Bildoze-Onizepea

Wikipedia(e)tik
Hona jo: nabigazioa, Bilatu
Bildoze-Onizepea
 Zuberoa, Euskal Herria
Viodos clocher.jpg
Bildozeko eliza
Administrazioa
Estatua Frantzia
Eskualdea Akitania Berria
Departamendua Pirinio Atlantikoak
Barrutia Oloroe-Donamaria
Kantonamendua Euskal Mendialdea
Izen ofiziala Viodos-Abense-de-Bas
Alkatea Pierre Sueskun
(2008-2014)
Posta kodea 64130
INSEE kodea 64559
Herritarra bildoztar-oniztar[1]
Kokapena
Koordenatuak 43° 14′ 28″ N, 0° 52′ 52″ W / 43.241111111111°N,0.88111111111111°W / 43.241111111111; -0.88111111111111Koordenatuak: 43° 14′ 28″ N, 0° 52′ 52″ W / 43.241111111111°N,0.88111111111111°W / 43.241111111111; -0.88111111111111
Bildoze-Onizepea hemen kokatua: Zuberoa
Bildoze-Onizepea
Bildoze-Onizepea
Bildoze-Onizepea (Zuberoa)
Azalera 12,71 km2
Garaiera 110 - 420 metro
Distantzia 2,5 km Maule-Lextarrera
Demografia
Biztanleria 748 biztanle (2013)
Dentsitatea 58,85 biztanle/km²
Zahartze tasa[2] % 24,58
Ugalkortasun tasa[2] ‰ 40,48
Ekonomia
Jarduera tasa[2] % 71,55 (2011)
Genero desoreka[2] % 8,13 (2011)
Langabezia erregistratua[2] % 4,31 (2013)
Kultura
Euskaldunak % 65,35 (2010)
Euskararen erabilera

%

34,17 (2011)
Datu gehigarriak
Sorrera 1842. urtea


Bildoze-Onizepea[3] Zuberoako iparraldean dagoen udalerria da, Pettarra eskualdekoa.

Maulerekiko hurbiltasunak esker, ez du Zuberoako herri gehienek bezainbesteko biztanle galerarik izan.

Izena[aldatu | aldatu iturburu kodea]

Frantsesezko bere izena Viodos-Abense-de-Bas da.

Bildozerentzat Jean-Baptiste Orpustanek[4] euskarazko jatorrizko formaren etimologia topatzeko zokoratzen ditu Dauzat eta Rostaingen teoria (bildots hitza oinarritzat) zein Lemoinerena (latinezko Vinatius); -oz amaiera duten gehienetan bezala oinarri antroponimikoa duela uste du. Egun frantsesez erabiltzen den Viodos toponimoa agertu baino lehen[5] honako itxurak izan ditu: Biudos (1337), Biodos (1496, Ohixen kontratuak[6]), Viudos (1690).

Onizerena azaltzeko, Orpustanek Onizmendi muino eta etxe noblearen presentzia aipatzen du. Abense-de-Bas toponimoa azaltzeko,[5] berriz, Abenssa dejus Mauleon eta Avensa (1460an eta 1496an hurrenez hurren, Ohixen kontratuak[6]) eta Beata Maria d'Abence Inferioris (1658, Oloroeko elizbarrutiaren paperak[7]).

Okzitanieraz Biudòs-Avensa de Baish deritzo. Zuberoan herri askoren izenekin gertatu bezala, euskarazko jatorrizko izenetik gaskoi aldaera bat sortu zen, eta gaskoi forma horretan oinarritu zen frantsesez arautu eta ofizial bihurtu dena. Okzitanian bada herri homonimo bat, Landetako Biudòs (frantsesez Biaudos), Baionarekin harreman handia duen Senhans (Seignanx) eskualdean.

Geografia[aldatu | aldatu iturburu kodea]

Ingurune naturala[aldatu | aldatu iturburu kodea]

Uhaitzandi ibaiak udalerriaren ekialdeko muga markatzen du, aipatu Urdagietaren salbuespena izan ezik; beste aldean Sohüta, Berrogaine-Larüntze eta Larrabile daude. Ibaiaren ertzean daude punturik baxuenak (120 bat m). Akharrabia[8] errekak mendebalde-ekialde norabidean antzinako bi udalerrien banaketa egiten du.

Punturik altuenak mendebaldean daude: Lapitzaga (406 m) Ainharbetik oso hurbil eta beste muino bat (400 m) azken herri honetako, Bildozeko eta Lextarreko lurrek bat egiten duten lekutik hurbil. Urdagietan, Bildoze-Onizepea, Berrogaine-Larüntze, Ürrüstoi-Larrabile eta Mitikile-Larrori-Mendibilek bat egiten duten puntuan muino bat dago, Larleta (292 m); aztarnategi protohistorikoa dago.

Udalerri mugakideak[aldatu | aldatu iturburu kodea]

Herriak[aldatu | aldatu iturburu kodea]

Egungo udalerriak batu ziren biren batuketa da; bakoitzak zenbait auzo ditu.

