Näkkäläjärvi

Wikipedia, Entziklopedia askea
Näkkäläjärvi aintzira» orritik birbideratua)
Jump to navigation Jump to search
Näkkäläjärvi aintzira
Näkkäläjärvi (fi)
Datu orokorrak
Geografia
Koordenatuak 68° 35′ 00″ N, 23° 35′ 00″ E / 68.58333°N,23.58333°E / 68.58333; 23.58333Koordenatuak: 68° 35′ 00″ N, 23° 35′ 00″ E / 68.58333°N,23.58333°E / 68.58333; 23.58333
Herrialdea Finlandia
Hustubidea Näkkäläjoki ibaia

Näkkäläjärvi aintzira Finlandiako Enontekiö udalerrian dagoen aintzira bat da. Pöyrisjärvi Eremu Basatiaren ondoan dago, Näkkälä sami herrixkaren ertzean. Nahiz eta aintzira ez dagoen babestutako eremu batean, bertan, hegazti babestu asko aurki daiteke; hala nola, borrokalariak, istingor arruntak, kuliska pikartak, mendebal-txori mokomeheak, laponiako berdantzak, elur-berdantzak, elur-hontzak, eper zuriak, txirri lepokodunak, zapelatz galtzadunak, larre-buztanikarak, mendi-txontak, negu-txirtak, papourdinak, txirritxo handiak, txoka gorriztak, urre txirri arruntak, ahate gorriztak, ahatebeltzak, beltxarga oihulariak, zerra txikiak eta antzara hankagorriztak, hankahoriak, muturzuriak eta nanoak.

Beste ohiko biztanle batzuk azeri zuri eta gorriak, bisoi amerikarrak, elur-orein etxekotuak, erbinude arrunt eta zuriak, hartz arreak, ipar-katamotzak, jatunak eta otsoak dira [1].

Palojärvi mendebaldean eta Tuorkottajärvi aintzira iparraldean Näkkäläjärvi aintziraren bizilagun nagusiak dira. Inguruko muinoen gailurretatik erortzen den urak betetzen du aintzira; bestalde, ateratzeko orduan, ura Näkkäläjoki ibairen bidez, Ounasjokira isurtzen da, azkenik, Botniako Golkoraino iristeko.

Aintzira oso ezaguna da arrantza munduan; izan ere, bertan, amuarrain marroi eta laponiako amuarrain artiko handienak arrantzatzera uda partean etorri ohi diren arrantzaleen kopurua handia da. Gutxi gorabehera, azarotik ekainera izoztua egon ohi da aintzira eta bertako zortzi uharteek zuhaizti txiki bilakatzen dira lurzoru izoztuaren gainean.

Errederentziak[aldatu | aldatu iturburu kodea]