Vuontisjärvi aintzira (Enontekiö)

Wikipedia, Entziklopedia askea
Vuontisjärvi aintzira» orritik birbideratua)
Jump to navigation Jump to search
Vuontisjärvi aintzira
Vuontisjärvi (fi) / Vuottesjávri (se)
Datu orokorrak
Garaiera 304,6 m
Azalera 0,9249 km²
Geografia
Koordenatuak 68° 26′ 11″ N, 23° 59′ 33″ E / 68.436388888889°N,23.9925°E / 68.436388888889; 23.9925Koordenatuak: 68° 26′ 11″ N, 23° 59′ 33″ E / 68.436388888889°N,23.9925°E / 68.436388888889; 23.9925
Kokapena Vuontisjärvi
Herrialdea Finlandia
Lurraldea Enontekiö
Hidrografia
Hustubidea Vuontisjoki ibaia
Arro hidrografikoa Kemijoki basin Itzuli

Vuontisjärvi edo Vuottesjávri aintzira Finlandiako Enontekiö udalerrian dagoen aintzira bat da. Pöyrisjärvi Eremu Basatiaren eta Vuontisjärvi herriaren ertzean dago, Ounasjärvi aintziratik eta Hetta hiriburutik hurbil. Nahiz eta aintzira ez dagoen babestutako eremu batean, bertan, hegazti babestu asko aurki daiteke; hala nola, borrokalariak, istingor arruntak, kuliska pikartak, mendebal-txori mokomeheak, laponiako berdantzak, elur-berdantzak, elur-hontzak, eper zuriak, txirri lepokodunak, zapelatz galtzadunak, larre-buztanikarak, mendi-txontak, negu-txirtak, papourdinak, txirritxo handiak, txoka gorriztak, urre txirri arruntak, ahate gorriztak, ahatebeltzak, beltxarga oihulariak, zerra txikiak eta antzara hankagorriztak, hankahoriak, muturzuriak eta nanoak.

Beste ohiko biztanle batzuk azeri zuri eta gorriak, bisoi amerikarrak, elur-orein etxekotuak, erbinude arrunt eta zuriak, hartz arreak, ipar-katamotzak, jatunak eta otsoak dira [1].

Aldameneko aintzira nagusiak Tuolpajärvi, iparraldean, eta Ounasjärvi, mendebaldean, dira. Pöyrisjoki ibaitik datorren urak betetzen du aintzira; bestalde, ateratzeko orduan, ura Vuontisjoki ibaiaren bidez, Ounasjokira isurtzen da, azkenik, Botniako Golkoraino iristeko. Gutxi gorabehera, azarotik ekainera izoztua egon ohi da aintzira.

Aintzira oso ezaguna da arrantza munduan; izan ere, bertan, amuarrain marroi eta laponiako amuarrain artiko handienak arrantzatzera uda partean etorri ohi diren arrantzaleen kopurua handia da.

Erreferentziak[aldatu | aldatu iturburu kodea]