapen Unibertsala artikulua. Konparatu beste hizkuntza pare bateko artikulu paraleloekin.
Irakurri Giza Eskubideen Aldarrikapen Unibertsala, euskaraz, Nazio Batuen webgune ofizialean.
Irakurri Giza Eskubideen Aldarrikapen Unibertsalaren bilakaerari buruzko erreportajea, Argia aldizkarian.

Proiektuaren garapena[aldatu iturburu kodea]

Ikasleak talde elkarreragileetan antolatuko ditugu. Talde txikiak, bizpahiru ikasle talde bakoitzeko. Talde bakoitzari Giza Eskubideen Aldarrikapen Unibertsaleko artikulu pare bat-edo egokituko zaio. Haien lana izango da:

Egokitutako artikulua errazago idaztea, artikuluak zentzua galdu gabe, esanahia aldatu gabe. Umeek ulertzeko moduko idazkera bilatu beharko dute, zentzua aldatu gabe.
Artikuluari lotzeko moduko irudia ekoiztea eta Wikimedia Commonsera behar bezala kargatzea.

Azken ekoizpena[aldatu iturburu kodea]

Wikipediak irudiak behar ditu, marrazkiak, binetak, komikiak eta abar. Horiek Wikimedia Commonsera kargatzen dira eta hortik zuzenean Wikipediako artikuluetan txertatzen dira.

Ikasle hori: eskatzen zaizu Wikipedia edo Txikipediara kargatzeko moduko irudi bat ekoiztea, gero Wikimedia Commonsera kargatzeko. Txikipedia eta Wikipediako artikuluak apaintzeko. Irudi batek mila hitz beste balio omen du.
Ikasle talde bakoitzari, eskatuko zaio irudi bat ekoiztea artikulu bakoitzari lotzeko moduko marrazki bat, komiki bat, bineta bat. Besterik ezean, artikulu jakin batekin lotzeko moduko argazki bat ere balio dezake.
Ekoiztutako irudiari buruzko testu labur bat idaztea, irudiaren azalpen gisa, Wikimedia Commonsen ohiko egiturari jarraiki.

Eta ahozkotasuna lantzen badugu?[aldatu iturburu kodea]

Giza Eskubideen Aldarrikapen Unibertsalaren audiorik ez dugu euskaraz. Agian une egokia da guztion artean grabatzeko, ezta? Ahozkotasuna lantzeko ideiak eta tutoriala hemen dituzue.