  • Bildoze (oraingo udalburua): biztanle gehienak herri barnean eta bere iparraldean zabaltzen den Eki Begia auzoan biltzen dira. Auzo txiki sakabanatuen artean mendebalderantz dagoen Bizkaiburu edo Uhaitzandi ondoko Uhartia.
  • Onizepea: kaskoaz gain hegoaldean Bildozerekiko mugan dagoen Haitz Bidea nabarmentzen da; txikiagoak: Onizmendi (gaztelua barne) eta mendebalderantz dauden Agerreberria, Aizagerria eta beste. Azkenik udalerriak Uhaitzandiren ekialdean duen lur zati bakarrean Urdagieta auzo zaharra dago.

Historia[aldatu | aldatu iturburu kodea]

Jakes Bela, XVII. mendeko euskal idazleak Bildozen foruak zeudela azaldu zuen, ondo gordeta zeudenak ere[9].

Bildoze eta Onizepea herriak, lehenago udalerri bana zutenak, 1842an batu ziren udalerri bakarra osatzeko.

Ekonomia[aldatu | aldatu iturburu kodea]

Udalerriko ekonomia tradizionala laborantzan dago oinarritua (abelazkuntza, belardiak). Hala ere, Maulerekiko hurbiltasunak[10] sektore industrialaren garapena ere ekarri du, batez ere tailer eta lantegi txikiak[11].

Demografia[aldatu | aldatu iturburu kodea]

Bildoze eta Onizepea XIX. mendean udalerri bakarrean batu zirenetik, biztanle kopurua 700 ingurukoa izan da. Kopururik handiena 1980ko hamarkadan erdietsi zen, 900 biztanleen maila gaindituta. XXI. mendean berriro 700 biztanleetara jaitsi zen populazioa.

Bildoze-Onizepeko biztanleria
Datuen iturburua: INSEE

Politika[aldatu | aldatu iturburu kodea]

Alkateak[aldatu | aldatu iturburu kodea]

Alkatea Agintaldia
Jean-Charles Barkoïsbide 1995-2001
Pierre Sueskun 2001-2008
Pierre Sueskun 2008-2014

Kultura[aldatu | aldatu iturburu kodea]

Jaiak eta ospakizunak[aldatu | aldatu iturburu kodea]

Abuztuko lehen asteburuan ospatzen dira udalerriko zaindariaren jaiak.

Ikastetxeak[aldatu | aldatu iturburu kodea]

Bildozen eta Onizepean Lehen Hezkuntzako eskola publiko bana dago[12].

Ondasun nabarmenak[aldatu | aldatu iturburu kodea]

  • Onizepeko Jasokundearen eliza. XVII-XVIII mendeetako erretaula dago bertan.
  • Bildozeko elizak XVII-XVIII mendeetako erretaula du. Eliza XVIII. mendekoa da.
  • Onizepeko Onizmendi jauregia, herriaren izena daramana.

Argazki galeria[aldatu | aldatu iturburu kodea]

Bildoztar-oniztar ospetsuak[aldatu | aldatu iturburu kodea]

Erreferentziak[aldatu | aldatu iturburu kodea]

  1. Euskaltzaindia: 99. araua: Zuberoako herri eta herritarren izenak.
  2. a b c d e   Euskal Herriari Begira, Udalbiltza, http://udalbiltza.eus/eu/euskal-herriari-begira .
  3. Euskaltzaindia: 92. araua: Zuberoako herri izendegia.
  4. Jean-Baptiste Orpustan: Toponymie basque, Presses Universitaires de Bordeaux, Bordele, 1991.
  5. a b Paul Raymond: "Dictionnaire topographique Béarn-Pays Basque"
  6. a b XV. mendeko Zuberoako notarioa zen Ohixen kontratuak - Archives départementales des Pyrénées-Atlantiques
  7. XVII. mendea - Archives départementales des Pyrénées-Atlantiques
  8. Accarabie Cassiniren mapan eta Recalt (Errekalte, Errekarte) Paul Raymonden Dictionnaire topographique du département des Basses-Pyrénées, 1863.
  9. Philippe Veyrin, "Les Basques", 156. orr. Arthaud, 1975, ISBN 2-7003-0038-6 . Jatorrizko testuak honela zioen: "c'est au village de Viodos que de tout jamais en ça les habitants de Soule ont mis et tiennent les escrits de leurs privilèges, qui y sont serrés en l'église, dans un endroit de la muraille à ce destiné et qui se ferme à sept clefs, qui sont gardées par les sept dégans du païs, chascun en ayant une"
  10. Maule-Lextarre eta Sohütarekin "konurbazio" txiki bat osatzen duela esan daiteke.
  11. Etrxegintzarekin zerikusia duten enpresa batzuk adibide gisa.
  12. Eskola zerrenda Zuberoako Herri Elkargoaren webgunean.
Wikimedia Commonsen badira fitxategi gehiago, gai hau dutenak: Bildoze-Onizepea Aldatu lotura Wikidatan
Portal.svg
Euskarazko Wikipedian bada atari bat, gai hau duena:
Euskal Herriko Wikiatlasa