Eonaviera
Eonaviera, Galiziera-asturiera edo Asturias mendebaldeko fala, bere hiztunek gehienetan Fala deitua, Asturiasko (Espainia) Eo eta Navia ibaien arteko mintzaira da, Eo-Navia eskualdean mintzatzen dena, alegia.
Eonavieraren izena ez ezik, bere izaera ere eztabaidatua da. Real Academia Galega eta Instituto da Lingua Galega erakundeentzat, horrela, eonaviegoa galizieraren aldaera bat da, eta hizkuntzari Galego de Asturias edo Galego eonaviego deritzote. Beste batzuek (Academia de la Llingua Asturiana, adibidez), berriz, eonaviera asturiera eta galizieraren arteko aldaera berezitzat hartzen dute, gallego-asturianu izena hobetsiz. Asturiasko Gobernuak bultzatutako Asturieraren Normalizaziorako Plangintzan, herrialdearen mendebaldean mintzatzen dena galiziera-asturiera dela esaten da, bere sostengurako neurri zehatzak proposatuz eta de facto asturieraren maila berean ipiniz. Oro har, eonaviera galizieraren aldaeratzat jotzen den ikuspegia zabalduago dago.
Eonavieraren hiztunak 45.000 bat dira, eta berezko literatura txiki bat ere badu hizkuntzak. Eonavierazko idazle ezagunenak Aurora Rivas, Xose Miguel Suarez, María José Fraga eta Xavier Frías Conde dira.
Ikus, gainera
Kanpo loturak
- (Eonavieraz) Fala Viva elkartea
- (Eonavieraz) Xeira Kultur Elkartea, Eonavieraren izaera asturiarraren aldekoa
- (Eonavieraz) Mesa prá Defensa del Galego de Asturias, Eonaviegoaren izaera galiziarraren aldekoa