Voznesenskeko gudua
| Voznesenskeko gudua | |||
|---|---|---|---|
| Ukrainako inbasioa (2022) | |||
 | |||
| Data | 2022ko martxoak 2 – 3 (lehen erasoa) 2022ko martxoak 9 – 13 (bigarren erasoa) | ||
| Lekua | Voznesensk, Mykolaiv Oblasta (Ukraina) | ||
| Egoera | Ukrainak irabazi[1] | ||
| Gudulariak | |||
| |||
| Buruzagiak | |||
| |||
| Indarra | |||
| |||
| Galerak | |||
| |||
 Ukrainaren arabera (lehen erasoan):[4]10 zibil hil | |||
.svg){kind=small}
.jpg){kind=small}
Voznesenskeko gudua Errusiaren eta Ukrainaren artean, 2022ko martxoaren hasieran eta Ukrainako inbasioaren Ukrainako Hegoaldeko erasoaldiaren baitan, gertatu zen Errusiako eta Ukrainako Indar Armatuen arteko borroka-multzoa izan zen.
Kherson hiria bereganatu ostean, Errusiako Indarrek mendebalderantz jarraitu zuren, Mykolaiv hirirantz. Errusiar indarrek Mykolaiv erasotzen zuten bitartean, errusiar zutabe bat talde nagusitik banandu eta iparraldera joan zen, ukrainar indarren aurka eginez, birritan, Voznesensk hiri txikian, non biztanleriaren gehienak errusieraz hitz egiten duen. Errusiako Indarrentzat estrategikoki esanguratsua zen herria; izan ere, Hegoaldeko Bug ibaia zeharkatzen duen zubi bat du eta, gainera, Ukrainako Hegoaldeko Zentral Nuklearrarekiko hurbiltasuna du ere.[2][4]
Gudua[aldatu | aldatu iturburu kodea]
Lehen erasoa (2022ko martxoak 2–3)[aldatu | aldatu iturburu kodea]
2022ko martxoaren 2an, Errusiaren Itsaso Beltzeko Flotako Kostaldeko Defentsako 126. Brigadako elementu bat ipar-mendebalderantz joan ziren. Voznesensk hirirantz Mykolaivetik, Hegoaldeko Bug ibaiaren zeharbide bat aurkitzen saiatuz. Errusiako konboi hura 400 gizon eta 43 ibilgailuz osatua omen zegoen.[2][4]
Errusiaren lehen erasorako prestatzen ari zirela, Yevgeni Velytxko-k, hiri-alkateak, eta Ukrainako Armadaren komandanteetako batek adierazi zuten tokiko langileek Ukrainako Indarrei errepide-barrikada ugari sortzen lagundu zietela, bai eta Mertvovod ibaiko zubi bat suntsitu zutela ere, Voznesensken. Era berean, ibai-ertza zulatu zuten ere, Errusiako ibilgailuek herria inguratu ezin izan zezaten.
Errusiako Indarrek hiria bonbardatuz hasi zuten erasoa, hainbat eraikin kaltetuz. Errusiako paraxutistak hiriaren hego-mendebaldean lurreratu zituzten, zutabe blindatu batek hego-ekialdetik aurrera egiten zuen bitartean, aldameneko Rakove herrian. Errusiar frankotiratzaileek herriko hainbat etxetan sortu zituzten habiak, bai eta Errusiako Indarrek base bat ezarri zuten bertako gasolindegi batean. Errusiako APC batek tokiko Lurralde Defentsa Indarren basearen aurka tiro egin zuen, hainbat soldadu ukrainar hilez. Hala ere, Errusiako Indarrek ezin izan zuten Voznesensken sartu. Ukrainako artilleria, orduan, Errusiaren posizioak bonbardatzen hasi zen, Errusiako artilleriak beren morteroak ezartzea eragotziz.[4]
Iluntzerako, Errusiako tankeak Voznesensken tiroka hasi ziren, baina atzera egin zuten kontrako suarekin topo egin ostean. Aldi berean, ukrainar indarrek errusiar posizioak bonbardatzen jarraitu zuten, errusiar ibilgailu batzuk suntsituz. Soldadu ukrainarrak oinez aurrera egin zuten, Estatu Batuek hornitutako FGM-148 Javelin misilekin errusiar ibilgailuei eraso eginez eta, gutxienez, hiru tanke suntsituz. Ukrainako Indarrek, gainera, Errusiaren Mil Mi-24 eraso-helikoptero bat eraitsi ahal izan zuten ere. Errusiako Indarrek guztiz atzera egin zuten martxoaren 3an, beren ekipo eta ibilgailuak alde batera utzita. Indar errusiarren atzera egitean, Errusiako artilleriak Rokove-motako misilak jaurti zituen, klinika bat joz. Errusiako indarrek, gainera, herria arpilatu zuten, 64 bat kilometro, hego-ekialderantz, atzera egin baino lehen.
