Kanbo

Kanbo
Lapurdi, Euskal Herria
San Laurendi elizaren ikuspegia.
Armarria
Kokapena
Herrialdea	Euskal Herria
Lurraldea	Lapurdi
Administrazioa
Estatua	Frantzia
Eskualdea	Akitania Berria
Departamendua	Pirinio Atlantikoak
Elkargoa	Euskal Hirigune Elkargoa
Barrutia	Baiona
Kantonamendua	Baigura eta Mondarrain
Izen ofiziala	Cambo-les-Bains
Auzapeza	Bixente Bru (2008-2014)
Posta kodea	64250
INSEE kodea	64160
Herritarra	kanboar
Kokapena
Koordenatuak	43°21′28″N 1°24′06″W
Azalera	22,49 km2
Garaiera	0-400 metro
Distantzia	- km (Baionatik)
Demografia
Biztanleria	6.609 (2018:  46)
3.535 (%53)   (%45,2) 3.016
Dentsitatea	296,67 biztanle/km²
Zahartzea	% 17,35
Ugalkortasuna	‰ 52,55
Ekonomia
Jarduera	% 73,33 (2011)
Desberdintasuna	% 4,63 (2011)
Langabezia	% 6,27 (2013)
Euskara
Euskaldunak	% 22,12 (2010)
Erabilera	% 2,98 (2011)
Datu gehigarriak
Sorrera	1790. urtea
Webgunea	http://www.cambo-les-bains.net/

Kanbo Lapurdi barnealdeko udalerria da, Ezpeletako Kantonamenduan kokatua eta Errobi ibaiak zeharkatuta. Auzo nagusiak Eliza, Behereko Kanbo, Olhassoure, Termak eta Basaburu dira. Bertako euskara nafar-lapurtera da.

Dituen iturburuak ezagunak dira, bertan bainuetxe edo termak baitaude. Badira hamabi bainuetxe, 1.300 ohe eta zortzi hotel guztira. Beraz, zerbitzuen alorrean oinarritzen da ekonomia jarduera nagusia.

Geografia

Udalerri mugakideak

• Haltsu iparraldean
• Larresoro mendebaldean
• Itsasu, Luhuso eta Makea hegoaldean
• Hazparne ekialdean

Etxeak eta auzoak

• Behereko Kanbo
• Basaburu
• Garaiko Kanbo

Historia

Olha-ko bizilekuan eginiko aurkikuntzek erakusten dutenez, historiaurreko garaietan baziren biztanleak Kanbon. Bertako urek dituzten berezitasunak ezagunak dira erromatarren garaitik. 1199ko dokumentu batean aipatzen da lehen aldiz Kanboko herria Sansa izenez (Azantzako jauretxetik ziurrenik). 1244an Tibalt I.a Nafarroako erregearen armadak oinetxe ugari suntsitu zituen herrian.

XVII. mendean Kanbo Beherea auzoan agoten kolonia bat bazen. Kanboraino artekoa zen aspaldidanik Errobi ibaiko ontzitarako tartea eta XIX. mendearen erdialdera arte erabili zen ibai-portua. XVII. mendeaz geroztik ospe handia izan dute Kanboko bainuetxeek eta errege-erreginak eta pertsona garrantzitsuak hurbildu ziren bertara XIX. eta XX. mendeetan.

Biztanleria

XIX. mendean zehar 1.200 biztanle inguruko kopuruetan mantendu zen, goranzko joerarekin, eta mende bukaerarako 2.000 biztanle zituen. 1920ko eta 1930eko hamarkadetan aurrera hazkunde esanguratsua izan zuen, eta 3.500 biztanleren bueltan geratu zen XX. mendearen bigarren erdian. XXI. mendearen lehen hamarkadan, berriz, hazkunde handia izan zuen Kanbok eta 6.000 biztanleen langa gainditu zuen.

Kanboko biztanleria
Datuen iturburua: INSEE

Alkateak

Alkatea	Agintaldia	Alderdia
Vincent Bru	1995-2001	UDF
Vincent Bru	2001-2008	UDF
Vincent Bru	2008-2014	DVD

Arnagako lorategiak

Kultura

Euskera

Gaur egun ikastola ("Errobi") eta bertso-eskola bana ditu herriak. Berezko euskalkia lapurtera da.

Ondasun nabarmenak

• Arnaga etxea: Edmond Rostand frantses antzerki idazleak eraikiarazi zuen etxe ikusgarria. Bertan 1906-1918 artean bizi izan zen eta Chantecler antzezlana idatzi. 1958. urtean Kanboko udalak erosi zuen Edmond Rostand museoa egiteko.
• San Laurendi eliza: XVII. mendean eraikia eta 2012an Monumentu Historiko izendatua.
• Bainuetxea eta termak: estilo neoklasikoan eraikiak.

Kanboar ospetsuak

• Isaac Albeniz (1860-1909), musikagile kataluniarra bertan hil zen.
• Mixel Labéguerie iparraldeko politikari ezaguna, bertako auzapez izan zen aunitz urtez.
• Edmond Rostand idazle frantziarra.
• Pablo Tillac margolaria.

Kanpo loturak

Wikimedia Commonsen badira fitxategi gehiago, gai hau dutenak: Kanbo

Euskarazko Wikipedian bada atari bat, gai hau duena: Lapurdi

• (Frantsesez) Kanboko webgune ez-ofiziala
• (Frantsesez)Errobi ikastola