Trapani

Wikipedia(e)tik
Hona jo: nabigazioa, Bilatu
Trapani Erice menditik.

Trapani Siziliako ipar-mendebaldeko hiria eta portua da, izen bereko probintziako (2.462 km2) hiriburua.

70.531 biztanle ditu (2009).

Geografia[aldatu | aldatu iturburu kodea]

Erice mendiaren oinetan dago, Palermoko hiriaren mendebalean, Tirreniar itsasoaren ertzean.

Historia[aldatu | aldatu iturburu kodea]

Antzinateko Depranum hiriari dagokio. IX. mendean musulmanek konkistatu zutenean, hiri oparoa bihurtu zen, eta are oparoagoa izan zen kataluniarren XIV-XVI. mendeetako agintaldian. 1282. urtean Petri Handia onartu zuen hiriak, eta bertatik eman zioten hasiera Siziliako konkistari.

Ekonomia[aldatu | aldatu iturburu kodea]

Jarduera handiko portua du (ardoa eta gatza esportatzen ditu). Arrantza eta industria (janari-industria, zurgintza, ontziolak) dira ekonomia-jarduera nagusiak.

Ondasun nabarmenak[aldatu | aldatu iturburu kodea]

Aipagarriak dira 1635. urteko katedral barrokoa, Santa Maria Gesuko eliza gotiko-errenazentista, XV. mendeko Ciambra jauregia eta XIV. mendeko santutegia. Apezpikutegia ere badu.

Commonsen badira fitxategi gehiago, gai hau dutenak: Trapani Aldatu lotura Wikidatan

Erreferentziak[aldatu | aldatu iturburu kodea]