Baikal

Wikipedia(e)tik
Hona jo: nabigazioa, Bilatu
Baikal
о́зеро Байка́л
Байгал
Olchon Shaman Rock.jpg

Baikal aintzira eta Olkhom uhartea.

Karte baikal2.png
Kokalekua  Errusia
Garaiera 456 m
Eremua 31.500 km²
Zabalera 48 km
Luzera 636 km
Bataz besteko sakonera 744,4 m
Gehienezko sakonera 1.637 m
Arroa 560.000 km²
Ertzaren luzera 2.100 km
Betebidea Selenge, Txikoi, Khilokh, Uda ibaia, Barguzin eta Angara Garaia
Hustubidea Angara
Uharteak 22
Hiriak Irkutsk

Baikal[1] (errusieraz: о́зеро Байка́лOzero Baykal; buriateraz: Байгал; mongolieraz: Байгал нуурBaygal nuur) Siberiako hegoaldean, Errusiako Irkutsk oblasta eta Buriatiako Errepublikaren artean, kokaturiko aintzira da[2]. 1996an Unescok Gizateriaren Ondare izendatu zuen.

Izena[aldatu | aldatu iturburu kodea]

Izena antzinako tartariarrezko Bai-Kul hitzetik dator, «Laku aberatsa» esan nahi duena. Ezizenez Siberiako Begi Urdina eta Asiako Perla deitu izan zaio, bere uraren gardentasuna dela eta.

Geografia[aldatu | aldatu iturburu kodea]

Siberia hegoaldean dago, Jablonovy mendiak (ekialdean), Baikal mendikatea (mendebaldean) eta Stanovoi artean. Batez beste 636 km luze eta 48 km zabal da eta 31.500 km²ko eremua hartzen du. Munduko aintzirarik sakonena da: urazaletik hondorainoko sakonerarik handiena 1.741 mkoa da, baina uraren azala itsasmaila baino 454 m gorago du[3]. Bolumenari dagokionez ere, munduko ur gezako lakurik handiena da; munduko ur gezaren %20 dauka, 23.000 km3 inguru[2]. Ur hau aski izanen litzateke lur urgaineratu guztia 3 zentimetroko geruzaz estaltzeko.

Lakua mendiz inguraturik dago eta 22 uharte txiki ditu; Olkhom (730 km2ko azalera eta 1.741 mko garaiera) handiena da. 330 ibai baino gehiago isurtzen dira Baikalera; nagusiak Selenge, Txikoi, Khilokh, Uda, Barguzin eta Angara Garaia dira. Bertatik, ordea, ibai bakarra irteten da: Angara, Jeniseiren ibaiadarra.

Lakuaren ertzeko hiri nagusiak Irkutsk eta Ulan-Ude dira.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Baikal Aldatu lotura Wikidatan

Koordenatuak: 53°30′N 108°10′E / 53.500°N 108.167°E / 53.500; 108.167