Henrike II.a Ingalaterrakoa

Wikipedia(e)tik
Hona jo: nabigazioa, Bilatu
kapa zakarra

Henrike II.a, kapa zakarra (ingelesez Curtmantle, frantsesez Court-manteau) ezizenez ezaguna, (Le Mans, Frantzia, 1133ko martxoaren 5aChinongo Gaztelua, Frantzia, 1189ko uztailaren 6a) Ingalaterrako erregea izan zen 1154 eta 1189 bitartean.

Izatez frantziarra, bere ama Matildaren aldetik Gilen Konkistatzailearen birbiloba zen. Aita berriz Godofredo V.a Anjoukoa zuen. 1151an azken hau hiltzean, Normandiako duke eta Anjou, Maine eta Nantesko konde bilakatu zen. Urtebete beranduago berriz, Leonor Akitaniakoarekin ezkontzearen ondorioz, Akitania eta Baskoniako duke ere bilakatu zen eta azkenik, 1154ean Ingalaterrako errege izendatu zuten, Plantagenet leinuko lehendabiziko erregea izan zelarik. Garai hartako kondaira batzuek esaten zutenez gainera, leinu horretako arbasoetako bat Deabrua bera zen.[1]

1171an Irlandako jaun bilakatu zen eta horretaz gain, batzuetan Gales, Eskozia eta mendebaldeko Frantziaren eskualde batzuk kontrolatu zituen. Hau guztia dela eta, garaiko Europako errege boteretsuena zen.

Henrike II.ak errege boterea haunditu nahi izan zuen Ingalaterran, horrek Eliza Katolikoarena gutxitzea suposatzen zuelarik. Hori zela eta, Canterburyko artzapezpiku eta Aita Santuaren ordezkari zen Thomas Becketekin egundoko iskanbilak izan zituen, azkenik 1170ean Erregeren jarraitzaile batzuek Becket hil zuten arte Canterburyko katedralean bertan. Egundoko eskandalua piztu zen Europa kristau osoan eta presionaturik, Erregeak amore eman behar izan zuen.

1177an, Westminster-en bitartekari lana egin zuen Gaztelako Alfonso VIII.a eta Nafarroako Antso VI.a Jakitunaren artean bi erreinuen arteko muga gatazka berri bat sortu zenean. Historialari batzuen arabera, emandako laudoa teorian neutrala eta inpartziala bazen ere,[2] praktikan kalte gehiago egin zion Nafarroari Gaztelari baino, Henrike II.ak erresuma piriniarra etsai edo gutxienez lehiakidetzat jotzen omen zuelako Akitanian.[3]

Ezkontza eta seme-alabak[aldatu | aldatu iturburu kodea]

1152an Bordelen Leonor Akitaniakoa ezkondu eta zortzi seme-alabak izan zituen:

Erreferentziak[aldatu | aldatu iturburu kodea]


Bibliografia[aldatu | aldatu iturburu kodea]

  • GILLINGHAM, J.: Richard I, London: Yale University Press, 2002 [1999]. ISBN 0-300-09404-3
  • OLAIZOLA, J.M.; URZAINQUI, T.: La Navarra marítima. Iruñea: Pamiela, 1998.



Aurrekoa
Eztebe Ingalaterrakoa
Ingalaterrako erregea
11541189
Ondorengoa
Rikardo I.a Ingalaterrakoa


Aurrekoa
Luis VII.a Frantziakoa
Akitaniako dukea
11521189
Ondorengoa
Rikardo I.a Ingalaterrakoa
Commonsen badira fitxategi gehiago, gai hau dutenak: Henrike II.a Ingalaterrakoa Aldatu lotura Wikidatan
Biografia
Erresuma Batua
Artikulu hau Erresuma Batuko biografia bati buruzko zirriborroa da. Wikipedia lagun dezakezu edukia osatuz.