Abenduaren 4

Abenduaren 4a gregoriotar egutegiaren urteko hirurehun eta hogeita hamazortzigarren eguna da, 339.a bisurteetan. 27 egun falta dira urtea amaitzeko.

Daturen bat falta bada, urtearen lotura jarraitu han sartzeko.

---

Gertaerak

Euskal Herria

• 1983 - Espainiar poliziak kontratatutako mertzenariek Segundo Marey bahitu zuten, ETAko kide bat zelakoan. Urrian atxilotutako poliziak askatzea eskatu zuten, eta abenduaren 8an askatu zituzten. Segundo Marey 13an.
• 1984 - ETA politiko-militarrak (ETA-pm) armak utzi zituen.

Mundua

• 1563 - Trentoko Kontzilioaren azken ekitaldia hasi zen Trenton
• 1945 - Estatu Batuek NBEn sartzea erabaki zuten
• 1991 - Ameriketako Estatu Batuetako PanAm hegazkin konpainia itxi zuten.
• 1996 - Marte aztertzeko Mars Pathfinder espaziontzia abiatu zen.
• 1999 - Bost pertsona hil ziren Austriako Innsbruckeko eski estazioan egindako txapelketa bat amaitzean egondako jende pilaketan.
• 2007 - Espainiako Auzitegi Nazionalaren alboan, Madrilen, bertan entregatuko ziren Donostiako 15 gazte atxilotu zituen Poliziak.
• 2009 - 113 pertsona hil ziren Errusiako Perm hiriko diskoteka batean egondako sutean.
• 2010 - Espainiako Gobernuak alarma egoera ezarri zuen aire-kontrolatzaileen bat-bateko grebarengatik. Militarrek aire-kontrola hartu zuten.
• 2011 - Mario Montiren Italiako Gobernuak krisiaren aurkako lehen paketea onartu zuen. Bertan besteak beste kotizazio urte kopuru minimoa 42 urtetara igo zen.

- Errusia parlamenturako hauteskundeak ospatu eta Vladimir Putinen Errusia batua alderdiak gehiengo osoa mantendu zuen. Hala ere, aurrekoan bozka kopuru eta eserleku kopuru baxuagoa lortu zuen alderdiak. Bestalde, protestak izan ziren iruzur elektorala salatu baitzuen jendeak.

Arte eta kultura

Euskal Herria

• 2007 - Javier Vizcaino, Radio Euskadiko "Mas Que Palabras" irratsaioa aurkezten duen kazetariak, Ondas saria irabazi zuen.

Mundua

• 1981 - Reds ("Gorriak") filma estreinatu zen, Warren Beattyk zuzendu eta berak, Diane Keaton, Jack Nicholson eta Maureen Stapleton aktoreek antzeztu zuten.
• 1981 - Falcon Crest telesaila AEBtako CBS telebista katean estreinatu zen.
• 1981 - On Golden Pond ("Urrezko Urmaelan") filma estreinatu zen, Mark Rydellek zuzendu eta Katharine Hepburn, Henry Fonda, Jane Fonda, Doug McKeon eta Dabney Coleman aktoreek antzeztu zuten.
• 1985 - Young Sherlock Holmes ("Sherlock Holmes Gaztea") filma estreinatu zen, Barry Levinsonek zuzendu eta Nicholas Rowe, Alan Cox, Sophie Ward eta Anthony Higgins aktoreek antzeztu zutelarik.

Jaiotzak

Euskal Herria

• 1898 - Xabier Zubiri filosofo donostiarra (h. 1983).
• 1965 - Alex de la Iglesia film-zuzendari bilbotarra.

Mundua

• 1892 - Francisco Franco, espainiar militar eta diktadorea (h. 1975).
• 1964 - Marisa Tomei, estatubatuar aktorea.

Heriotzak

Euskal Herria

• 1270 - Tibalt II.a, Nafarroako erregea Trapani hirian, Sizilian.
• 2010 - Xabier Lete euskal kantari, olerkilari eta idazlea.

Mundua

• 1679a - Thomas Hobbes, filosofo ingelesa (j. 1588).

Jaiak eta urteurrenak

• Sehaska egutegiko izendegia: Inhar, Inar eta Lezo.

Abenduaren 3 | Urteko egutegi | Abenduaren 5