Zaha Hadid
Zaha Hadid (زها حديد arabieraz; Bagdad, 1950eko urriaren 31a — Miami, 2016ko martxoaren 31a) irakiar jatorriko arkitekto britainiar dekonstruktibista izan zen. Ordenagailuek eta informatika programek ematen duten aukera berriez ahalbidetzen da bere arkitektura hein handi batean, azalera eta egitura bihurrituz sortzen diren espazio berriak sortuz.
Euskal Herrian ezaguna egin da Durangoko EuskoTrenen egoitza nagusia eraikitzeko lehiaketa irabazi eta Bilboko Zorrotzaurre auzoaren hirigintza plana egingo duelako.
Biografia laburra
Bagdaden jaioa (Irak), matematika ikasi zuen Beiruteko amerikar unibertsitatean Londresera arkitektura ikastera joan baino lehen. Titulua lortu eta gero, bere irakasle izandako Rem Koolhaas arkitekto holandarraren Office for Metropolitan Architecture (OMA) estudioan lan egin zuen. 1979an Londresen kokatutako bere arkitektura agentzia ireki zuen. 1980 hamarkadan Architectural Association-en irakasle izan zen.
2004 urtean Pritzker saria jaso zuen, emakume bati emandako lehena.
Lan garrantzitsuenak
Hadiden lan asko eta asko kontzeptualak izan dira, baian hauek dira eginadako lan batzuk:
- 1993 Vitra Suhiltzaile Etxea, Weil am Rhein, Alemania
- 1998 Rosenthal Center for Contemporary Art, Cincinnati, Ohio, AEB
- 2001 Hoenheim-Nord Terminus eta Parkina, Estrasburgo, Frantzia
- 2002 Bergisel Eski Jauzia, Innsbruck, Austria
- 2005 Ordrupgaard eranskina, Kopenhage, Danimarka
- 2005 Phaeno Science Center, Wolfsburg, Alemania
- 2005 Nordkettenbahn (aireko tranbia), Innsbruck, Austria
- 2005 BMW Zentroa, Leipzig, Alemania
Zaha Hadiden sari asko eraiki gabeko proiektuei izan dira: The Peak Club Hong Kong hirian (1983) eta Cardiff Bay Opera House Galesen (1994).
Kanpo loturak
- Zaha Hadid gune ofiziala
- Zaha Hadid paper Architect
- Zaha Hadiden bio/irudi/artikuluak KultureFlash gunean
- Pritzker sarien gune ofiziala
- Zorrotzaurreko Master Plana
 |
Wikimedia Commonsen badira fitxategi gehiago, gai hau dutenak: Zaha Hadid  |