1915eko Kontxako Bandera

Wikipedia, Entziklopedia askea
Jump to navigation Jump to search

1915eko Kontxako Bandera (Banderaren 23. edizioa), urte horretako irailaren 19an eta urriaren 3an jokatu zen; Donostiak bere 10. Kontxako Bandera eskuratu zuen.

Orio eta San Pedro ziren faboritoak, baina, pronostikoak hautsiz, donostiarrak eta sanjuandarrak sailkatu ziren bigarren jardunaldirako. Oriotarrak eta sanpedrotarrak ez ziren bigarren jardunaldira aurkeztu, arraunlariak arrantza lanetarako behar zituztela argudiatuz.

Donostian, bestalde, ez zen giro oso lasaia, eta bazirudien donostiarrek ez zutela trainerurik aterako. Azkenean, kuadrilla bat osatu eta Soterotxo jarri zen popan. Hirian ez zen ongi ikusten proiektua, Soterotxo kaxkariña izanik barregarri gelditzeko beldur baitziren; ez zegoen konfiantza handirik, jendearen iritziz "sagardotegiko parrandero" gehiegitxo omen zegoelako tostetan kuadrilla hartan[1]. Hala ere, ezusteko handia emanez bandera hura Donostiak irabazi zuen. Bitxikeria xelebre bat ere izan zen Donostiak irabazi izanaren harira: urte hartan faborito nagusi zen Oriori burla egin zioten donostiarrek, Orio irudikatzen zuen hilkutxa bat ere kaleetan zehar eramanez. Hurrengo urtean, oriotarrak garaile irten zirenean donostiarren aurretik, Orioko arrunlari batzuek ziaka aritu omen ziren une batez, atzetik zetorren Donostiari iseka egiteko-edo[2].

Parte-hartzaileak[aldatu | aldatu iturburu kodea]

Talde parte-hartzaileak
Taldeak Traineruak Patroiak
Euskal Herria Pasai San Pedro
Euskal Herria Pasai Donibane
Euskal Herria Donostia
Euskal Herria Orio
La Blanca
Muskarra
Luis Esperanza
Virgen del Mar
Manuel Arrillaga
Frantzisko Laboa "Matxet"
Patxi Bakeriza "Soterotxo"
Antonio Maria Uranga

Emaitzak[aldatu | aldatu iturburu kodea]

Bigarren jardunaldian traineruak trukatu egin zituzten bi lehenek.

Behin betiko denborak
Postua Elkartea 1. Eguna 2. Eguna Denera
1 Donostia 21:56 22:42 44:38
2 Pasai Donibane 21:55 22:57 44:52
3 Orio 22:06 ez zen aurkeztu
-
4 Pasai San Pedro 22:30 ez zen aurkeztu
-

Tripulazio irabazlea[aldatu | aldatu iturburu kodea]

  • Donostia
    • Patroia: Patxi Bakeriza "Soterotxo"
    • Arraunlariak: Agustin Bakeriza, Sebastian Bakeriza, Zezilio Bakeriza, Paskual Vicuña, Felix Vicuña, Jabier Galdos, Jose Mari Zubiaurre, Roke Landaberea, Fermin Aristegieta, Jose Juan Aldanondo, Kleto Blanco, Jose Urresti, Jose Mari Olaizola. Ordezkoak: Hilario Larrarte (patroia), Kastor Isasa, Migel Lopetegi, Martin Gomez


Erreferentziak[aldatu | aldatu iturburu kodea]

  1. [1] Auñamendi Entziklopediako "Soterotxo" sarrera
  2. [2] Kontxako 1915-1916 banderen anekdotari buruzko artikulua, Donostiako arraunketari buruzko blog batean

Bibliografia[aldatu | aldatu iturburu kodea]

  • AGUIRRE, Rafael (2002): Donostiako Estropadak (1879 - 2001) Regatas de la Concha. Donostia: Kutxa Fundazioa, ISBN 84-7173-414-1
  • ZAVALA, Antonio (2003): Estropadak bertsotan. Auspoa Bilduma. Sendoa Argitaletxea, ISBN 84-95378-64-7

Ikus, gainera[aldatu | aldatu iturburu kodea]