John Milnor

Wikipedia(e)tik
Hona jo: nabigazioa, Bilatu
John Milnor
John Milnor.jpg
Bizitza
Jaiotza New Jersey1931ko otsailaren 20 (86 urte)
Herrialdea  Ameriketako Estatu Batuak
Familia
Ezkontidea(k) Dusa McDuff
Hezkuntza
Heziketa Princetongo Unibertsitatea
Tesi zuzendaria Ralph Fox
Hizkuntzak ingelesa
Lanbidea
Lanbidea matematikaria, topologoa eta unibertsitateko irakaslea
Enplegatzailea(k) Princetongo Unibertsitatea
Stony Brookeko Unibertsitatea
Jasotako sariak
Kidetza Ameriketako Matematika Elkartea
Ameriketako Estatu Batuetako Zientzien Akademia Nazionala
Zientzien Errusiar Akademia
Norvegiako Zientzia eta Letren Akademia
Arteen eta Zientzien Ameriketako Estatu Batuetako Akademia

John Willard Milnor (Orange, New Jersey, AEB, 1931ko otsailaren 20a) estatubatuar matematikaria da.

Biografia[aldatu | aldatu iturburu kodea]

Lehenengo ikasketak Princetongo Unibertsitatean egin zituen, eta 1951n jaso zuen titulua. Graduatu ondoren, Princetonen hasi zen ikerlanean, eta 1953an, doktoregoko ikasketak bukatu baino lehen, irakasle hartu zuten. Tesia, Isotopy of Links ("Loturen isotopia"), Ralph Foxen zuzendaritzapean egin zuen, eta 1954an aurkeztu zuen. 1962an Henry Putmanen katedra eskuratu zuen Princetongo Unibertsitatean. Zazpi dimentsioko esfera batek estruktura diferentzial ugari izan ditzakeela da Milnorren aurkikuntzarik garrantzitsuena, eta horri esker arlo berriak sortu zituen topologia diferentzialean.

1950eko hamarkadan Milnorrek topologia aljebraikoa landu zuen, eta gaur egun batez ere dinamikan dihardu. Bere lanari esker ohore asko jaso du: 1962ko Stockholmeko Nazioarteko Kongresuan Fields domina jaso zuen; Zientzietako Domina Nazionala (1967) eta Leroy P. Steele sariaren hiru modalitateak jaso ditu 1982, 2004 eta 2011n.

Bestalde, Zientzietako Akademia Nazionaleko kidea da, Amerikako Arte eta Zientzietako Akademiakoa eta Amerikako Filosofia Elkartekoa. 1962tik aurrera Annals of Mathematics aldizkariko zuzendari izan zen, eta 1988az gero New Yorkeko Estatuko Unibertsitatean lan egiten zuen.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: John Milnor Aldatu lotura Wikidatan