Ho Chi Minh Hiria

Wikipedia(e)tik
Hona jo: nabigazioa, Bilatu

Ho Chi Minh Hiria

Ho Chi Minh Hiria
Izen ofiziala Thành phố Hồ Chí Minh
1975 baino lehen
vietnameraz
Saigon
Sài Gòn
Estatua VietnamVietnam
Probintzia Ho Chi Minh Hiria
Herritarra Ho Chi Minh Hiritar, saingondar
Koordenatuak

10°45′N 106°40′E / 10.750°N 106.667°E / 10.750; 106.667Koordenatuak: 10°45′N 106°40′E / 10.750°N 106.667°E / 10.750; 106.667

Ho Chi Minh Hiria non dagoen adierazten duen Vietnam-ko/-go/-eko mapa
Ho Chi Minh Hiria
Eremua 2,095 km²
Garaiera 19 m
Ordu eremua UTC+7
Biztanleria 6,239,938 bizt. (2005)
Dentsitatea 2,98 bizt./km²
Sorrera 1698
Telefono aurrizkia 8
http://www.hochiminhcity.gov.vn

Ho Chi Minh Hiria[1] (vietnameraz Thành phố Hồ Chí Minh), 1975 arte Saigon[1], Vietnamgo hiri handiena eta populatuena da, Vietnamgo hegoaldean, itsasotik 80 km-ra, han Saigon izena hartzen duen Mekong ibaiaren deltako adar batean. 1975 baino lehen Saigon izena zuen vietnameraz Sài Gòn), oraindik ohiko hizkeran erabiltzen dena. Ipar Vietnam eta Hego Vietnam batu zirenean aldatu zioten izena, Ho Chi Minh iraultzaile eta politikariaren omenez. Lehen Hego Vietnam eta Frantziar Indotxinako hiriburua izandakoa da.

Nekazaritza eskualde emankor (arroza, azukre kanabera, tabakoa, kautxua) baten irtenbide naturala da, eta merkatu eta esportazio hiri gisa garatu da. Halaber, produktu horien eraldaketa industria, oihalgintza, mekanika, itsasontzigintza eta eraikuntzarako materialen industria dira nagusi. Burdinbideak, errepideak eta hegazkinek lotzen dute Hanoirekin.

Klima[aldatu | aldatu iturburu kodea]

Datu klimatikoak (Ho Chi Minh City)
Hila Urt Ots Mar Api Mai Eka Uzt Abu Ira Urr Aza Abe Urtekoa
Erregistraturiko tenperatura maximoa (°C) 38 40 38 38 39 38 41 37 38 38 37 37 41
Batez besteko tenperatura maximoa (°C) 31.6 32.9 33.9 34.6 34.0 32.4 32.0 31.8 31.3 31.2 31.0 30.8 32.3
Batez besteko tenperatura (ºC) 26.4 27.7 29.2 30.2 29.6 28.5 28.2 28.1 27.9 27.6 26.9 26.1 28.0
Erregistraturiko tenperatura minimoa (°C) 13 17 16 17 16 21 17 21 20 20 17 15 13
Batez besteko tenperatura minimoa (°C) 21.1 22.5 24.4 25.8 25.2 24.6 24.3 24.3 24.4 23.9 22.8 21.4 23.7
Euria (mm) 13.8 4.1 10.5 50.4 218.4 311.7 293.7 269.8 327.1 266.7 116.5 48.3 1931
Euri egunak (≥ 1 mm) 2.4 1.0 1.9 5.4 17.8 19.0 22.9 22.4 23.1 20.9 12.1 6.7 155.6
Eguzki orduak 244.9 248.6 272.8 231.0 195.3 171.0 179.8 173.6 162.0 182.9 201.0 223.2 2486.1
Hezetasuna (%) 69 68 68 70 76 80 80 81 82 83 78 73 908
Iturria (1): World Meteorological Organisation (NBE)[2]
Iturria (2): Weatherbase [3]

Historia[aldatu | aldatu iturburu kodea]

Saigon XVII. mendean sortu zen, vietnamdarrak han zegoen khmer herriaz jabetu ondoren. Ondoko mendean jadanik frantsesek esku hartu zuten hango arazoetan. XIX. mendearen erdialdean hiria hartu eta lurralde osoa beretu ondoren, Kontxintxinako hiriburu izendatu zuten. 1880tik aurrera frantsesek europar ereduko hiria eraikitzeari ekin zioten. Geroztikako gorabehera politikoetan, bai frantsesekin bai amerikarrekin, Vietnamgo hegoaldeko hiriburu izan zen. Askapen gerra amaiturik (1975eko apirilean) Saigon izen historikoa utzirik, gaur egungo izena eman zitzaion, Ho Chi Minh buruzagi abertzalearen ohoretan.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Ho Chi Minh Hiria Aldatu lotura Wikidatan


Geografia
Vietnam
Artikulu hau Vietnamgo geografiari buruzko zirriborroa da. Wikipedia lagun dezakezu edukia osatuz.