1972ko Kontxako Bandera

1972ko Kontxako Bandera

Datu orokorrak
Antolatzailea	Donostiako Udala
Partaideak	8
Estropadak	2 estropada
Hasiera	1972ko irailaren 3a
Amaiera	1972ko irailaren 13a
Palmaresa
Txapelduna	Orio
Txapeldunordea	Getaria
← 1971	1973 →

1972ko Kontxako Bandera (Banderaren 77. ekitaldia, garai hartan 70. ekitaldia bezala aurkeztu bazen ere) urte honetako irailaren 3 eta 13an jokatu zen, 10ean itsaso txarra zegoenez atzeratzea erabaki baitzuten, eta Oriok bere 22. Kontxako Bandera eskuratu zuen, hirugarrena jarraian.

Kontakizuna

Jardunaldi biak irabaziz garaipen erraza lortu zuten oriotarrek. Bigarrena Getariako Sindicato Náutico de Pesca izan zen, oriotarrengandik 21 segundora eta hirugarrena Club de Remo Santander, 29 segundoko atzerapenaz. Kantabriar talde honek Kontxarako sailkatu izan den aldi bakarrean emaitza bikaina lortu zuen, sailkapen orokorreean hirugarren egiteaz gain bigarren jardunaldiko denbora onena markatu baitzuen. Bestalde Beraun kanporatua izan zen bigarren jardunaldian bere kalea ez errespetatzeagatik.

Azkenengo urteetan traineruen kopuruak gora egin zuela eta, lehenengo aldiz Kontxarako sailkapen estropada antolatu zen Hondarribian, sistema berezia erabiliz (ikus behean).

1972a Astilleroren urtea zen, estropada guztiak erraz irabazi baitzituen, baina Kantabriako txapelketan ustekabean bigarren egin zuen eta ezin izan zuen Kontxan parte hartu.

Parte-hartzaileak

Talde parte-hartzaileak
Taldeak	Traineruak	Patroiak
Beraun Donostia Getaria Kaiku Lasarte-Michelin Orio San Juan (Koxtape) Santander	? ? Sindicato Náutico de Pesca Kaikutarra Lasarte ? ? ?	Tomas Iza Bizente Elizondo "Bixentiko" Klaudio Etxeberria "Gorria" Ramon Arreseigor "Trabuko" Antonio Oliden Juan Lizarralde "Altxerri" Jose Mari Sistiaga Jose Alonso

Emaitzak

Behin betiko denborak
Postua	Elkartea	1. Eguna	2. Eguna	Denera	Diferentzia
1	Orio	21:33:8	21:20:4	42:54:2	-
2	Getaria	21:51:2	21:24:0	43:15:2	+ 0:21:0
3	Santander	22:03:6	21:19:8	43:23:4	+ 0:29:2
4	San Juan	21:59:9	21:27:8	43:27:7	+ 0:33:5
5	Lasarte-Michelin	21:57:3	21:35:2	43:32:5	+ 0:38:3
6	Kaiku	22:22:2	22:00:0	44:22:2	+ 1:28:0
7	Donostia	22:31:2	21:53:0	44:24:2	+ 1:30:0
-	Beraun	22:05:8	Kanporatua	-	-

• Bitxikeria: Edizio honetatik aurrera denborak emateko orduan minutuak, segundoak eta segundo-bostenak eman beharrean segundo-hamarrenak ematen hasi ziren. Bibliografian lehenengo igandeko datuak segundo-hamarrenetan agertzen dira eta bigarren igandekoak segundo-bostenetan. Denboren batuketak ikusteko errazago diren ustean bigarren jardunaldikoak ere hamarrenetara moldatu ditugu emaitzen taulan.

Tripulazio irabazlea

• Orio Arraunketa Elkartea
  • Patroia: Juan Lizarralde "Altxerri"
  • Arraunlariak: Nikasio Uranga, J.M. Itxaso, Agustin Irastorza, Juan Angel Lekuona, Juan Atxega, Estanislao Sarasua, Jesus Mari Agote, Inaki Arrillaga, Jose Zumeta, Jose Mari Bereziartua, Jose Luis Korta, Jesus Mari Perona eta Patxi Sarasua.

Sailkapen estropada

Sistema berezia antolatu zen. Gipuzkoako txapelduna (Lasarte-Michelin) zuzenean sailkatu zen eta gainerako traineru gipuzkoarrek sailkapen estropada bat jokatu zuten Hondarribian, eta lehenengo bostak sailkatu egin ziren. Sailkatutako seigarren eta zazpigarrenak bigarren estropada bat jokatu zuten Bizkaiko (Kaiku) eta Kantabriako (Santander) txapeldunen aurka, eta azken bi hauek lortu zuten Kontxarako txartela.

Postua	Taldea	Denbora
1	Orio	20:26,4
2	Beraun	20:35,0
3	Getaria	20:45,1
4	San Juan	20:45,2
5	Donostia	20:58,2
6	San Pedro	21:12,7
7	Hondarribia	21:34,3
8	Zuberoa	22:10,4

Ikus, gainera

• Kontxako Bandera

Kanpo estekak

• Datuak: Q12252502