Tuterako geltokia

Wikipedia, Entziklopedia askea
Jump to navigation Jump to search
Infobox train2.png
Tutera
Renfe Distantzia Ertaina Logotipo de Renfe Operadora.svg
Tudela - Estación de ADIF 1.jpg
Kokapena
Udalerria Nafarroako Foru Erkidegoa Tutera, Nafarroa, Euskal Herria
Geltokiaren datuak
Gunea
Tuterako geltokia hemen kokatua: Nafarroa Garaia
Tuterako geltokia
Tuterako geltokia
Tuterako geltokia (Nafarroa Garaia)
Zerbitzuak Aparcamiento.svgAseos.svgServicios adaptados.svg
Garraio zerbitzuak
Distantzia luzea Alvia, Trenhotel
Distantzia ertaina Intercity, Rexional Exprés

Tuterako geltokia Nafarroako Tutera udalerrian dagoen tren geltoki bat da. Renferen Adif konpainiak ustiatzen du. Horretaz gain, autobus geltokia ere bada.

Kokapena[aldatu | aldatu iturburu kodea]

Tuterako geltokia Zaragozako Casetasko geltokia eta Bilboko Abandoko Indalecio Prieto geltokia elkarlotzen dituen burdinbideko 77,4 kilometroan dago, 261 metroko garaieran.

Historia[aldatu | aldatu iturburu kodea]

1861eko martxoaren 16an Tudela-Caparroso arteko burdinbidea inauguratu zen, Zaragoza-Iruñea Burdinbidearen Konpainiak Zaragoza hiria eta Nafarroa elkarlotzeko zuen egitasmoaren barnean.[1] Zaragoza-Iruñea Burdinbidearen Konpainia berehala Zaragoza-Bartzelona Burdinbidearen Konpainiarekin batu zen, Zaragoza-Iruñea eta Bartzelona Burdinbidearen Konpainia sortuz.[2] 1878ko apirilaren 1an bere egoera ekonomiko kaxkarrak Espainiako Norteko Burdinbidearen Konpainiarekin batzea derrigortu zuen. 1941ean, Espainiako burdinbideen nazionalizatzeak Espainiako Norteko Burdinbidearen Konpainia orduantxe sortu berri zen Renfe konpainiaren barnean sartzea suposatu zuen.

2004ko abenduaren 31tik aurrera Renfek linea ustiatu eta Adif geltoki eta instalakuntzen jabea da.

Geltokia[aldatu | aldatu iturburu kodea]

Herrigunearen mendebaldean dago, Ebro ibaia eta Azucarera parketik hurbil. Hiru solairudun pabilioi batez osatutako bidaiarientzako eraikin zabala du, bi hegal gehigarri eta mutur banatan bi dorre. Lau burdinbide eta bidaiarientzako bi plataforma ditu, bata albokoa eta bestea erdikoa. Biak ere, estaliak dira.

Bidai txartel saltokia, informazio gunea, itxaron gela, komunak, kafetegia, jatetxea, auto alokairua eta pertsona ezgaituentzako zerbitzu egokituak ere baditu. Kanpoaldean, aparkaleku egokitua eta autobus geltokia daude.

Tren zerbitzuak[aldatu | aldatu iturburu kodea]

Distantzia luzeak[aldatu | aldatu iturburu kodea]

Geltokian Kataluniako Bartzelona hiriburua Euskal Herria, Gaztela-Leon, Asturias eta Galizia elkarlotzen duten distantzia luzeko Alvia trenak gelditu ohi dira. Tutera hiria Madrilekin Madril-Iruñea lineako Alvia trenaz ere loturik dago.

Distantzia Ertaina[aldatu | aldatu iturburu kodea]

Tuterako geltokian gelditzen diren Distantzia Ertaineko trenek nafar hiria Iruñea, Castejón, Zaragoza, eta Logroño hiriekin lotzen dute.

Erreferentziak[aldatu | aldatu iturburu kodea]

  1. FZPko memoriaren 3. orr., 1861ko ekainaren 8an ospatutako Akziodunen Batzar Orokorrareen ondorioz
  2. Zaragozatik Iruñea eta Altsasura spanishrailway

Koordenatuak: 42° 03′ 34.39″ N, 1° 35′ 51.33″ W / 42.0595528°N,1.5975917°W / 42.0595528; -1.5975917