Boga
Boga egitea itsasontzi baten arraunak erabiltzea da, abantean joan dadin (atzeraka joateko arraun egiteari zia egitea esaten zaio).
Azalpena[aldatu | aldatu iturburu kodea]
Boga egitean arraunekin ura brankatik txoparanzko norabidean mugitzen da, erreakzioz enbarkazioa aurrerantz mugitu dadin.
Arraunak palanka bezala jokatzen du: euskarria ura da; indarra, arraunlariaren besoa; eta erresistentzia erdigunean, non estropu eta toletaren bidez enbarkaziora lotua dagoen.[1]
Mugimendua eraginkorragoa izango da zenbat eta arrauna luzeagoa izan; zenbat eta gidoiaren zati handiagoa enbarkazioaren barruan geratu; eta zenbat eta mugimendua horizontalagoa izan. Beraz arraunaren pala ahal denik eta gutxien sartu behar da, justu uretan bermatu dadin.
Teknika[aldatu | aldatu iturburu kodea]
Txopan ezarritako arraun bakarrarekin boga egin daiteke; horri zinga egitea esaten zaio.[2]
Boga egiteko teknika arruntean hiru fase bereiz daitezke:[3]
- Lehenengoan, gorputzak aurrera egin ahala, hankak irekitzen dira eta besoak ahalik eta gehien hedatzen dira, palak bertikalki kokaturik branka aldera eramanez; burua zurrun mantentzen da, txopara begira; bularra eta sabela puztuta.
- Bigarrenik, palak uretan sartzen dira, zipriztinik atera gabe; izterrak itxiz, gorputza atzeraka eramaten da, bertikala igarota, besoak kizkurtuz eta arraunaren gidoia eramanez; palak bere bultzakada amaitu duenean, uretatik ateratzen da.
- Hirugarrenean , gorputza bertikalera itzultzen da, arrauna lehenengo posiziora ekarriz.
Erreferentziak[aldatu | aldatu iturburu kodea]
- ↑ (Gaztelaniaz) «¿Qué tipo de palanca son los remos de un bote?.» Gluones 2009-01-27 (Noiz kontsultatua: 2019-02-01).
- ↑ «Patrón y remero, todo en uno» Mundo Deportivo 2014-07-24 (Noiz kontsultatua: 2019-02-01).
- ↑ (Gaztelaniaz) «Técnica Remo Banco Fijo» Historia del Deporte 2017-06-08 (Noiz kontsultatua: 2019-02-01).
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q21368803
Multimedia: Watercraft rowing / Q21368803