Star Wars

Wikipedia, Entziklopedia askea
Star Wars Logo.svg Star Wars
Star Wars characters at Madame Tussaud.jpg
Jatorria
Sortzailea George Lucas
Jatorrizko izenburua Star Wars
Mugimendua New Hollywooda
Jatorrizko herrialdea Ameriketako Estatu Batuak
Ezaugarriak
Genero artistikoa zientzia-fikzioa eta space opera
Bestelako lanak
Musikagilea John Williams
Fikzioa
Erabiltzen du Doomsday Device (en) Itzuli
Fikzio-unibertsoa Star Warsen unibertsoa eta Star Warsen unibertso hedatua
Kanpo estekak
starwars.com

Star Wars (euskaraz, Izarretako Gerra), George Lucas estatubatuar zuzendari eta ekoizleak sortutako zientzia-fikziozko film saga bat da, 2012tik aurrera The Walt Disney Companyk produzitua eta banatua.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Star Warseko serie nagusia osatzen duten bederatzi filmek Skywalker familiako kideen bizipenak kontatzen dituzte,[1] «duela denbora asko, galaxia oso, oso urrun batean»,[2] ​«barne indarra» deritzon elementu metafisikoari sentikorrak izateko berezitasuna partekatzen dutenak. Barne indarak trebetasun bereziak garatzea ahalbidetzen, adibidez, telekinesia, iragarmena eta kontrol mentala, beste batzuen artean.

Aurre-trilogian, (sagako I, II eta III atalak hartzen dituenak) Anakin Skywalker gaztearen entrenamendua deskribatzen da, maisu Jedi Obi-Wan Kenobiren babespean. Ezegonkortasun politikoko garaian kokatua da, Errepublika Galaktikoa eta Merkataritza Federazioaren arteko tentsio eta ondorengo gatazketan.Droidez osatutako armada baten erasoa dela eta Senatu Galaktikoak ohiz kanpoko botereak esleitzen dizkio Palpatine kantzelariari. Azken hau, ordea, Sith zaldun bat da, barne indarra onura pertsonala lortu eta botere gosea asetzeko darabilena. Egiazko izena, Darth Sidious, isilean mantentzen du eta bere posizio politkoa baliatzen du Klon Gerrak bultzatzeko, errepublikako sistema uzkailtzeko eta bere agindupeko Inperio Galaktikoa sortzeko. Haren planak erraztu egiten dira Anakinek «Indarraren alde ilunarenganantz» duen erakarpena dela medio, haren amorru, beldur eta gorroto sentimenduengatik, haren amaren hilketagatik indartuak. Jedi ordenak Anakinekiko duen mesfidantzak eta haren gaitasunekiko zalantzak, eta haren emazte Padméren heriotzak Anakinen galbidea azkartzen dute. Azkenean Anakin Sidiousen ikalse bihurtzen da, Darth Vader izena hartuz, eta 66 agindua 66 abiarazten laguntzen dio, Jediak sarraskituz. Obi-Wanekin izandako liskar batengatik, Anakin oso zaurituta geratzen da, eta traje robotiko beltz bat hartzen du, bizirik mantentzea uzten diona.

Filmak[aldatu | aldatu iturburu kodea]

Lehenbiziko trilogia Itxaropen Berria (1977), Inperioaren Kontraerasoa (1980) eta Jedi Zaldunaren Itzulera (1983) filmekin estreinatu zen; hortik aurrera, film sailak ospea eta diru irabazi itzelak lortu zituen. Halaxe, Lucasi hainbat enpresaz osaturiko sekulako inperioa sortzeko aukera eman zion. Zinema enpresa horiek geroztiko zinema irauli zuten, batez ere efektu bereziei dagokienez.

Hurrengo urteetan, Star Wars unibertsoa hainbat eratara hedatuz joan zen: liburuak, komikiak, bideo-jokoak, rol eta mahai jokoak, eta abar. Lehenengo filmaren estreinaldia izan eta handik bi hamarkadara, aurrekoaren jarraipena estreinatu zen: Star Wars I. Atala: Mamu Mehatxua (1999), Star Wars II. Atala: Klonen Erasoa (2002) eta Star Wars III. Atala: Sitharren Mendekua (2005) filmek osatutako trilogia.