Guztira, Errusiak 30 ibilgailu –hainbat tanke barne– abandonatu zituen; horietatik guztietatik, Ukrainako Indarrek 15 tanke berreskuratu ahal izan zituzten. Tokiko funtzionarioek adierazi zutenez, ehun soldadu errusiar inguru hil ziren lehen eraso hartan, bai eta hamar harrapatu zituztela. Ukrainako Indarrek hildako batzuk jasan zituzten ere, batez ere Lurralde Defentsa Indarren artean. Amaitzeko, hamabi zibil hil ziren ere, guduaren lehen eraso honetan.[2][4]
Bigarren erasoa (2022ko martxoak 9–13)[aldatu | aldatu iturburu kodea]
Martxoaren 9an, Errusiako Indarrek bigarren eraso bat egin zuten Voznesensk herriaren aurka.[6][7] Ukrainako Indarrek defentsa-posizio bat ezarri zuten suntsitutako zubitik gertu.[8] Hurrengo egunean, errusiar indarrek hiria hartu zuten; haatik, Ukrainako Indarrek hiria berreskuratu zuten hiru egun geroago, martxoaren 13an.[9][10] Martxoaren 18rako, Ukrainak bideratutako kontraerasoek hiritik 120 kilometroraino urrundu zituzten tropa errusiarrak.[11]
Hala ere, bertako ukrainar indarrek hiria gotortzen jarraitu zuten bigarren eraso honen ostean, errusiar indarrek erasoekin jarraituko zutelakoan.[9]
Erreferentziak[aldatu | aldatu iturburu kodea]
- ↑ https://www.france24.com/en/video/20220314-voznesensk-resists-russian-takeover-city-occupied-3-days-now-freed-preparing-to-defend
- ↑ a b c d e f g (Ingelesez) «Ukrainian soldiers and volunteers defeat Russians in strategic town, report claims» The Independent 2022-03-17 (Noiz kontsultatua: 2022-05-11).
- ↑ https://en.lb.ua/news/2022/04/15/13152_film_shows_battle_voznesensk.html
- ↑ a b c d e f g h (Ingelesez) Journal, Yaroslav Trofimov / Photographs by Manu Brabo for The Wall Street. (2022-03-16). «A Ukrainian Town Deals Russia One of the War’s Most Decisive Routs» Wall Street Journal ISSN 0099-9660. (Noiz kontsultatua: 2022-05-11).
- ↑ https://www.thetimes.co.uk/article/ukraines-citizen-warriors-with-hunting-rifles-hfbsb08sg
- ↑ Video shows firefights between Ukrainian and Russian troops in streets of Ukrainian city of Voznesensk, CNN.
- ↑ Txantiloi:Es-PE «Militares ucranianos y rusos combaten en calles de la ciudad de Voznesensk» Peru 21 9 March 2022..
- ↑ Ukraine: The small town which managed to block Russia's big plans, bbc.co.uk
- ↑ a b Voznesensk resists Russian takeover: City occupied 3 days, now freed & preparing to defend, France 24.
- ↑ «Russian Offensive Campaign Assessment, March 10» Institute for the Study of War 10 March 2022.
- ↑ «Ukraine update: Ukraine retakes 75 miles of Russian-held territory, pushes toward Kherson» Daily Kos.
Kanpo estekak[aldatu | aldatu iturburu kodea]
