Sutugius

Sutugius
	Akitaniar
Ezaugarriak
Sexua	gizonezkoa

Sutugius Akitania erromatarreko Jainko baten izena da. Berari eskainitako aldare bat konserbatzen da Saint-Plancard herrian, Garona Garaian. Saint-Jean-des-Vignesizeneko herriko elizan, hain zuzen. Aldarean, gerlari bat korazarekin azaltzen da zizelatuta, eta Marte jainko erromatarrari aipamena egiten zaio.

Gerlarekiko harreman hau baieztatzen da Poza de la Sal-en, Burgosen, autrigoien lurraldea erromatarren garaian, aurkitutako beste inskripzio batekin, kasu honetan Suttunius Jainkoari zuzenduta (Jainko berberaren izenaren aldaera, itxura guztien arabera) eta militar batek eginda.

Beste hainbatetan bezala, Piriniar eta antzinako Euskal Herriaren bertako jainko-jainkoseen lotura jainko klasikoekin dibinitate hauen ezaugerriei buruzko zenbait argipen ematen digu. Are gehiago kasu honetan, aipatutako gerlariaren irudiarekin eta aldaera egiten duenaren lanbidearen aipamenarekin.

Zalantzarik gabe, Sutugius hau gerlarekin zer ikusirik zuen bertako dibinitate bat da.

Etimologia[aldatu | aldatu iturburu kodea]

"Sutu" edo "sutsu" euskal hitzek zer ikusirik izan dezakete dibinitate honekin.

Inskripzioak[aldatu | aldatu iturburu kodea]

Suttunius jainkoari botoz egindako aldarea. "Suttunio deo sac(rum) / L(ucius) Aufidus Masculinus / sesq(ui)plicarius / p(ropia) p(ecunia) fac(iensum) cur(avit)."

Itzulpena.: Suttunius jainkoari kontsakratua. Lusius Aufidius Masculinus seskiplikarioak (hierarkia militarrean erdi mailako graduazioa zuenak, alegia) eraikiarazi zuen.

Bibliografia[aldatu | aldatu iturburu kodea]

K. Larrañaga Elorza, Euskal Herria Antzinatean. Materiale eta Agiriak, UNED-Bergara, 1988, 316 or., 176 zkia.
Julien Sacazeren lanak:

Les Anciens dieux des Pyrénées, nomenclature et distribution géographique. Extrait de la Revue de Comminges (Saint-Gaudens), 28p., 1885.
Inscriptions antiques des Pyrénées. Hitzaurrea M. Albert Lebèguek eginda. Tolosa, XII-576p. (Bibliothèque méridionale. 2e série,1892. ; 2). Berrargitalpena fakzimilean, Tolosa, ESPER, 1990.
Inscriptions antiques du Couserans. Tolosa, 28p., 1892. Berrargitalpena fakzimilean, Nîmes, C. Lacour, 2001.

Kanpo estekak[aldatu | aldatu iturburu kodea]

Datuak: Q12267771