« Orain dela denbora asko oso urrun, urruneko galaxia batean [...] Gerra Zibil garaia da. Ezkutuko babesleku batetik Inperio Galaktikoa erasotzen duten errebeldeen espaziontziek heuren lehenbiziko garaipena lortu dute. Guduan zehar, inperioaren arma berrienaren plano sekretuak ohostea lortu zuten, Izar Hiltzailea, planeta oso bat suntsitzeko ahalmena duen blindatutako espazio-estazioa. Inperioko agente ilunek atzetik jarraika dituela, Leia printzesa bere ontzian etxera itzultzekotan da, bere herria salbatu eta galaxiara askatasuna ekar dezaketen lapurtutako planoak berarekin bat dakartzalarik [...] »
1977ko Star Wars IV. Atala: Itxaropen Berria filmaren sarrerako testua.[3]


Star Wars-eko filmetan urruneko galaxia batean jedien (justizia eta ordenaren alde daudenak) eta sithen (Barne Indarraren Alde Ilunean jausi direnak) arteko borroka kontatzen da. Lehenbiziko trilogian, Luke Skywalker jediaren bidaia azaltzen zaigu, Barne Indarra ezagutzen hasten denetik benetako jedi zaldun bihurtzen den arte, hori guztia Darth Vader sitharen eta inperioaren aurka borrokatzen duen bitartean.

Trilogia berrian, Darth Vaderren bizitza kontatzen da, Anakin deituriko ume bat zenetik Barne Indarraren Alde Ilunera erori zen arte.

Harrera[aldatu | aldatu iturburu kodea]

Star Wars film saga zinemaren historiako maiteenetako bat da, baita ere ospetsuenetako bat. Kritika espezializatua aipamen onak eman ditu sagari, eta audientzia oso ondo hitz egin du sagari buruz. Miresle legio sinestezina du.

Filma IMDb Metacritic FilmAffinity[4] Rotten Tomatoes[5]
Metascore User Score Kritika onen ehunekoa Nota edo puntuazioa
Itxaropen Berria 8,7/10 (998.617 boto) 90/100 (24 kritika) 8.8/10 (2023 boto) 7,9/10 (132.086 boto) 93% 8,81/10
Inperioaren Kontraerasoa 8,8/10 (926.105 boto) 82/100 (25 kritika) 9.1/10 (1653 boto) 8,1/10 (131.750 boto) 94% 8,97/10
Jedi Zaldunaren Itzulera 8,4/10 (759.189 boto) 58/100 (24 kritika) 8.3/10 (1426 boto) 7,9/10 (118.289 boto) 82% 7,25/10
Trilogia klasikoa 8,6 77 8.7 7,97 90% 8,34
Mamu Mehatxua 6,5/10 (583.220 boto) 51/100 (36 kritika) 6.1/10 (1599 boto) 6,2/10 (98.970 boto) 53% 5,94/10
Klonen Erasoa 6,6/10 (509.273 boto) 54/100 (39 kritika) 6.1/10 (1371 boto) 6,3/10 (102.840 boto) 65% 6,59/10
Sitharren Mendekua 7,6/10 (568.785 boto) 68/100 (40 kritika) 7.7/10 (1946 boto) 7,1/10 (98.616 boto) 80% 7,28/10
Trilogia prekuela 6,9 58 6.6 6,53 66% 6,6
Indarraren Iratzartzea 7,9/10 (824.694 boto) 81/100 (55 kritika) 6.8/10 (7355 boto) 6,8/10 (59.872 boto) 93% 8,27/10
Azken Jediak 7,0/10 (522.399 boto) 85/100 (56 kritika) 4.4/10 (8640 boto) 6,2/10 (37.664 boto) 91% 8,10/10
Skywalkerren igoera 6,9/10 (244.699 boto) 54/100 (61 kritika) 4.9/10 (4343 boto) 6,0/10 (16.660 boto) 52% 6,17/10
Trilogia sekuela 7,3 73 5.4 6,33 79% 7,5
Batez bestekoa 7,6 69 6.9 6,94 78% 7,48


Erreferentziak[aldatu | aldatu iturburu kodea]

  1. (Ingelesez) Chitwood, Adam. (2019-04-16). «The ‘Star Wars: The Rise of Skywalker’ Ending Was Changed During Production» Collider Noiz kontsultatua: 2020-02-02.
  2. (Gaztelaniaz) 20minutos. (2015-11-26). «Google homenajea a Star Wars con "Hace mucho tiempo en una galaxia muy muy lejana"» www.20minutos.es - Últimas Noticias Noiz kontsultatua: 2020-02-02.
  3. Star Wars: A New Hope script. 2009ko ekainaren 10a. BlueHarvest.net (Ingelesez)
  4. (Gaztelaniaz) «Grupo: Saga Star Wars» FilmAffinity Noiz kontsultatua: 2020-02-01.
  5. (Ingelesez) «Rotten Tomatoes: Movies | TV Shows | Movie Trailers | Reviews - Rotten Tomatoes» www.rottentomatoes.com Noiz kontsultatua: 2020-02-04.

Kanpo estekak[aldatu | aldatu iturburu kodea]