Kalifornia
Kalifornia | ||
---|---|---|
State of California | ||
Ereserkia: I Love You, California (en) | ||
Goiburua: Eureka | ||
| ||
California in United States.svg | ||
Geografia | ||
Hiriburua | Sacramento 38°34′31″N 121°29′10″W | |
Hiririk handiena | Los Angeles | |
Azalera | 410.000 Ura %4,84 | |
Punturik altuena | Whitney mendia | |
Punturik sakonena | Badwater Arroa | |
Kontinentea | Ipar Amerika | |
Mugakideak | Oregon, Arizona, Nevada eta Kalifornia Beherea | |
Administrazioa | ||
Gobernadorea | Jerry Brown (D) | |
Kaliforniako Gobernadorea | Gavin Newsom | |
Legebiltzarra | California State Legislature (en) | |
Epai autoritatea | Supreme Court of California (en) | |
Demografia | ||
Biztanleria | 39.538.223 (2020) 288.206 (2016) | |
Dentsitatea | 93,26 bizt/km² | |
Hizkuntza ofizialak | ikusi
| |
Erabilitako hizkuntzak | ikusi
| |
Ezkontzeko adina | genero guztiak: 18 genero guztiak: 21 | |
Derrigorrezko eskolaratzea | -18 | |
Ekonomia | ||
BPG nominala | 3.091.871.500.000 $ (2020) 3.132.800.600.000 $ (2019) Adierazpen errorea: Ustekabeko < eragileaAdierazpen errorea: Hitz ezezaguna "br" (2019) | |
Historia | ||
Sorrera data: 1850eko irailaren 9a | ||
Bestelako informazioa | ||
Ordu eremua | ikusi
| |
ca.gov |
- Artikulu hau Ameriketako Estatu Batuetako estatuari buruzkoa da; beste esanahietarako, ikus «Kalifornia (argipena)».
Kalifornia[1] (ingelesez: California, ˌkæləˈfɔrnjə ahoskatua) Ameriketako Estatu Batuetako estatu bat da, Estatu Batuetako mendebaldean dagoena. Hiriburua Sacramento du baina hiri garrantzitsuena Los Angeles da.
Guztira 36 milioi biztanle inguru ditu: Ameriketako Estatu Batuetako biztanle gehien dituen estatua da.
Hiri nagusiak
Honakoak dira Kaliforniako hiri nagusienak:
- Los Angeles: 3.976.071 biztanle.
- San Diego: 1.305.736 biztanle.
- San Jose: 945.000 biztanle.
- San Francisco: 799.263 biztanle.
- Long Beach: 491.564 biztanle.
- Fresno: 464.727 biztanle.
- Sacramento: 412.318 biztanle.
- Oakland: 452.959 biztanle.
Orografia eta klima
Hiru lurralde handi bereizten dira Kalifornian: Erdialdeko Harana, jalkinez eta alubioiez betetako sakonunea; ekialdean Sierra Nevadako mendiak (Whitney, 4.418 m); mendebalean Itsasertzeko mendikatea, 1.600-2.000 metroko mendi paraleloekin. San Andresko failak gurutzatzen du lurraldea ipar-ekialdetik hego-ekialdera; horren ondorioz, lurrikara handiak izateko arrisku biziena duen lurraldea da Kalifornia; nolanahi ere, ez dirudi arrisku horrek oraingoz hirien eta ekonomiaren hazkundea mugatu duenik. Klima mediterraneokoa da, gozoa eta epela.
Ekonomia
Klimaren gozoa du, ibarreko lurrak emankorrak dira eta ur hornidura sistema modernoa garatu dute: horri guztiari esker, Kalifornia munduko fruitu ekoizle nagusietako bat da. Mahastiek, kotoiak eta lekariek ere garrantzi handia dute. Urre ekoizpenak behera egin du, hobiak ahitu baitira, baina petrolioaren eta gas naturalaren aurkikuntzak industriaren garapena bideratu dute, baita hiri handien inguruetako lantegiak (elektronika, kimika eta hegazkin industria) ere. Kaliforniako zinema industria munduko handiena eta sendoena da (Hollywood). Industriaren garapenaren ondorioz, zientzia eta teknika ikerketagune ugari sortu dira, bai kapital pribatukoak, bai publikokoak.
Historia
Mexikok Guadalupe Higaldo itunaren bidez (1848) Kalifornia Garaia Estatu Batuei eman zien. 1850etik aurrera Estatu Batuetako parte bihurtu zen, estatu moduan. Itun hori izenpetu baino astebete lehenago urrea aurkitu zen, eta abenturazale asko erakarri zuen aurkikuntza hark. Kalifornia munduko bigarren urrearen ekoizle izan, 100 tona urteko ematen baitzuen. Burdinbideak bigarren emigrante oldea ekarri zuen, txinatarrak eta japoniarrak batez ere. Urre meatzeak agortu zirenean, Lehen Mundu Gerraren bukaera aldean, hasi zen nekazaritza eta industria iraultza.
Pertsonaia ezagunak
- Jack London (1876-1916), idazlea.
- Frances Marion (1888-1973), zinemaren gidoigilea.
- John Steinbeck (1902-1968), idazlea.
- Richard M. Nixon (1913-1994), AEBetako presidentea (1969-1974).
- Marilyn Monroe (1926-1962), aktorea.
- Gene Hackman (1930-), aktorea.
- Robert Redford (1936-), aktorea.
- Cherrie Moraga (1952-), idazlea.
- Sean Penn (1960-), aktorea.
- Tiger Woods (1975-), golfaria.
Parke Nazionalak
Konderriak
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2013-4-18 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Euskaltzaindia. (2012-05-25). 170. araua: Amerikako toponimia. .
Ikus, gainera
Kanpo loturak
Wikimedia Commonsen badira fitxategi gehiago, gai hau dutenak: Kalifornia |
- Estatuko webgune ofizala(Ingelesez)