Chengdu

Wikipedia(e)tik

Chengduko Shudu etorbidea.

Jinli kalearen ikuspegia.

Chengdu (txinera sinplifikatuz: 成都, pinyineraz: Chéngdu), Sichuango probintzian kokatua. Guztira, 10.820.000 biztanle inguru dauzka, horietarik 3.900.000 inguru erdigunean bizi direlarik.

Eduki-taula

1 Inguru naturala eta kokapena
- 1.1 Klima
2 Banaketa administratiboa
3 Ikustekoak
4 Azpiegiturak
5 Hiri senidetuak
6 Ikus, gainera
7 Erreferentziak
8 Kanpo loturak

[aldatu] Inguru naturala eta kokapena

Chengduren mugakideak honakoak dira: Ngawa prefektura autonomoa ipar-mendebaldean, Deyang ipar-ekialdean, Ziyang ekialdean, Meishan hegoaldean, eta Ya'an mendebaldean.

[aldatu] Klima

Batez besteko tenperatura eta prezipitazioak^[1]
	Urt	Ots	Mar	Api	Mai	Eka	Uzt	Abu	Ira	Urr	Aza	Abe
Max (°C)	9º	11º	16º	22º	26º	28º	29º	29º	25º	21º	16º	10º
Min (°C)	3º	5º	8º	13º	17º	21º	22º	22º	19º	15º	10º	5º
Euria (mm)	22,0	36,0	58,0	126,0	174,0	341,0	545,0	633,0	294,0	89,0	41,0	15,0

[aldatu] Banaketa administratiboa

Chengduko barruti eta konderrien mapa.

Prefektura mailako Chengdu hiriko erdigunea bost barrutik osatzen dute:

Qingyang Barrutia (青羊区)
Jingjiang Barrutia (锦江区)
Jinniu Barrutia (金牛区)
Wuhou Barrutia (武侯区)
Chenghua Barrutia (成华区)

Hiriaren erdigunearen inguruan, beste lau barruti daude:

Longquanyi Barrutia (龙泉驿区)
Qingbaijiang Barrutia (青白江区)
Xindu Barrutia (新都区)
Wenjiang Barrutia (温江区)

Eta prefektura mailako hiriaren antolaketa osatuz, nekazal guneetako konderri mailako lau hiri eta sei konderri:

Pengzhou Hiria (彭州市)
Qionglai Hiria (邛崃市)
Chongzhou Hiria (崇州市)
Dujiangyan Hiria (都江堰市)
Jintang Konderria (金堂县)
Shuangliu Konderria (双流县)
Pi Konderria (郫县)
Dayi Konderria (大邑县)
Pujian Konderria (蒲江县)
Xinjin Konderria (新津县)

[aldatu] Ikustekoak

Wu markesaren tenplua: Zhuge Liangen omenez eraiki zen, Hiru Erreinuen garaian Shu erreinuko lehen ministro izandakoa. Jatorrizko tenplua Liang hil baino 400 urte lehenago eraiki zen. Ming dinastia garaian, Shu errege izandako Liu Bei enperadorearen hilobiaren tenplua eraiki zen. Qing dinastia garaian tenplua eraberritu zen. 37.000 kilometro koadroko azalera dauka.

Wenshu monasterioa: Tang dinastia garaian eraikitako monasterio budista da. Wenshu jainkoaren omenezko monasterioa, Chengdun ondoen kontserbaturikoa da eta 5,5 hektareako azalera hartzen du. Tenpluaren konplexua 200 eraikinek osatzen dute, eta bertan budaren 400 estatuatik gora aurki daiteke.

Du Furen etxola: Du Fu poetak eraiki zuen Chengdun bizi izan zen garaian. Haizete batek etxola deuseztu zuen arren, poeta hiltzean herritarrek etxe berria altxatu zuten artista omentzeko. Ming eta Qing dinastia garaietan berreraiki behar izan zuten berriz ere, eraikuntzak kalteak jasan zituelako.

Wang Jian jeneralaren hilobia: Tang dinastia garaian ejerzitoko jeneral izandako Wang Jianen hilobia da. Jenerala izan ondoren, Shu erreinuko enperadore izendatu zuten.