Dabid II.a Eskoziakoa

Dabid II.a Eskoziakoa
Irudi gehiago
Eskoziako erregea 1329ko ekainaren 7a - 1371ko otsailaren 22a ← Roberto I.a Eskoziakoa - Roberto II.a Estuardo →
Bizitza
Jaiotza	Dunfermlineko jauregia, 1324ko martxoaren 5a (egutegi gregorianoa)
Herrialdea	Eskoziako Erresuma
Heriotza	Edinburgheko gaztelua, 1371ko otsailaren 22a (egutegi gregorianoa) (46 urte)
Hobiratze lekua	Holyrood abadia
Familia
Aita	Roberto I.a Eskoziakoa
Ama	Elizabeth de Burgh
Ezkontidea(k)	Margaret Drummond, Queen of Scotland (en) Joan of The Tower (mul)  (1328ko uztailaren 17a (egutegi gregorianoa) -
Bikotekidea(k)	ikusi Agnes Dunbar (en)
Haurrideak	ikusi Marjorie Bruce (en) Margaret Bruce (en)
Leinua	Bruce etxea
Jarduerak
Jarduerak	monarka
Zerbitzu militarra
Parte hartutako gatazkak	Eskoziako Independentzia Gerrak
Sinesmenak eta ideologia
Erlijioa	kristautasuna

Dabid II.a Eskoziakoa edo Dabid the Bruce (Eskoziako gaeleraz: Dàibhidh Bruis), (Dunfermlineko jauregia, Eskozia, 1325eko ekainaren 7a - Edinburgheko gaztelua, Eskozia, 1371ko otsailaren 22a) Eskoziako Erresumako errege bat izan zen.

Biografia

Roberto the Bruceren seme zaharrena izan zen. Hiru urte zituela ama hil zitzaion, lau urte zituela Eduardo II.a Ingalaterrakoaren Joana alabarekin ezkondu zuten eta bost urterekin Roberto aita hil zenean errege bihurtu zen. Dabid eta bere emazte Joana 1331eko azaroaren 24an koroatu zuten Sconen.

Dabid adin txikikoa zenez Thomas Randolph, Morayko 1. Earla izan zen Eskoziako zaindari, baina 1332an hau hil zen eta hurrengo hautaturikoak borrokan hilak edo preso hartuak izan ziren. 1333an Halidon Hilleko borrokan eskoziarrak galtzaile atera ziren eta Dabid eta bere emaztea Frantziara erbesteratuak izan ziren. 1295ko Auld Alliance itunari esker Filipe VI.a Frantziakoak bere lurraldean hartu zituen. Bitartean Eskozian Dabid II.aren aldekoek agintea berreskuratu zuten eta 1341eko ekainaren 2an Eskoziara itzuli zen.

Frantzia Ingalaterrarekin gerran zegoen eta aliantzari loturik Dabidek 1346an Ingalaterra inbaditu zuen iparraldetik. Hasieran kanpaina arrakastatsua izan zen baina 1346ko urriaren 17an Neville's Cross-eko borrokan ingelesek Dabid II.a zauritu eta preso sartu zuten Londresko dorrea. Ez zen preso ofiziala ordea eta Odiham gaztelura aldatu zuten familia guztia. Baina hamaika urtez Ingalaterran bizi behar izan zuen. 1357ko urriaren 3an Eskoziako nobleek 10 urtetan 100.000 marko ordaintzeko promesa egin eta aske gelditu zen Dabid. 1357ko azaroaren 6an berretsi zuten errege Sconen. Hainbat urte pasa ondoren ezinezkoa izan zen guztia ordaintzea eta Eduardo III.ak Eskozia eskatu zuen ordainetan. Eskoziako parlamentuak ez zuen onartu eta Lionel, Clarenceko Dukea proposatu zuten erregetarako. azkenean ez zen erabakirik hartu.

Ordutik aurrera Eskoziako nobleekin istilu ugari izan zituen eta Dabidek zorrotz jokatu zuen haiekin, Ingalaterrarekiko bakea zuela helburu.

1364ko otsailaren 20an Margarita Drummondekoarekin ezkondu zen baina haurrik ez zutela eta, 1370an dibortziatu egin zen. Margaritak Aita Santuaren babesa bilatu zuen Avignonen dibortzioa bertan behera uzteko baina erantzuna iritsi aurretik 1371ean Dabid II.a hil egin zen bat-batean ondorengorik utzi gabe. Bruce etxeko azken gizona izanik urruneko ahaidea zen Estuardo etxeko Roberto II.a bihurtu zen errege berri.

Wikimedia Commonsen badira fitxategi gehiago, gai hau dutenak: Dabid II.a Eskoziakoa

• Datuak: Q239486
• Multimedia: David II of Scotland / Q239486